Mopresidente Jacob Zuma o file Dintlhakgolo tša Polelo ya Maemo a Setšhaba ya Gare ga Ngwaga go bobegaditaba mabapi le tšwelopele yeo e dirilwego dipeelong tša yona mo Union Buildings ka Labobedi, 11 Phato 2015. Tsebišo e nepišitše mošomo wo o dirilwego ke mmušo ka go tsenya tirišong ngwaga wa mathomo wa Tlhako ya Leano la Lebaka la Nako ya Magareng (MTSF) ya 2014 – 2019, bjalo ka ge e boletšwe ka go SoNA ya Dibokwana 2015.
MTFS, yeo e lego Lenaneotiro la mmušo, le theilwe godimo ga Leanotlhabollo la Bosetšhaba (NDP), e lego leano la naga la leago le ekonomi go šogana le ditlhohlo tša bohloki tša gararo, go hloka mešomo le go se lekalekanele ka 2030.
Tsebišo ka Thulaganyo ya Dintlha tše Senyane
Ka go SoNA ya gagwe ka Dibokwana, Mopresidente Zuma o tsebagaditše Thulagnayo ya Dintlha tše Senyane go matlafatša kgolo ya ekonomi le go hlola mešomo yeo e hlokwago ka bontši. Thulaganyo ya Dintlha tše Senyane e šoma bjalo ka karabo ya tlhohlo ya kgolo ye e lekantšwego ya ekonomi ya Afrika Borwa.
Go tlaleletša go kgolo ye e akantšwego ya 2% ka 2015, Thulaganyo ya Dintlha tše Senyane e ka potlakiša kgolo ya ekonomi ka 0,8% mo pakeng ye kopana le 1% mo pakeng ya gare go ya go ye telele.
Dintlha tša thulaganyo ke tše di latelago:
1. Go rarolla tlhohlo ya mohlagase.
2. Go tsošološa temo le tatelano ya boleng bja tshepetšo ya temo.
3. Go tšwetšapele kholego goba go oketša boleng bja lehumo la diminerale.
4. Phethagatšo ye e šomago gabotse kudu ya khuetšo ya godimo ya Thulaganyotiro ya Pholisi ya Diintasteri.
5. Go hlohleletša peeletšo ya lekala la praebete.
6. Go fokotša dithulano tša mešomong.
7. Go rarolla bothata bja kgonagalo ya Dikgwebo tše di Nnyane, tša Magareng le tše Dikgolo, dikoporase, dikgwebo tša metsesetoropong le tša magaeng.
8. Go kaonafatša Maemo le go tšweletšapele tema yeo e kgathwago ke dikhamphani tša mmušo, Mananeokgoparara a Theknolotši ya Kgokagano ya Tshedimošo, goba go thoma ga marangrang a megala, meetse, tlhwekišo le mananeokgoparara a dinamelwa.
9. Operation Phakisa yeo maikemišetšo a yona e lego go godiša ekonomi ya mawatle le makala a mangwe.
GO TŠWELETŠA
Go beeletša le go hlola mešemo
Thekgo ya mmušo e thušitše lekala la difatanaga go tšweletša diyuniti tše 566 000 ka 2014 go tloga go diyuniti tše 356 800 ka 2000.
Thekgo ye e kaonafaditše ya thomelontle ya difatanaga go tloga go diyuniti tše 11 000 ka 1996 go ya ka godimo ga diyuniti tše 270 000 ka 2014. Ka lebaka la seo, go hlotšwe mešomo ye 3000 000 mo lekaleng la difatanaga.
Go dirilwe gape dipeeletšo tše bohlokwa mo makaleng a motheo a go swana le lekala la difatanaga, la go šomana le tša temo le dielektroniki.
Tše di akaretša R5 bilione ka Mercedes Benz, R3 bilione Ford, R4 bilione ka Unilever ka dimela tše nne mo nakong ye e fetilego mengwagangwaga le R228 milione go tšwa go Samsung.
Ka 2014, thomelontle ya difatanaga e bile R115 bilione, yeo e lego 12, 7% ya palomoka ya dithomelontle ka nageng.
Maikemišetšo a tsenogare ya mmušo ke go emiša go ya fase ga lekala la diaparo, letlalo le dieta moo go feleleditšego ka go boloka mešomo ye 68 000 ka mo lekaleng.
Mafelelong a Hlakola 2015, palomoka ya R3, 7 bilione e dumeletšwe go thekga lekala la praebete go tloga mola Lenaneo la Mohola la Mašela le Diaparo le thomago ka 2010..
