Dira kgopelo ya phemiti ya Kgwebo ya Go šoma ka Hlapi

Ka ga mabapi le go dira kgopelo ya phemiti ya Kgwebo ya Go šoma ka Hlapi

Gore o kgone go thoma kgwebo ya go šoma ka hlapi (FPE), o swanetše go ba le phemiti ya FPE. O ka dira kgopelo ya phemiti ya FPE ge o na le tokelo morago ga gore go be le taletšo ka gare ga Kuranta ya Mmušo. Le ge go le bjalo, Kgoro ya Temo, Dikgwa le Dihlapi gabjale e amogela dikgopelo tša tumello ya go sepetša FPE.

FPE ke koloi, sekepe, lefelo moo go tšweletšwago dilo ka go šomiša hlapi. Setšweletšwa seo se ka be se tšweletšwa ka mokgwa ofe goba ofe, bjalo ka go sega, go ahloganya dimela, go tloša letlalo, go hlatswa, go hlopha, le go boloka hlapi. Gape, FPE e ka akaretša lefelo leo go lona dihlapi di tsenywago ka dithining, phuthelwago, omišwago, nokwago ka letswai, tšidifatšwago, goba di šilwago gore di yo rekišwa ka mono nageng goba ka ntle ga Afrika Borwa.

Tekolo ya dikgopelo e tlo thoma morago ga gore letšatši la go tswalela le fete. Kgoro ya Temo, Dikgwa le Dihlapi e tlo tsebiša ka dipoelo. Ge o filwe tokelo ya FPE, o swanetše go dira kgopelo ya phemiti ya go sepetša FPE gomme o kgotsofatše dinyakwa gore o fiwe phemiti yeo.

Tona o tlo fa tumello ya FPE ka fase ga mabaka a thata. Ge o filwe tumello ya FPE o swanetše go dira kgopelo ya phemiti ya FPE.

Hlokomela: o swanetše go tsošološa phemiti yeo ngwaga ka ngwaga. Ge o ka palelwa ke go obamela mabaka a a beilwego, phemiti yeo e ka phumulwa goba ya fegwa.

Seo o swanetšego go se dira

Tsela ya go Dira Kgopelo ya Tokelo:

1. Ge taletšo e phatlaladitšwe ka Kuranteng ya Mmušo, o swanetše go ya lefelong la phatlalatšo le le tsebišitšwego.
2. Bala ka tlhokomelo o kgonthiše gore o kgotsofaditšwe ke dinyakwa le mabaka ka moka.
3. Lefa tšhelete ye e ebiwlego.

Tsela ya go Dira Kgopelo ya Tumello:

1. Mokgopedi o swanetše go dira kgopelo ya tumello ka go thekga kgopelo yeo ka mabaka a kwalago.
2. Lengwalo leo la thekgo le swanetše go romelwa go Private Bag X2, Roggebaai, 8012.

Tsela ya go Dira Kgopelo ya Phemiti:

1. Tlatša, o saene o be o romele fomo ya kgopelo mmogo le ditokumente tše di latelago:

•  Khopi ye e sethifailwego ya ID
•  Lengwalo la tumello go tšwa go mongtokelo le le go kgethago gore o dire kgopelo legatong la mongtokelo
•  Khopi ye e sethifailwego ya ditokumente tša boingwadišo
•  Setifikeiti sa SARS sa Tax Clearance
•  Bohlatse bja gore ke wena mong wa FPE goba tumellano ye e saennwego ya FPE (ge go le maleba, mohlala ‘land-based’)
•  Khopi ye e sethifailwego ya tumellano ya Kabo ye e saennwego le moabi wa ditšweletšwa tše di tlogo tšweletšwa
• Ge go nyakega, setifikeiti sa National Regulator for Compulsory Specifications (NRCS)
•  Ge e le gore dihlapi tšeo di tlo lewa ke batho, setifikeiti sa tumello ya lefelo leo la dihlapi se swanetše go hwetšwa go tšwa ofising ya selegae goba ya profense gomme khopi ya sona ye e sethifailwego e mamaretšwe (‘land-based’) (ge fela go hlokega)

Lebaka

Kgopelo ya tumello ya FPE le phemiti e ka tšea kgwedi e 1–3 go eya ka gore lengwalo la tlhohleletšo le kgopelo ya phemiti mmogo le ditokumente tša go hlatsela di rometšwe ka mokgwa wa maleba.

E dira tshenyagelo ya bokae

Ditefišo

Diforomo tšeo di swanetšwego go tlatšwa

Eya go Kgoro ya temo, Dikgwa le Dihlapi ya Cape Town: Customer Service Centre, Ground Floor, Foretrust Building, Martin Hammerschlag Way, Foreshore, Cape Town gore o hwetše fomo ya kgopelo goba eya lefelong la phatlalatšo le le tlogo tsebišwa ke kgoro ge e phatlalatša taletšo ka Kuranteng ya Mmušo.
 

Dintlha tša boikopanyo