Nangabe ufuna kuba nesibhamu, ufanele kutsi uceceshwe kusikhungo lesisemtsetfweni bese utfola sitifiketi sekuba nelikhono lekusebentisa sibhamu.
Nangabe sewutfole sitifiketi sekuba nelikhono lekusebentisa sibhamu, sewungasifaka-ke sicelo sekuba nemvume yekuba nesibhamu esiteshini sakho semaphoyisa lesisedvute. Udzinga kutsi ube nemvume yanome ngabe ngusiphi sibhamu lonaso.
Luhlu lwetikhungo tekucecesha letisemtsetfweni lukuwebhusayithi yeMbutfo Wetemaphoyisa WaseNingizimu Afrika (i-SAPS).
Vusetela imvume yakho yekuba nesibhamu
Kufanele kutsi uvusetele imvume yakho yekuba nesibhamu lokungenani ngembi kwetinsuku letinge-90 ngembi kwelusuku lwekutsi imvume iphelelwe sikhatsi. Kuba semtsetfweni kwemvume kuyahlukahlukana kusukela emkhatsini weminyakeni lemibili neminyaka lelishumi kuye ngalolo hlobo lwemvume.
Tfola kabanti mayelana nekufaka sicelo lesisha semvume yekuba nesibhamu nome utsintse Sikhungo Setingcingo Savelonkhe Setibhamu saka-SAPS (012 353 6111/cfrenquiry@saps.gov.za).