Go tloga ka 2009, mmušo ka Kgoro ya Kgwebo le Intasteri (the dti) – o thekgile diintasteri tša tshepetšo ya temo tša boleng bja R1, 2 bilione ka ditlamo tša go fapana.
Tšweletšopele ya Diintasteri
Go godiša gape tšweletšopele ya diintasteri mo nageng, mmušo gare ga ditsenogare tše dingwe, o tsebagaditše Lenaneo la Boraintasteri ba Bathobaso, leo le akanyeditšwego go aga lefsa lekala la tšweletšo le go rarolla bokgoni bja batsebakgwebo ba bathobaso.
Thekgo ya peleng ya ditšhelete ya R1 bilione e beetšwe thoko go tšwa dti mo ngwageng wa ditšhelete wa 2915/16 le R23 bilione go tšwa Koporasi ya Tšweletšopele ya Diintasteri mo mengwageny ya ditšhelete ye meraro yeo e latelago.
MANANEOKGOPARARA
Dikemedi tša mmušo le tša setšhaba ba beeleditše R1 trilione mo mananeokgoparareng gare ga 2009 le 2014.
Dipeeletšo di go mananeokgoparara a enetši, ditsela, diporo, maemakepe, dinamelwa tša bohle, meetse a mantši le tlhwekišo, maaokelo, thuto ya motheo le ya godimo le diprotšeke tša tšwetšopele go swana le Square Kilometre Array le dithelesekoupo ya Meerkat.
Go hloma marangrang a megala
Ka Phato 2015, dikheipolo tša tlhale tša mahlasedi di hlomilwe go fa bokgoni bja marangrang go godiša ekonomi.
Go Fetogelo go Kgašo ya Titšithale
Ka Hlakola 2015, Kabinete e dumeletše mpshafatšo ya mafelelo ya Pholosi ya go Fetogela go Kgašo ya Titšithale, yeo e rarollotšego protšeke go kgontšha tirišo. Kabinete e dumeletše gape gore mmušo o abe mapokisana a go bewa godimo ga thelebišene go malapa a dimilione tše hlano ao a hlokago gomme ba na le Dithelebišene.
Le ge naga e se ya fihlelela tšatšikgwedi ya 17 June ya go se sa šomiša analoko bjalo ka ge e beilwe ke Mokgatlo wa Mananeokgoparara a Dikgokagano wa Boditšhabatšhaba (ITU), mošomo wo montši o dirilwe gomme o ya legatong la go se sa šomiša analoko.
Ofisi ya Tona ya Dikgokagano o feditše gomme o saene kamano ya mahlakore a mabedi le dinaga tša baagišana – Botswana, Namibia, Mozambique, Lesotho and Swaziland –gore go fokotšwe tšhitišo ya mohlwaela wa morethetommoetša wa maphoto a radio go seleganya mellwane.
MOHLAGASE
Go bile le tšwelople ye kgolo go rarolla ditlhotlo tša manthata a mohlagase mo Afrika Borwa go tloga mola go thomago Thulaganyo ya Dintlha tše Hlano tša Enetši ka Manthole 2014.
Ditirišo tša ditiro le tlhokomelo mo Eskom di tšwela pele go kaonafala go netefatša gore diteišene tša mohlagase di a tlhokomelwa gomme di aba mohlagase moo maatleng a tšona.
Eskom e saene tumelelano ya Go reka Mohlagase ya Nako ye Kopana yeo e tlišago tlaleletšo ya mohlagase go thuša hlaelelo nakong ya ge go lokišwa le nyalelana le nyakego nakong ya dinako tšeo mohlagase o dirišwago kudu.
Dimekawate (MW) tše dingwe tše 800 di tla oketšwa mo marangrangeng a mohlagase ka go kopanya phišo le maatla.
Mananeo a bokgoni bja enetši a bolokile 459 MW le phokotšo ya ditšhilafalo tša moya.
Diprotšeke tša go fapana tša Lenaneo la Motšweletši wa Maatla ao a Ikemego a Mohlagase wo o ka Mpshafatšwago ga bjale a aba marangrang a mohlagase wa 1800 MW.
Mo mengwageng ye mebedi le seripa yeo e tlago diprotšeke tše 92 tša manaeo a mohlagase wo o ka mpshafatšwago di tla tliša palomoka ya 6 327 ya marangranga mohlagase.
