Ukususa utjwala obungeniswa enarheni

Okuphathelene nokufaka isibawo sesitifikeyidi sokususa utjwala

Nangabe ufuna ukususa utjwala bakho ukusukela endaweni yobungeno kufanele ufake isibawo sokuthola isitifikeyidi kumNyango wezeLimo, amaHlathi kanye neenHlambi ePhikweni eliNgeziweko lokuValelwa endaweni yobungeno ukuze busiwe lapha ufuna ukubuthengisa khona eSewula Afrika.

Lokha iPhiko eliNgeziweko i- DAFF Extended Detention Division nasele liphumelelise isibawo sakho lizakuthumela utjwala bakho endaweni yezelimo ngesimumathi bese yazisa umhloli olapho.

Wena kufanele utjhinge kileyondawo okubekwa kiyo ufike unikele umhloli isitifikeyidi sokususa.  Kufanele wehlise imikhiqizwakho yotjwala esimumathini lokha nawutjhejwe mhloli.

Angeze wakghona ukususa utjwala bakho ukusukela endaweni yobungeno ubuse endaweni othengisa kiyo eSewula Afrika ngaphandle kwesitifikeyidi esikuvumela bona ususe utjwala.

Okufanele ukwenze

1. Tjhinga ePhikweni le- DAFF Extended Detention Division endaweni yobungeno  bese uzalisa iforomo lesibawo sesitifikeyidi nanyana iforomeli ulikhuphe kukhomphyutha.
2. Zalisa iforomo bese ulithumela ePhikweni le- DAFF Extended Detention Division endaweni yobungeno.
3.  Kufanele uzalise elinye iforomo lesibawo ngeqadi mayelana nomkhiqizo wotjwala ngamunye onebhodlelo elihlukileko ngobukhulu, ijamo, ibizo lerhwebo kanye neleyibula. Amaforomo wesibawo kufanele akhambisane nalokhu okulandelako:
   • isampula emamililitha ama -750 umhloli azakukhupha kiyo imikhiqizo elethiweko
   • isitifikeyidi sokungenisa ngenarheni.
4.  Nangabe isibawo sakho siphumelele imikhiqizwakho yotjwala izakusiwa endaweni yezelimo okubekwa kiyo ngesimumathini. Tjhinga kileyondawo okubekwa kiyo ukobana unikele umhloli isitifikeyidi sakho sokususa bese upakulula utjwala esimumathini.

Isikhathi esibekiweko

Asikho isikhathi esibekiweko nakwenziwa umsebenzi lo.

Kubiza malini

Iimbadela zango 2024/25

Amaforomo ekufanele uwazalise

Application for a certificate of removal

Ungathintana nobani