Lokha nawulahlekelwe mumuntu otjhidelene nawe, kufanele ubikele amapholisa msinyana nawubonako bona mbala ulahlekile. Akukafaneli ulinde bekudlule ama-iri ama-24.
Ungadosela iPhiko laBantu abaLahlekileko ubike umuntu olahlekileko namkha uye esitetjhini samapholisa esiseduze uyokubika bona kunomuntu olahlekileko.
Letha isithombe somuntu olahlekileko samva wenzelele bona sifakwe kubuthelelomininingwana lePhiko laBantu abaLahlekileko. Ibuthelelomininingwaneli lilijima lokuPhelisa ubuLelesi begodu lisetjenziswa mapholisa elizweni zombelele. Khuluma loke ilwazi elingasiza bona abantu bakghone ukukhomba umuntu loyo, njengeminyaka, ubude, umbala weenhluthu, umbala wamehlo namatshwayo abonakalako njengeembazi namkha amathathu asemzimbenakhe. Ungakhonjelwa ukuzalisa amaforomo unikele yoke imininingwana le.
Kuzakukhonjwa umsetjhi ozokuqalana nomlandu lo. Qinisekisa bona unebizo nemininingwana yomtato yomsetjhi begodu uthintane naye ngeenkhathi zoke. Kufanele unikele umsetjhi loyo ilwazi elitjha olifumanako ngomuntu olahlekileko nasele ubike umlandu.
Khumbula ukubikela amapholisa lokha umuntu olahlekileko nasele afunyenwe.
Fumana ilwazi elinabileko mayelana nokubika umuntu olahlekileko.