Kutollo ya dikgetho tše dingwe tša go fapana tša go tšweletša mohlagase di thomile, go akaretša diprotšeke tša go selaganya mellwane mo seleteng sa Dinagatlhabollo tša Borwa bja Afrika (SADC).
Go abeng mohlagase ga nako ya gare le ye telele, lenaneo la go aga nyuklea le mo legotong la godimi la thulaganyo gomme bokgokaganyi bngwageng wa ditšhelete wa 2015/16.
Thulaganyo ya Motheo ya Tšhomišo ya Gase ye e mpshafaditšwego, yeo e tla hlohleletšago tšwelotšopele le peeletšo mo intastering ya gase, e tla phatlalatšwa.
Mmušo o tla tšwela pele go dira mošomo wa tlhakanyo ya enetši ya go tshepega go netefatša tšhireletšo ya enetši ya bjale le ya ka moso.
Ekonomi
Ekonomi ya Afrika Borwa, bjalo ka diekonomi tše dingwe mo lefaseng, e tšwela pele go goga ka kgara go buša ka botlalo mathata a ditšhelete a pele a kgolo ya momentamo.
Afrika Borwa e ikgafile mo go palomoka ya kgolo ya diphesente tše hlano ka 2019, eupša 1,5% ya palomoka ya kgolo ya ekonomi ye e fihleletšwego ka 2014 e kgole le maikemišetšo a NPD
Le ge go le bjalo, le ge go na le kgolo ya go nanya lefaseng ka bophara, kgolo ya ekonomi e letetšwe go oketšega gabotse go ya go 3% mo mengwageng ye meraro ye e latelago, ka gore mathata a mohlagase - ao e lego bothata bj bogolo – a letetšwe go fokotšega.
Thekgo ya dipeeletšo
Ka la 7 mohlakano wa Sehlopha sa Mopresidente sa go Šomana ka tša Kgwebo, o boledišane ka, gare ga tše dingwe, hlokego ya kaonafatša bokgoni bja taolo le dinako tša tšweletšo go thekga dipeeletšo. Ka gona, go hloma lenaneo la Dilete tša Ekonomi tša go Ikgetha di tla tšwela pele.
Go hlongwa ga senthara ya thušo ya dipeeletšo goba kantoro ya tefišo go Phethagaditšwe go thekga dipeeletšo tša gae le tša boditšhabatšhaba. Teko e dirilwe dti.
Senthara e tla kaonafatša klaemete ya peeletšo gomme ya godiša boiketlo bja go dira kgwebo ka go utulla ditšhitišo, go tloša mapheko a taolo, go fokotša bofokodi bja taolo, go bea dikelo le maemo, go kaonafatša dinako tša tšweletšo, go kgokaganya le go potlakiša dipotšišo ka moka tša peeletšo.
Melao ye mefsa ya taolo ya Visa
Go late dingongorego ka ga taolo ye mpsha ya Visa, mmušo o hlomile Komiti ya ka Gare ya Ditona (IMC) ya Melawana ya Bafaladi.
IMC e tla šogana le dipoelo tšeo di bego di sa letelwa tša melawan ye mefsa ya bofaladi mo makaleng a go fapana, go akaretša le la boeti le peeletšo.
Modulasetulo wa IMC ke motlatšamopresidente Ramaphosa gomme yona e bopa ke Ditona tša Boeti, Ditaba tša Segae, Kgwebo le Intasteri, Tšwelotšopele ya Leago le Tšweletšopele ya Dikgwebo tše di Nnyane.
TŠELETŠOPELE YA DIKGWEBO TŠE DI NNYANE
Ditsenogare tša pele go rarolla kgonagalo ya di-SMME, dikoporase le dikgwebo tša metsesetoropong le tša magaeng di tšwela pele. Di akaretša go šomela go phethagatša pholisi ya 30% yeo e beetšwego thoko go thekga di-SMME le dikoporase.
Dikgwebo tše di nnyane le dikgwebo tšw dintši
Di-SSME di tla thekgawa ka phihlelelo ye e okeditšwego ya mebaraka le ditšhelete. Di-SMME di tla fokotšwa, go akaretša le tshekatsheko ya molao wa bjale wa dikgwebo tše di nnyane.
Tefo ya baabi
Lekala la go ikgetha le hlomilwe ka Kgorong ya Thulaganyo, Tekolo le Tekanyetšo go nyakišiša ditiragalo tša go lefiwa ga baabi ka morago ga nako le go se lefiwe ga bona, le ge ba rometše lenaneotheko mo matšatšing a 30.
