Loko u lava ku va na vun’winyi bya xibalesa, u fanele u ya endla vuleteri eka ndzawulo leyi yi nga enawini na kona u fanele u kuma xitifikheti lexi xi kombisaka vuswikoti eka ku leteriwa ka wena.
Loko u kumile xitifikheti lexi xi kombisaka vuswikoti bya wena, u nga endla xikombelo xa maphepha ya xibalesa eka xitichi xa wena xa xiphorisa xa le kusuhi. Eka xibalesa xin’wana na xin’wana lexi u nga na xona u fanele u vana maphepha.
Nxanxameto wa tindhawu leti letelaka leti ti nga enawini wa kumeka eka webisayiti ya Ndzawulo ya Vukhorhokeri bya Xiphorisa xa Afrika-Dzonga (SAPS).
Pfuxeta maphepha ya xibalesa xa wena
U fanele u pfuxeta maphepha ya xibalesa xa wena kwalomu ka 90 wa masiku ku nga se fika siku ro hundzeriwa. Ku va enawini ka maphepha ya xibalesa swi hambana exikarhi ka malembe ya mbirhi na kwalomu ka khume ra wona, leswi swi endliwa hi muxaka wa maphepha lawa u nga na wona.
Kuma vuxokoxoko ku u nga endla njhani xikombelo xa maphepha ya xibalesa kumbe u ti hlanganisa na Sentara ya Tinqingho ya Swibalesa swa Rixaka ya SAPS (012 353 6111/cfrenquiry@saps.gov.za).
