Ku rhijisitara khampani yo ka y nga ri yo bindzurisa

Hi mayelana na ku rhijisitara khampani yo ka yi nga ri yo bindzurisa  

Ka nhlangano wa wena wa vaakatiko wu fanele ku tiviwa tanihi lowu tivekaka hi swa xinawu, u fanele ku yi rhijisitara tanihi khampani yo ka yi nga ri yo bindzurisa (NPC) na Tikhampani na Khomixini ya Tikhampani na Vun’wini bya Nhundzu (CIPC).

Ti-NPC i mabindzu lama ma nga tumbuluxiwa ku pfuna vanhu, ku sirhelela mbangu kumbe ku lwela swin’wana swa kahle. Swi nga ha katsa tikereke, mihlangano yo twela-vusiwana na mihlangano ya swa ndhavuko. Xikongomelonkulu xa NPC i ku vuyerisa vaaki, ku nga ri ku bindzurisa.  
Mali leyi kumekaka na nhundzu swi nga endleka swi nga phakeriwi vakatsiwa, swirho, tidayirekitara kumbe vatirhi va khampani yo ka yi nga ri yo bindzurisa, handle ka ku ririsa ko twala ka mitirho leyi va yi endlaka. Nhundzu hinkwayo ya khampani yo ka yi nga ri yo bindzurisa na mali leyi kumekaka swi fanele ku tirhisiwa ku humelerisa swikongomelo swa swona leswi vuriweke, tanihilaha swi kombisiweke ha kona eka Memorandamu ya Nkatsano (MOI).

Minimamu ya vakatsiwa vanharhu va fanele ku tatisa na ku sayina MOI. Minimamu ya tidayirekitara tinharhu va fanele ku thoriwa.

tikhampani to ka ti nga ri to bindzurisa mikarhi hinkwayo ti fanele ku va na dayirekitara yin’we (handle ka loko MoI wu kombisa nhlayo ya minimamu ya le henhla ya tidayirekitara). Ku thoriwa ka muoditara na matsalana wa khampani a hi mfanelo kambe i ku tihlawulela  

U nga ha rhijisitara Khampani yo ka yi nga ri yo Bindzurisa tanihi:

• Khampani yo ringanisa yo ka yi nga Bindzurisi (na swirho)
• Khampani yo ringanisa yo ka yi nga Bindzurisi (na swirho a (handle ka swirho) 
• Khampani yo ringanisa swo karhi yo ka yi nga Bindzurisi), 
• Khampani yo ringanisa swo karhi yo ka yi nga Bindzurisi (handle ka swirho).

Vito ra khampani yo ka yi nga bindzurisi yi ta heta na “NPC”.