DIKAMANO TŠA BAŠOMI
Motlatšamopresidenete Ramaphosa o eteletše pele mollwane gare ga kgwebo le bašomi go laola dikamano tša bašomi.
Tumelelano ya tlhalošošo ya go šoma ya Mogolo wa Bosetšhaba wa Fase e fihleletšwe mo Tšweletšopeleng ya Ekonomi ya Bosetšhaba le Khanseleng ya Bašomi.
Mekgwa ye mengwe ya go fokotša dithulano tša mošomong e akaretša tumelelano ya go hloma Molao wa Maitshwaro wa go ipelaetša, go emiša mošomo lebakanyana le kagišo ya kgapeletšo ka Khomišene ya Kagišo, Poelano le Kagišo.
TEMO
Go dirilwe kgatelopele ye kgolo go tšweletšapele temo ya Agri-Parks, ka mafelo a 43 le 44 ao a hlaotšwego, Lefelo le tee la Agri-Park le tla thakgowa ka Leboa Bodikela.
Mmušo o tšwela pele go phethagatša dikgopolo tše dingwe tša motheo tša Thulaganyo ya Tiro ya Pholisi ya Temo go thekga kgolo le thwalo ka temong le tshepetšong ya temo.
Thulaganyo e akaretša thekgo ye e okeditšwego ya balemi ba dipolase tše di nnyane tšeo di olego gona le go tšweletša mekgwa ya go katološo kudu nomoro ya batšweletši ba temo
Meetse le tlhwekišo
Mmušo o utollotše meetse bjalo ka mothopo wa tšwelotšopele ya ekonomi gomme mošomo o tšwela pele go phethagatša thulaganyo ya dintlha tše hlano ya meetse le tlhwekišo
Lenaneo le akaretša go:
- tlhokomela le go kaonafatša meetse ao lego gona le mananeokgoparar a tlhwekišo
- aga matamo a mafsa le go godiša meetse a fae
- kaonafatša boleng bja meetse
- godiša ditheknolotši tše dikaone tša meetse le taolo ya tshedimošo ya tlhwekišo
- netefatša le go kaonfatša mmušo wo o kopanetšwego wa taolo go swana le go dira laensense ya tšhomišo ya meetse.
Tshekatsheko ya bobedi Molao wa Ditirelo tša Meetse (Molao wa 108 wa 1997) le Molao wa Bosetšhaba wa Meetse, 1998 (Molao wa 36 wa 1998) o tla thongwa.
Mmušo o tsena ka bogare go emiša go dutla ga meetse moo go jelago naga R7 bilione ka ngwaga.
Mananeo a mmušo, ka Kgoro ya Meetse le Tlhwekišo, a go hlahla bašomi ba matsogo ba 15 000 le boradipompo go lokiša dithepe tše d idutlago mo ditikologong tša bona, a tla thakgolwa Port Elizabeth, Kapa Bohlabela, ka la 28 Phato. Ba mathomo ba 3 000 bao ba tlogo amogelwa ba šetše ba kaladitšwe mo ngwageng wa ditšhelete wa 2015/16.
Thuto ya motheo
Ka 2914 dipoelo tša Annual National Assessments di laeditve gore Kreiti ya 3 ka go tsebotlhaka le dipalo di atlegile, go akaretša le Kreiti ya 6 ya Polelo ya ka Gae.
Le ge go le bjalo, ga se gwa šongwa gabotse ka go Kreiti ya 6 le 9 ka Mmetse le Polelo ya Mathomo ya Tlaleletšo.
Mekgwa ya phethagatšo ya Mmetse, Saense le Theknolotši di tla tiišetšwa ka dikolong ka moka. Mmušo o tla netefatša gape abe barutiši bao ba kaonafaditšwego, gape bao ba hlahlilwego le bao ba tšweleditšwegopele.
Kaonafatšo ya mangwalo a dithuto a ditsebi tša Kreiti ya R e tšwela pele bjalo ka karolo ya peeletšo ya nako ye telele mo thutong ya boleng.
MAPHELO
Lenaneo la AIDS la Ditšhabakopano le tumišitše Afrika Borwa ka go ikarabela gabotse go HIV le AIDS
Dikatlego di akaretša katološo ya phihlelelo ya kalafo ya antiretroviral (ARV) ya batho bao ba phelago ka HIV le AIDS. Go fihla lehono batho ba 3,1 milione ba amogela kalafo ya ARV, go feta tebanyo ya 2014/15 ya dimilione tše tharo.
Tekolo ya bolwetši bja mafahla e katološitšwe gomme e fihlelela batho ba 15,2 milione go feta tebanyo ya dimilione tše tshela.
