Ukufaka isicelo selungelo lokumba umgodi

Ukuba ufuna ilungelo lokumba umgodi, kufuneka ufumane imvume kwiSebe lemiThombo yeziMbiwa ukuze umbe izimbiwa kwindawo ethile.

Ilungelo lokumba umgodi alinakuqhuba kangangexesha elingaphezulu kweminyaka engama-30.

Ilungelo lokumba umgodi ulinikwa ukuba:

isimbiwa eso siza kumbiwa kangangoko
unayo imali nobuchwepheshe bokuqhuba loo msebenzi wokumba loo mgodi kangangoko.
imali oyicwangcisele lo msebenzi iza kuwanela kwaye ayizikushiya phakathi lingekapheli eli xesha olisikelweyo
akuyi kubakho monakalo okanye kungcoliseka okukwiqondo elingamkelekanga kwindalo
ikhona imali oyibekele bucala ukuba ukulungiselela ukuncedisa kumaphulo okuphuhlisa ekuhlaleni kunye neemfuno zabasebenzi
awuwaphuli uMthetho woPhuhliso lwemiThombo yeziMbiwa nePetroleum wowama-2002 (UMthetho 28 wowama-2002) (i-MPRDA)
lo msebenzi wokumba umgodi uyambelana noMqulu wezeMigodi.

Faka isicelo sakho usebenzisa i-intanethi.
Bhatala imali yokufaka isicelo engazikubuyiswa usebenzisa i-intanethi.
Ukuba isicelo sakho samkelwe ngoku usifaka kwi-intanethi, uza kuthunyelelwa imbalelwano ukuba ungenise iinkcukacha ngamanyathelo oza kuwathatha ukuze ungenzi monakalo kwindalo ukuze zihlolwe zamkelwe.
Azisa uze unxibelelane nabo bonke abachaphazelekayo zingekapheli iintsuku ezingama-180 ukusuka kumhla ofumene ngayo imbalelwano.

Ukuba isicelo sakho siyazonezisa zonke iinkcukacha zokufunwayo umlawuli wengingqi uza kubhalela ileta zingaphelanga iintsuku ezili-14 emva kokuba esifumene isicelo ukuba samkelwe. Umlawuli wengingqi uza kuyalela ukuba udibane nomnikazi-mhlaba, nalowo ukuwo ngoku kunye nabo bonke abachaphazelekayo.
Ukuba isicelo sakho asihambanga kakuhle umlawuli wengingqi uza kusibuyisela kuwe isicelo sakho zingaphelanga iintsuku ezili-14.
Ukuba uMphathiswa akafuni ukunika ilungelo lokumba umgodi, uza kubhalela ileta, zingaphelanga iintsuku ezingama-30, enika izizathu zokuba isicelo sakho sikhatywe.