Faka sicelo sephemithi yekuphatsa indzawo yekukhicita timfishi

Ngesicelo sephemithi yekuphatsa indzawo yekukhicita timfishi

Uma ufuna kuba nendzawo yekukhicita timfishi (Fish Processing Establishment- FPE), kufanele ube nephemithi yeFPE.Ungenta sicelo sephemithi yeFPE kuphela uma unelilungelo nawumenywe yiGovernment Gazette. Kodvwa, uma Litiko letetinsimi titivumela ticelo, ungasenta sicelo
Ifpe yimoto noma umkhumbi noma indzawo lapho kukhicitwa khona timfishi.

Lomkhicito ungenteka nganoma ngabe nguyiphi indlela, kungenteka ngekujuba, noma kuhlukanisa ticu, kuhlobisa, kuhlukanisa, kuhambisa ngendlela yinye noma kugcina letimfishi. Lendzawo ifaka futsi indzawo lapho timfishi tagaywa khona, tipakishwe, tomiswe, tifakwe tswayi, tomiswe ngemakhata, noma tikhicitelwe kutsengisa ngekhatsi noma ngaphandle kaseNingizimu Afrika.

Sikhatsi sesivivinyo sitocala nasekuvaliwe kufaka ticelo. Litiko litomemetela imiphumela. Nangabe ulitfolile lilungelo leFPE kutofanele ufake sicelo sephemithi yekuphatsa i-FPE futsi ulandzele imibandzela lefanele.

Ngcongcoshe utovuma sicelo sakho nawuveta timo letehlukile. Uma uyitfolile imvumo, faka sicelo sephemithi yekuphatsa i-FPE

Naka: kufanele uvuselele iphemithi yakho njalo kanye ngemnyaka. Kuhluleka kulandzela imibandzela kungenta iphemithi yakho imiswe noma icinywe.

Yini lekumele uyente

Kufaka sicelo selilungelo:

1. Uma simemo siphumile kuGovernment Gazette, kufanele uye endzaweni lefanele kutsi umenyetelwe kanye nesimemo lesikuGazette.
2. Fundzisisa, ucondzisise futsi uciniseke kutsi imibandzela uyavumelana nayo yini.
3. Bhadala imali lebekiwe lengabuyiselwa emuva letobhalwa kuGazette.

Sicelo sekutfola timo letehlukile

1. Umfaki sicelo kufanele ente sicelo ngekubhala tizatfu kabanti.
2. Lesizatfu kufanelwe simikiswe kuleLitiko kuPrivate Bag X2 Roggebaai 8012.

Kufaka sicelo sephemithi

1. Gcwalisa, usayine futsi utfumele lifomu lesicelo uletse tincwadzi letilandzelako:
   • Ikhopy yematisi wakho
   • Incwadzi lebuya kumphatsi welilungelo uma usebentela yena.
   • Ikhophi lecinisekisiwe yekubhaliswa kwenkampane
   • Sitifiketi sakaSARS setax clearance lesi original
   • Siciniseko sebunikati noma sivumelwane sekucashisa umai-FPE isendzaweni.
   • Ikhophi lecinisekiwe yetivumelwane tekutsengisa, nalolokhicita umkhicito.
   • Uma kufanele, sitifiketi selesibuya kuNational Regulator for Compulsory Specifications (NRCS)
   •  Uma timfishi tentelwe kudliwa, sitifiketi sekuvumeleka kwekudla lesibuya kumhlonishwa lofanele esigodzini sakho, nekhophi yaso sitifiketi.

Sikhatsi semsebenti

Kungatsatsa sikhatsi lesingangenyanga kuya kuletintsatfu.kuya ngekutsi imibandzela ilandzelwe kahle yini.

Ngabe kubita malini

Timali

Emafomu lagcwaliswako

Hamba uye e Department of Agriculture Forestry and Fisheries eCape Town: Customer Service Centre, Ground Floor, kuForetrust Building, Martin Hammerschlag Way, Foreshore, Cape Town utfole emafomu lafanele noma uye endzaweni letomenyetelwa  uma simemo seticelo sikhishwa Litiko eGovernment Gazette.

Ngubani longamutsintsa