Xikombelo xa vuaka-tiko hi ku va muaka-tiko loyi a nga velekeriwangiku etikweni

Loko u velekiwile eAfrika-Dzonga naswona un’we wa vatswari va wena a ri muaki wa Afrika-Dzonga kumbe a ri na mpfumelelo wo tshama eAfrika-Dzonga nkarhi hinkwawo, kumbe loko ku ri ku u hlayisiwa hi muakitiko wa Afrika-Dzonga kumbe loyi a muaki swa nkarhi hinkwawo, xikan’wekan’we u ringanela ku va muakitiko.

U nga ha endla xikombelo xo va muakitiko hi ku cinca vutshamo kumbe ku nyikiwa mpfumelelo wa vuakitiko.

Nakambe u nga ha endla xikombelo xo hlayisa vuakitiko bya wena u nga si kuma vuakitiko bya tiko rin’wana. Handle ka loko u nyikiwile vuhlayisi bya vuakitiko u nga si kuma vuakitiko bya tiko rin’wana, u ta lahlekeriwa hi vuakitiko bya wena bya ku va Muafrika-Dzonga hi endlelo hi swoxe.

U nga ha endla xikombelo ku va na vuakitiko bya ku va Muafrika-Dzonga ku va byi tlhelerisiwa loko ku ri ku khale a wu ri muakitiko hi ku velekiwa kumbe u tlhelerile eAfrika-Dzonga swa nkarhi hinkwawo.

U nga ha herisa vuakitiko bya wena bya ku va Muafrika-Dzonga loko u lava ku kuma vuakitiko bya tiko rin’wana.

U nga ha endla xikombelo xo pfumeleriwa ku lahlekeriwa hi vuakitiko loko u kumile vuakitiko bya tiko rin’wana ku nga si fika siku ra 6 Nhlangula 1995.

Kuma swo tala mayelana na vuakitiko kumbe u tihlanganisa na Ndzawulo ya Timhaka ta Xikaya