Kususa tjwala longeniswe eveni

Ngesicelo sesitifiketi sekususa tjwala longeniswe eveni

Uma ufuna kususa tjwala wakho longeniswe eveni esihangini sekungeniswa kwetintfo eveni kufanele wente sicelo sesitifiketi eTikweni leteTinsimi, neTihlahla kanye neTetimfishi  eGaleni  Letibambo esihangini kuze ususwe uyiswe lapho ufuna kuwutsengisa Khona eNingizimu Afrika.

Uma Leligala Letibambo selisivumile sicelo sakho, sitotsatsa tjwala wakho siwumikise endzaweni yekulindza esikoteleni babese babite umhloli lapho.

Kufanele ubese uya kulendzawo yekulindza unikete lomhloli lesitifiketi sekususa. Kufanele uvule lotjwala wakho esikoteleni  embikwemhloli.

Angeke ukhone kuwususa lotjwala wakho esihangini sekungeniswa kuya endzaweni  yekutsengisa eNingizimi Afrika ute lesitifiketi sekususa.

Yini lekumele uyente

1. Hamba  eGaleni Letibambo leDAFF esihangini sekungenisa eveni ugcwalise lifomu lesicelo sesitifiketi sekususa noma ulidvonse kungcondvomshina.
2. Gcwalisa lelifomu bese ulimikisa eGaleni Letibambo leDAFF esihangini sekungenisa
3. Kufanele wente sicelo  lesihlukile ngekuhlukana kwatjwala lowungenisako kuye ngekutsi mabhodlela langakanani, lanjani, neligama lawo. Sicelo sakho kufanele site nalolokulandzelako:
   • libhodela la750mililitre lalotjwala lelitosetjentiswa ngumhloli
   • sitifiketi sekungenisa eveni
4. Uma sicelo sakho siphumelele, tjwala wakho utomikiswa endzaweni yekulindza usesikoteleni. Hamba uye kuleyo ndzawo uyoniketa umhloli sitifiketi sekususa futsi uvule lotjwala esikoteleni.

Sikhatsi semsebenti

Asikho sikhatsi lesibekiwe.

Ngabe kubita malini

Timali Letikhokhwako tanga 2024/25

Emafomu lagcwaliswako

Application for a certificate of removal

Ngubani longamutsintsa