Ntwa kgahlanong le HIV le AIDS e tšwela pel, go karetša ntwa kgahlanong le go kokobetša batho bao ba phelago ka bolwetši bjo gore bao ba phelago ka baraese ye ba phele maphelo a a mohola.
Pholisi ya Baswa ya Bosetšhaba (NYP)
Kabinete e dumeletše NYP ka Mopitlo 2015. Sehlopha sa Mopresidente sa go Šomana le tša Baswa (PYWG) se hlomilwe, se akaretša go hlongwa ga baswa le mmušo se etilwe pele ke Motlatšatona wa Kgoro ya Peakanyo, Tekodišišo le Tshekatsheko ya Phethagatšo ya Mošomo ka Ofising ya Mopresidente, Mna Buti Manamela. PYWG e thuša go kgokaganya phethagatšo ya NYP.
Mananeon ao a phethagaditšwego a akaretšago:
- hlahla le go eletša baswa bao ba lego kgwebong le dikoporase.
- go kaonafatša le go sekaseka Setlamo sa Bosetšhaba sa Thušo ya Mašeleng a Baithuti;
- go oketša boingwadišo diyunibesithing le dikholetšheng tša thutišotiro;
- phethagatšo ya mananeo a thwalo a baswa go swana le go tsenya dikisara tša tša meetse tša mohlagase wa letsatsi le mapokisanala go bewa godimo ga thelebišene; le
- go phethagatša mananeo a setšhaba a thwalo le go godiša mohola wa tšweletšoya modudi yo mokaone.
MEEPO
Meepo ke karolo ye bohlokwa ya ekonomi ya Afrika Borwa. Mmušo o tshwenyegile ka gore tšhošetšo ya go loba mešomo ka makaleng a meepo le a tšhipi e tla ba le ditlamorago tše mpe mo malapeng a mantši, ditšhabeng le ekonoming.
Go šogana le go lobja gabjale ga mešomo makaleng a meepo, Tona wa Methopo ya Diminirale, Adv Ngoako Ramatlhodi, o biditše mohlakano wa batšeakarolo lekaleng la kgwebo le mešomo ka 5 Phato 2015.
Mohlakalno o utollotše dikarolo tše mmalwa tša go boloka mešomo le go hwetša dikgetho tše dingwe tša go loba mešomo. Sehlopatšhomo se hlomilwe le go laelwa tšweletša ditšhišinyo ka botlalo.
Ka la 7 Phato, Sehlopha sa Mopresidente sa go Šomana ka tša Kgwebo
se laetše mmušo le Ofisi ya Meepo go nyaka tharollo ye botse ka ntle ga kgorotsheko, ka kgopolo ya “ ge o matlafaditšwe , o tla dula o matlafetše’ kgopolo yeo e lego ka Sengwalotumelanong sa Meepo.
Molaokakanywa wo o Mpshafaditšwego wa Tšweletšopele ya Methopo ya Diminerale le Petroleamo o bušeditšwe morago go Palamente go šogana le wona, gare ga tše dingwe, dipoledišano Khanseleng ya Bosetšhaba ya Diprofense (National Council of Provinces), tšeo di tšerwego bjalo ka tšeo di sa lekanago.
Kgoro ya Methopo ya Diminerale e tšwela pele go ntšha ditaelo go dikhamphani tšeo di sa obamelego molao . Go beelwa thoko lebakanyana ga laesense ya Optimal Coal go fedišitšwe gomme khamphani e laetšwe go šogana le ditaba tša go le obamele.
Operation Phakisa
Mmušo o thakgotše mokgwa wa go tšweletša dipoelo ka lebeleo, Operation Phakisa, ka makaleng a maphelo le a ekonomi ka 2014,
Phakisa ya Meepo, yeo e ikemišeditšego go mpshafatša diminerale, e tla thakgolwa mafelolong a 2015,
Thekgo ya mmušosegae
Mmušo o dutše o thekga mebasepala mafelo a go fapana go diriša mananeo a Morago go iša go a Motheo (Back to Basic), ao a thakgotšwego ka Lewedi 2014 go mpshafatša mmušosegae
Makala a mmušo le makala a praebete di kgopetšwe go lefa dikoloto go kgontšha mebasepala go šoma gabotse.
Go fihla lehono, dikoloto tšeo di kolotwago mebasepala di fihlelela R100 bilione, yeo e lego gabedi go tloga ka 2009.