Leswi u faneleke ku swi endla

1. Rhijisitara eka netiweke ya khomphyuta tanihi khasitama eka CIPC ku endlela leswaku u kota ku endla bindzu na CIPC kumbe u rhijisitara hi khasitama leyi nga kona, xik. kombela n’watinkonta wa wena ku ku rhijisitarela.
2. Hlayisa vito ra khampani hi ku tatisa Fomo ya CoR 9.1 yo endla Xikombelo xo Hlayisa Vito. Vito ro hlayisa ri hanya ku ringana tsevu wa tin’hweti. 
3. Hakela mali ya R75 loko u yisa hi voko kumbe R50 loko u tata fayili hi xielekitironiki.   
4. Yisa matsalwa lama landzelaka yo seketela xikombelo xa wena:
   • Tikhopi ta phasipoto leti nga setifayiwa (loko u ri wa ku huma ematikweni ya le handle) kumbe Khopi ya Pasi leyi nga setifayiwa (ID) (loko u ri Muafrika-Dzonga) ya tidayirekitara hinkwato leti nga tekaka vurhangeri leti kombisiweke na lava katsiweke  
   • Khopi ya pasi leyi setifayiweke ya muendli wa xikombelo loko muendli wa xikombelo a nga endli hi un’we wa tidayirekitara leti tekaka vurhangeri kumbe lava katsiweke  
   • Loko mukatsiwa a ri munhu wa nawu, kutani matimba ya gqweta ku yimela ku pfumeleriwa hi munhu lowu wa nawu ku katsa khampani na ku sayina matsalwa hinkwawo lama ma fanelaka
   • Loko munhu a katsa khampani na ku sayina matsalwa lama fanelaka ku katsiwa hi ku yimela un’wana na un’wana kumbe hinkwavo lava katsiweke na tidayirekitara leti tekaka vurhangeri, matimba ya gqweta na khopi leyi nga setifayiwa na khopi ya pasi leyi nga setifayiwa swa munhu loyi a lavekaka 
   • Loko vito ri hlayisiwile ku nga si tatisiwa matsalwa ya nkatsano, hikokwalaho vito ra matsalwa lama nga hlayisiwa.
5. Loko u tsarisa Khampani yo ringanisa yo ka yi nga ri yo Bindzurisa (handle ka swirho), yisa leswi landzelaka:
   • CoR15.1C 
   • CoR 14.1 
   • Matsalwa yo seketela  
   • Matsalwa lama landzelaka ma fanele ku tatiwa na CoR15.1C:
     • CoR14.1 Xikhomanisiwa xa A  
     • CoR14.1 Xikhomanisiwa xa B  loko vito ri fanele ku hlayisiwa eka nkatsano
6. Loko muoditara, swirho swa komiti yo odita na/kumbe matsalana wa khampani wa thoriwa loko u rhijisitara Khampani yo endla swo karhi handle ko bindzurisa (handle ka swirho), yisa leswi landzelaka:
   • CoR15.1D 
   • CoR 14.1 
   • Matsalwa yo seketela   
   • Matsalwa lama landzelaka ma nga ha tatisiwa na CoR15.1D:
     • CoR14.1 Xikhomanisiwa xa A 
     • CoR14.1 Xikhomanisiwa xa B  loko vito ri hlayisiwa eka nkatsano
     • CoR14.1 Xikhomanisiwa xa C  loko u sirhelela xivumbeko
     • CoR14.1 Xikhomanisiwa xa D Loko muoditara, swirho swa komiti yo odita na/kumbe matsalana wa khampani wa thoriwa
7. Loko u tsarisa Khampani yo ringanisa yo ka yi nga ri yo Bindzurisa (na swirho), yisa leswi landzelaka:
   • CoR15.1E 
   • CoR 14.1 
   • Matsalwa yo seketela 
   • Matsalwa lama landzelaka ma nga ha tatisiwa na CoR15.1E:
     • CoR14.1 Xikhomanisiwa xa A 
     • CoR14.1 Xikhomanisiwa xa B  loko vito ri hlayisiwa eka nkatsano
     • CoR14.1 Xikhomanisiwa xa C  loko u sirhelela xivumbeko
     • CoR14.1 Xikhomanisiwa xa D Loko muoditara, swirho swa komiti yo odita na/kumbe matsalana wa khampani wa thoriwa  
8. Loko u tsarisa Khampani yo ringanisa yo ka yi nga ri yo Bindzurisa (handle ka swirho), yisa leswi landzelaka:
   • CoR15.1D 
   • CoR 14.1 
   • Matsalwa yo seketela 
   • Matsalwa lama landzelaka ma nga ha tatisiwa na CoR15.1E:
     • CoR14.1 Xikhomanisiwa xa A 
     • CoR14.1 Xikhomanisiwa xa B  loko vito ri hlayisiwa eka nkatsano
     • CoR14.1 Xikhomanisiwa xa C  loko u sirhelela xivumbeko
     • CoR14.1 Xikhomanisiwa xa D Loko muoditara, swirho swa komiti yo odita na/kumbe matsalana wa khampani wa thoriwa

Lemuka leswi: Loko vito leri bumabumeriweke ri ariwa, khampani yi nga ha rhijisitariwa naswona nomboro yo rhijisitara yi nga ha hundzuka vito ra khampani ya wena eka nkatsano, ku kondza nkarhi lowu tanihi vito leri nga fanela ri hlayisiwa kumbe ri va leri pasisiweke.  

Leswi u faneleke ku swi endla

• Swi teka 5-10 wa masiku yo tirha ku hlayisa vito ra khampani.
• Swi nga ha teka 5 – 10 wa masiku yo tirha ku rhijisitara khampani yo ka yi nga ri yo bindzurisa.

Xana swi durha mali muni

• R175 - Memorandamu ya Nkatsano (Hi ku ya hi ku hungutiwa loku pfumeleriweke) ya khampani yo ringanisa yo ka yi nga ri yo bindzurisa (CoR 15.1C).  
• R475 - Memorandamu ya Nkatsano (Hi ku ya hi ku hungutiwa loku pfumeleriweke) ya khampani leyi endlaka swin’wana swo ka swo ka swi nga ri swo bindzurisa na swirho (CoR 15.1D)  kumbe handle ko va na swirho (CoR 15.1E).  
• R50 ya ku hlayisa vito hi xielekitironiki. 
• R75 ya ku hlayisa vito hi ku tata hi voko ku hlayisa.

Tifomo leti tatiwaka

Tifomo ta swikombelo ta kumeka ehofisini ya le kusuhi ya Companies and Intellectual Property Commission / www.cipc.co.za

Vuxokoxoko bya vutihlanganisi