Uma watalelwa eNingizimu Afrika futsi lokungenani lomunye webatali bakho anebuve baseNingizimu Afrika nobe anemvume yekuhlala nomphela eNingizimu Afrika, nobe uma wafakwa esiswini semuntfu lonebuve baseNingizimu Afrika noma longumhlali wanomphela, ngalokutentakalelako uyafaneleka kuba nebuve.
Ungafaka sicelo sebuve baseNingizimu Afrika ngekutalwa nobe ngekwemvelo.
Futsi ungafaka sicelo sekugcina buve bakho ngembikwekutsi utfole buve bakulelinye live. Ngaphandle nangabe uniketwe lilungelo lekugcina buve bakho ngembikwekutfola buve bakulelinye live, ngalokutentakalelako utawulahlekelwa buve bakho baseNingizimu Afrika.
Ungafaka sicelo sekubuyiselwa buve bakho baseNingizimu Afrika nangabe ngaphambilini bewunebuve ngekutalwa nobe ngekwemvelo futsi nyalo sewubuyele unomphela eNingizimu Afrika.
Unganiketwa lilungelo lekulahla buve bakho baseNingizimu Afrika uma uhlose kutfola buve bakulelinye live.
Ungafaka sicelo sekungalahlekelwa buve nangabe utfole buve bakulelinye live ngembikwamhlaka- 6 Imphala 1995.
Tfola kabanti ngebuve nobe tsintsana neLitiko Letasekhaya.
