Kufanele ibhizinisi yakho ibhaliselwe Umtselo (VAT) nangabe linani selilonkhe letimphahla nobe imisebenti lekhokhiswa umtselo ingetulu kwemarandi lasigidzi lesisodvwa esikhatsini lesitinyanga letili-12, nobe kulindzeleke kutsi ibe ngetulu kwalelinani.
Ibhizinisi ingase futsi ngekutitsandzela ibhalise uma kuletinyanga letengcile letili-12 itfole imali lengetulu kwa-R50 000.
I-VAT ingumtselo loseceleni wekusetjentiswa kwetimphahla kanye nemisebenti yemnotfo.
Faka lifomu lekubhalisa ehhovisi le-SARS lelisendzaweni yakho phakatsi nemalangala langema-21 kusukela elangeni lowengce ngalo emarandi lasigidzi lesisodvwa.
I-VAT idvonswa ngekwelinani lesilinganiso lesingemaphesenti lali-15 emphahleni loyitsengisile nangemisebenti leyentiwe bosomabhizinisi lababhalisile. Kunetimphahla kanye nemisebenti lembalwa lokungadzingeki ibhadale i-VAT nobe lengakhokhiswa i-VAT.
Ungafaka sicelo sekusulwa ekubhaliseleni Umtselo (VAT) nangabe linani letintfo letikhokhiswa umtselo liba ngaphasi kwesilinganiso semarandi lasigidzi lesisodvwa, nobe uma yonkhe imisebenti yebhizinisi ingasachubeki.
Kubhalisela kwakho i-VAT kuyosulwa kuphela nangabe Khomishane aneliseka kutsi tintfo takho lokufute tikhokhiswe umtselo atikho ngetulu kwemarandi lasigidzi lesisodvwa nobe uyiyekelile ibhizinisi.
Kufanele watise Luphiko Lwemalingena LwaseNingizimu Afrika (SARS) phakatsi nemalanga langema-21 uyekelile kuchuba libhizinisi lakho.
Libhizinisi lakho liyoba nesibopho sekukhokha nobe nguyiphi imali ye-VAT labeyingakakhokhwa ngesikhatsi lisebhalise njengebhizinisi.
Tfola kabanti ngekutsi ungayibhalisela njani i-VAT nobe usule kubhaliswa kwakho nobe tsintsana ne-SARS.