POLOKEGO LE TŠHIRELOTŠO
Makala a go fapafapana a Tirelo ya Maphodisa ya Afrika Borwa – go akaretša la ditsebi tša bosenyi, sehlopha sa mokgwa wa go ikarabela, maphodisa ao a aperego diaporo tša maphodisa, di Hawks, mmogo le Borakgwebo bao ba lego Kgahlanong le Bosaenyi, mabenkele a go rekiša diselefouno, Senthara ya Tshedimošo ya Kotsi ya go Panka ya Afrika Borwa (South African Banking Risk Information) le dikhamphani tša tšhireletšo tša praebete – di šogana ka katlego ka go utswetšwa ga mafelo a mabenkele.
Police have found that the majority of the shopping malls were being targeted primarily to rob cellular-phone shops. Cellphones and other electronic equipment that were stolen were taken out of South Africa. Several suspects, including so-called kingpins, have been arrested.
Dipolao tša maphodisa
Go latela go bolawa ga bahlankedi ba maphodisa a 55 go tloga ka Pherokgong ngwageng wo, Tona ya Maphodisa Nathi Nhleko o kgopetšwe go lebedišiša mokgwa wa polokego ya maphodisa go ikarabela gabotse ge ba hlaselwa.
Tlhaselo ya bahlankedi ba maphodisa ke tlhaselo ya ka moka balaodi ba Mmušo le setšhaba.
MaAfrika Borwa ba kgopetšwe go kgatha tema ye bohlokwa go laoa ditlhaselo ka go utolla bao ba bolayago bahlankedi ba maphodisa ka ge ba dula ditikologong tša bona.Batho ba swanetše gape go tšwela pele go fa maphodisa tshedimošo ka batho ka moka bao ba amegago medirong ya bosenyi gore go agwe ditikologo tšeo di bolokegilego.
Ka 6 Lewedi, tirelo ya ngwaga le ngwaga ya go gopola maphodisa ka moka ao a bolailwego e tla swarwa Union Buildings ka Pretoria.
Masetlapelo a Marikana
Tirišo ya pego ka ga tiragalo ya masetlapelo ya Marikana, Leboa Bodikela, yeo e fetilego ka maphelo a batho ba go feta 44, e lenaeong la godimo.
Karabo ya Mokomišinare wa Bosetšhaba wa Maphodisa, Motšenerala Riah Phiyega, ka ditigelo tša Komišene ya Farlam ka ga gore e kaba o loketšwe go swara maemo ao, e a tsinkelwa.
Dipoledišano di tšwela pele le Matoma bao dipotfolio tša bona di amilwego ke pego ya Marikana, go swana le Maphodisa, Mešomo, Methopo ya Diminerale, Toka le Ditirelo tša Tshokollo.
Setšhaba se tla fiwa dipoelo mo nakong ye e tlago ka tšwelopele yeo e dirilwego ka phethagatšo ya ditigelo. Maikemišetšo a ditsenogare ke gore ditiragalo tša mohuta woo di se tsoge di diragetše mo Afrika Borwa.
Ditlhaselo ya badudi ba dinaga tše dingwe
Go latela ditlhaselo tša badudi ba dinaga tše dingwe ka Moranang ngwaga wo, IMC go Bafaladi e ikemeišeditše go dira se sengwe le se sengwe go thibela go tšwelapele ga ditlhaselo.
Magato ao a tšerwego a akaretša kaonafatšo le taolo ya melao, tlhokomelo ya maphodisa yeo e kaonafaditšwego ka Operation Fiela-Reclaim, le go godiša go phedišana ka khutšo le botee mo baduding le badudi ba dinaga tše dingwe.
IMC go Bafaladi e tla fihlelela le mekgatlo yeo e emelago badudi ba Afrika go tšwetša pele poledišano ye Mopresidente Zuma a bilego le yona le bona ka Moranang 2015
AFRIKA YE KAONE
Kgolo ya lebelo ya kontinente ya Afrika e fa dibaka tša ditšweletšwa tše dikgolo le mebaraka ya ditirelo. Kgolo ka seleteng sa sub-Saharan e letetšwe go fihla go 4,5% ka 2015.
Ka tsela yeo, SADC e nepiša ka tlhoko go feleletša pholisi ya diintasteri ya selete.
Afrika Borwa e tla tšwela pele go šoma ka go Kopano ya Afrika (AU) le SADC go kgatha tema go hlongweng ga mafelo a go se lefelwe a kgwebo a kontinente le go matlafatša mekgwa ya kgodišo ya ekonomi ya Afrika
