Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha na khumbelo ya Phemithi ya Tshiimiswa tsha u Phurosesa khovhe
Uri vha kone u ḓidzhenisa kha Tshiimiswa tsha u Phurosesa Khovhe (Fish Processing Establishment (FPE)), vha fanela u vha na phemithi ya FPE. Vha tendelwa fhedzi u ita khumbelo ya phemithi musi vha na pfanelo yo ṋetshedzwaho musi ho itwa thambo ya Gurannḓa ya Muvhuso. Hone ha, Muhasho wa Vhulimi, Maḓaka na Vhufuwakhovhe zwa zwino i khou ṱanganedza khumbelo dza u tendelwa u vhofhololwa uri muthu a tshimbidze FPE.
FPE ndi tshiendedzi, tshikepe, kana fhethu hune tshithu kana tshiteṅwa tsha bveledzwa hone tshi tshi bva kha khovhe. Tshithu tshi nga ḓi bveledzwa nga maitele maṅwe na maṅwe, u fana na u tshea, u tumukanya, u khethekanywa, u kunakiswa, u vhekanywa, u dubekanywa na u vhulungiwa zwavhuḓi. Tshiimiswa tshi ḓo katela na fhethu hune khovhe dza dzheniswa zwikoṱini, u pakiwa, u omiswa, u dudedzwa, u xwatuswa, u rothodzwa uri zwi rengisiwe ngomu kana nnḓa ha Afrika Tshipembe.
Mushumo wa u sedzulusa u ḓo thoma nga murahu ha datumu ya u guma ya khumbelo. Muhasho wa Vhulimi, Maḓaka, na Vhufuwakhovhe u ḓo ḓivhadza mvelelo. Arali vha wana pfanelo ya FPE, vha fanela u ita khumbelo ya phemithi ya u tshimbidza FPE na u fusha ṱhoḓea dza u wana phemithi.
Minisṱa u ḓo fha thendelo ya u vhofhololwa u tshimbidza FPE nga maga o khetheaho. Arali thendelo ya u vhofhololwa u vha na FPE ya fhiwa vha fanela u ita khumbelo ya u tshimbidza FPE.
Vha dzhiele nzhele. Vha fanela u vusulusa phemithi yavho ṅwaha muṅwe na muṅwe. U kundelwa u tevhedza maga a phemithi zwi nga ita uri i fheliswe, u phumulwa kana u imiswa u shuma.
Zwine vha tea u ita
Maitele a Khumbelo ya PFanelo:
- Arali thambo ya anḓadzwa kha Gurannḓa ya Muvhuso, vha fanela u yak ha senthara ya u phaḓaladza uri vha ḓivhadzwe na thambo kha Gurannḓa ya muvhuso.
- Vha vhale nga vhuronwane, vha pfesese, na u khwaṱhisedza ui vho fushea nga ṱhoḓea na maga.
- Vha badele mbadelo i sa vhuyi yo randelwaho uri vha ḓivhadzwe kha gurannḓa ya muvhuso.
Maitele a Khumbelo ya u Thendelo ya u vhofhololwa
- Muhumbeli u fanela u ita khumbelo ya u vhofhololwa nga u tou ṅwala ṱhalutshedzo yo dodombedzwaho.
- Ṱhalutshedzo i fanela u rumelwa nga poswo kha Muhasho kha Private Bag X2, Roggebaai, 8012.
Maitele a Khumbelo ya PFanelo:
- Vha ḓadze, vha saine, na u rumela fomo ya khumbelo ya phemithi vho dzhenisa na maṅwalo a tevhelaho kha fomo ya khumbelo:
- Khophi yo ṱanzielwaho ya ḽiṅwalo ḽa vhuṋe (ID)
- Vhurifhi ha thendelo vhu no bva kha muṋe wa pfanelo a shi khou vha ta uri vha ite khumbelo vho imela kiḽaenthe / muṋe wa pfanelo
- Khophi yo ṱanzielwaho ya maṅwalo a vhuḓiṅwalisi a khamphani
- Ṱhanziela ya Thendel ya Muthelo ya SARS ya u thoma i re mulayoni
- Vhuṱanzi ha vhuṋe kana thendelano ya u hira ya FPE (hune zwa tea, tsumbo arali zwi malugana na mavu)
- Khophi yo ṱanzielwaho ya thendelano ya nḓisedzo ya zwibveledzwa zwine zwa ḓo phurosesiwa
- Hune zwa tea, nḓivhadzo nga vha Ndangulo ya Lushaka vha Zwidodombedzwa zwa Khombekhombe (National Regulator for Compulsory Specifications (NRCS)
- Arali khovhe yo itelwa u ḽiwa nga vhathu, hu fanela u vha na ṱanziela ya u ṱanganedzwa kha vhupo ha zwiḽiwa ha tsinisa ya vha maanḓalanga vhapo/vha vundu na khophi ya ṱhanziela ya u thoma yo nambatedzwa (zwi tshimbilelanaho na mavu) (arali zwo tea fhedzi)
Tshifhingambekanywa
Khumbelo ya u vhofhololwa na phemithi ya FPE dzi nga dzhia ṅwedzi 1 u ya kha 3 zwi tshi ya nga uri ho tevhedzwa maitele one a u ita khumbelo na vhurifhi ha u ṱalutshedza na maṅwalo a u tikedza.
Fomo dzi no tea u ḓadzwa
Vha ye kha Muhasho wa Vhulimi, Maḓaka, na Vhufuwakhovhe wa Kapa. Senthara ya Tshumelo ya Khasiṱama, Ground Floor, Foretrust Building, Martin Hammerschlag Way, Foreshore, Cape Town, u wana zwinzhi kana u wana khumbelo ya phemithi ya u tshimbidza FPE kana vha ye kha sia ḽa u phaḓaladza hune ha ḓo ḓivhadzwa nga muhasho musi thambo ya u ita khumbelo ya pfanelo i tshi anḓadzwa kha Gurannḓa ya Muvhuso.
Fisheries Customer Service Centre:
Tel 086 000 3474 / 021 402 3443
E-mail: cscenquries@environment.gov.za
Physical address: Ground Floor, Foretrust Building, Martin Hammerschlag Way, Foreshore, Cape Town 8000
Postal address: Department of Agriculture, Forestry, and Fisheries, Private Bag X2, Roggebaai, Cape Town, 8012