Go tloša bjala bja go rekwa nageng

Ka ga Malebana le go dira kgopelo ya setifikeiti sa go tloša bjala bja go rekwa nageng ya ka ntle

Ge o nyaka go tloša bjala bja gago bja go rekwa nageng ya ka ntle go tšwa matsenong a naga o swanetše go dira kgopelo ya setifikeiti go tšwa ka go Karolo ya Tiego ye e Okeditšwego ya Kgoro ya Temo, Kagodikgwa le Boreahlapi (DAFF) matsenong a naga gore bo išwe mo o nyakago go bo rekišetša gona ka mo Afrika Borwa.

Ge Karolo ya Tiego ye e Okeditšwego ya DAFF e se no dumelela kgopelo ya gago e tla romela bjala bja gago go ntlophahlo ya temotefišo ka gare ga khontheina le go tsebiša mohlahlobi wa fao.

O swanetše go ya ntlophahlong gomme o fe mohlahlobi setifikeiti sa tlošo. O swanetše go pakolla ditšweletšwa tša gago tša bjala go tšwa ka khontheineng mo pele ga mohlahlobi.

O ka se kgone go tloša bjala bja gago go tšwa matsenong a naga go ya lefelong la go rekišetša ka mo Afrika Borwa ntle le setifikeiti sa go tloša bjala bja gago.

Seo o swanetšego go se dira

1. E ya matsenong a naga a Karolo ya Tiego ye e Okeditšwego ya DAFF gomme o tlatše foromo ya Kgopelo ya setifikeiti sa tlošo goba o e taoneloute.
2. Tlatša foromo gomme o e iše go Karolo ya Tiego ye e Okeditšwego ya DAFF matsenong a naga.
3. O swanetše go tlatša foromo ya kgopelo ya ka thoko ya setšweletšwa se sengwe le se sengwe bogolo bjale botlelo, sebopego, leina la papatšo le leibole tša go fapana. Diforomo tša kgopelo di swanetše go akaretša tše di latelago:
   • Sešupo sa 750 ml yeo mohlahlobi a tlogo e tšea go setšweletšwa se se tlišitšwego
   • Setifikeiti sa go reka nageng ya ka ntle
4. Ge kgopelo ya gago e atlegile ditšweletšwa tša gago tša bjala di tla išwa go ntlophahlo ya temotefišo ka gare ga khontheina. E ya ntlophahlong o fe mohlahlobi setifikeiti sa tlošo gomme o pakolle bjala go tšwa ka khontheineng.

Lebaka

Ga go na nako ye e beetšwego tirelo ye.

E dira tshenyagelo ya bokae

Ditefišo tša 2024/25

Diforomo tšeo di swanetšwego go tlatšwa

Application for a certificate of removal

Dintlha tša boikopanyo