Okuphathelene
Okufanele ukwenze
Isikhathi esibekiweko
Kubiza malini
Amaforomo ekufanele uwazalise
Ungathintana nobani
Okuphathelene nokwenza isibawo sokungenisa namkha sokuthumela ngaphandle kwemikhiqizo yephethroliyamu
Nangabe ufuna ukungenisa namkha ukuthumela imikhiqizo yephethroliyamu eSewula Afrika kumele uthole igunya kumNyango wezaMandla nokwEnjiwako ukuthola iphemithi kuKhomitjhana yokuLawula ukuThengiselana kweeNtjhabatjhaba (International Trade Administration Commission) i-ITAC.
Ukungenisa nokuthumela imikhiqizo yephethroliyamu kweyame ekulawulweni kokuthunyelwa nokungeniswa ngalokho-ke ikhampani namkha umuntu ngamunye ofuna ukuthumela namkha ukungenisa imikhiqizo yephethroliyamu ngaphandle/ngeSewula Afrika kumele athole iphemithi yokukhipha namkha yokungenisa.
Ukukhitjhwa kwamaphemithi wokungenisa nokukhipha kuya ngokwemfuneko ezilawulwa mNyango wezaMandla nokwEnjiwako.
Ukuze uqalelelwe bona ugunyazwe, kumele uthintane nomNyango wezaMandla nokweNjiwako ngokuphathelene nekambiso efunekako.
Iimpahla ezifana ne-oli ehlaza, isibaseli, ipharafini, i-oli ethambisako, amarhasi wephethroliyamu, i-petroleum jelly, i-petroleum bitumen kanye ne-paraffin wax lezo kumele zilandele amagadango wokulawula ukungeniswa nokuthunyelwa ngaphandle.
Okufanele ukwenze
- Bawa iforomo lokwenza isibawo sokuthumela namkha sokungeniswa kwepahla kwa-ITAC namkha ulikhiphe kuwebhsayidi yakwa-ITAC.
- Zalisa amaforomo wesibawo uwadlulidele kumNyango wezaMandla nokwEnjiwako ukuze bawagunyaze, ufake nekhophi yesitifiketi somthelo wekhampani.
- Nasele isibawo sakho sigunyaziwe, ungayosithatha kumNyango wezaMandla nokwEnjiwako usise kwa-ITAC.
- I-ITAC izakusebenza isibawo sakho bese ikunikela iphemithi nangabe isibawo sakho siphumelele.
Tjheja: amaphemithi wokungenisa ngenarheni esebenza iinyanga ezili-12 bese kuthi wokuthumela ngaphandle wona abe nesikhathi esiziinyanga ezisithandathu kwaphela.
Isikhathi esibekiweko
Isikhathi sokukhitjhwa kwamaphemithi wokungenisa ipahla malanga amathathu wokusebenza.
Kubiza malini
I-ITAC ayikubhadelisi iimali zokukusebenzela kodwana wena kufanele ubhadele umthelo wepahla engeniswa ngenarheni kwa-SARS. Umthelo wepahla engeniswa ngenarheni ubalwa njengephesente lenani lepahla (elibekwe kumatjhejuli we-Customs and Excise Act). Nawufuna ilwazi elinabileko ngomthelo wepahla wakwa-SARS vakatjhela iwebhsayithi ye-SARS.
Amaforomo ekufanele uwazalise
Ukuthumela ngaphandle:
- Export authorization (Igunya lokuthumela ngaphandle)
- Application to register as an Exporter or Change of current information IEPS230 (Isibawo sokutlolisa njengomthumeli ngaphandle IEPS203)
Ukungenisa ngenarheni:
- Application to Register as an Importer IE230 (Isibawo sokutlolisa njengomngenisi ngenarheni namkha ukutjhuguluka kwelwazi elikhona IE230)
- Application for Import Permit for Commercial purposes IE461(Isibawo sephemithi yokungenisela ukuthengisa IE461)
Ungathintana nobani
ITAC national office - Import and Export Control
Tel: 0861 834 384, 012 394 3590, 012 394 3591
City/town: Pretora
Province: Gauteng
Physical address: International Trade Administration Commission, 77 Meintjies Street, Block D, Sunnyside, Pretoria, 0001
Postal address: Private Bag X753 Pretoria, 0001
Web address: http://www.itac.org.za
Department of Energy
Tel: 012 406 8000
E-mail: info@energy.gov.za
City/town: Pretora
Province: Gauteng
Physical address: 192 Visagie Street, Corner Paul Kruger & Visagie Street, Pretoria, 0001
Postal address: Private Bag X96, Pretoria, 0001
Web address: https://www.energy.gov.za/