U fanele ku tsarisa bindzu ra wena ka Xibalo xa Mixavo (VAT) loko nxavo hinkwawo wa xibalo xa nhundzu kumbe vukorhokeri swi tlula R1 wa miliyoni eka 12 wa tinhweti, kumbe yi languteriwa ku tlula mali leyi.
Bindzu ri nga ha tsarisa vutinyiketeri loko mali leyi yi nghenaka eka 12 wa tinhweti yi hundza R50 000.
VAT i xibalo xo ka xi nga kongomi eka vatirhisi va nhundzu na vukorhokeri eka ikhonomi.
Yisa fomo yo tsarisa eka rhavi ra SARS emugangeni wa ka n’wina exikarhi ka 21 wa masiku ku sukela eka siku ro hundzisa R1 wa miliyoni.
VAT i xibalo eka mpimo lowu wu nga ringanisiwa wa 15% eka ku phakeriwa ka nhundzu na vukorhokeri hi vaxavisi lava va nga tsarisa. Ku na nhlayo leyi yi nga pimiwa ya nhundzu na vukorhokeri leyi ku nga hakeriwiki VAT kumbe va nga ntshuxeka eka VAT.
U nga ha endla xikombelo xo herisa ku tsarisa Xibalo xa Mixavo (VAT) loko xibalo xa nhundzu leyi yi nga na xibalo yi wela ehansi ka mpimo wa R1 wa miliyoni, kumbe loko migingiriko hinkwayo ya bindzu yi yimile.
Ntsariso wa wena wa VAT wu ta herisiwa ntsena loko Khomixinara a enerisiwa leswaku xibalo xa mphakelo wa wena a xi hundzi R1 wa miliyoni kumbe a wa ha yi emahlweni na bindzu.
U fanele ku tivisa Xiyenge xa Xibalo xa Afrika-Dzonga (SARS) exikarhi ka 21 wa masiku ya ku yimisa bindzu ra wena.
Bindzu ra wena ri ta tama ri tihlamulela eka swikweleti swin’wana na swin’wana leswi swi nga sala swa VAT loko ra ha tsarisiwile tanihi muxavisi.
Ku kuma swo tala hilaha u nga tsarisaka hakona VAT kumbe ku herisa ntsariso wa wena kumbe tihlanganisi na SARS.
