1. Timhaka leti nga emahungwini
1.1. Khabinete yi amukela Yuniti 6 ya Xitichi xa Gezi xa Medupi eLephalale, Limpopo, lexi nga ta sungula ku tirha xibindzu hi ku hetiseka naswona lexi nga ta phamela 800 wa timegawatsi (MW) eka gezi hinkwaro ra tiko. Phurojeke ya Xitichi xa Gezi ya Medupi i xitichi xa gezi ra malahla ya rihlaza lexi nga na tiyuniti ta ntsevu leti nga na mpimo wa 4 764 MW. Phuresidente Jacob Zuma u ta simeka yuniti leyi hi 30 Mhawuri 2015.
Ku akiwa ka Xitichi xa Gezi xa Medupi ku sungurile hi Mudyaxihi 2007 naswona tiyuniti hinkwato ti languteriwile ku tirha xibindzu eka xiphemu xo sungula xa 2019. Loko xi ta va xi herile, xi ta va xitichi xa malahla xa vumune hi vukulu naswona xi ta va xitichi lexikulu xa omiso lowu holeke emisaveni hinkwayo. Xitichi lexi xi kunguhatiwile ku va ni vutomi bya malembe ya 50.
Yuniti 6 yi hlanganisiwile na gezi ra tiko hi 2 Nyenyankulu nan’waka naswona xi le ku phameleni ka gezi eka gezi ra tiko nkarhi na nkarhi loko ku ri karhi ku endliwa vukamberi bya matirhelo nkarhi na nkarhi. Hi nkarhi lowu, Yuniti 6 ya swi kota ku olovisa ntshikelelo eka gezi ra tiko, yi pfuna ku papalata mphamelo wa gezi hi ku siyerisana kumbe ku hunguta ntshikelelo wa gezi. Matirhelo ya yuniti leyi ya fikeleriwile hi nkarhi wa ntsevu wa tinhweti endzhaku ka loko ri hlanganisiwile na gezi ra tiko hinkwaro ku ya hilaha a swi andlariwile hakona.
Ku tirha xibindzu ka Yuniti 6 ka Xitichi xa Gezi xa Medupi i mhaka ya nkoka eka nkungu ra hina ro aka xitumbuluxi xa gezi lerintshwa.
1.2. Khabinete yi ta tlhela yi lemuka nkayivelo wa mphamelo wa gezi lowu nga etikweni. Hambileswi mphamelo wa gezi wo siyerisana wu khomisaka tingana, Eskom yi ti yimiserile ku endla vulandzelerisi lebyi nga fanela ku antswisa rihanyo ra tifeme ka malembe yo hlaya lama taka handle ka nkavanyeto wa matimba. Musumbuluko lowu taka (31 Mhawuri), Yuniti 2 ya Xitichi xa Gezi xa Koeberg eKapa Vupeladyambu yi ta pfariwa hikokwalaho ka pfuxeto lowu kunguhatiweke.
1.3. Yuniti leyi yi languteriwile ku pfuxetiwa nakambe endzhaku ka tinhweti tinharhu. Ku pfariwa ka Yuniti 2 ya Koeberg i xiphemu xa phurogireme yo angarhela ya pfuxeto ya Eskom ya switichi swa gezi swa yona leswo hlaya. Endzhaku ka 16 ku fika 18 wa tinhweti, yin’wana na yin’wana ya tiyuniti letimbirhi eKoeberg ya pfariwa leswaku ti cheriwa mafurha, ti kamberiwa ni ku pfuxetiwa. Ku pfariwa loku ka nkarhi na nkarhi ku kunguhatiwile hi ndlela leyi swi papalataka leswaku tiyuniti leti hatimbirhi ti nga kumeki ti nga tirhi hi nkarhi wun’we naswona ku endliwa hi tinhweti ta xixika lembe rin’wana ni rin’wana.
1.4. Loko hi ri karhi hi ba magoza yo antswisa xiyimo xa vutumbuluxi bya gezi, Khabinete yi kombela maAfrika-Dzonga hinkwavo ku ya emahlweni va tirhisa gezi hi ndlela leyi ri hlayisakaka.
2. Samiti ya Tinhloko ta Mfumo
2.1. Khabinete yi amukela mbuyelo wa vu35 wa Samiti ya Tinhloko ta Mfumo wa Nhlangano wa Nhluvukiso wa le Dzongeni wa Afrika wa Ntolovelo, laha Phuresidente Zuma a rhangeleke vurhumiwa bya Afrika-Dzonga.
Samiti leyi yi amukerile Pulani ya Nhluvukiso na Nkunguhato wa Rhijini leyi pfuxetiweke ya 2015-2020. Samiti leyi yi tlhele yi sayina mintwanano yinharhu leyi nga ta endla leswaku rhijini yi vulavula hi mintlhotlhonkulu yo herisa ku pfumaleka ka mintirho na vusweti hi ndlela leyi nga ta va kona nkarhi wo leha.
- Ntwanano lowu antswisaka Ntwanano wa Tipolitiki, na Ntirhisano wa Vusirheleri na Vuhlayiseki na Ntwanano lowu antswisaka Ntwanano wa SADC (Treaty). Mintwanano leyi yi ta pfumelela Komiti ya Vusirheleri na Vuhlayiseki ya Mimfumo ya Xirho xa Tipolitiki, Ntirhisano wa Vusirheleri na Vuhlayiseki ku tirha tanihi foramu ya vuhlanganyeti bya Tihosi ta Vululamisi eDzongeni wa Afrika.
- Xiboho xa Nhluvukiso wa Vantshwa na ku Nyikiwa Matimba xi vulavula hi mhaka ya xihatla ya nhluvukiso wa vantshwa ni ku nyikiwa matimba hi ku landzelela ntirhisano wa rhijini, vun’we, nhluvukiso na ku rhula, na vuhlayiseki erhijinini.
- Ntwanano wa Vuxavisi bya Vukorhokerhi wu pfula Vuxavisi bya vukorhokerhi ematikweni ya SADC hi xikongomelo xo tumbuluxa makete wun’we wa vukorhokerhi erhijinini. Ku amukeriwa ka Pulani ya Nhluvukiso na Nkunguhato wa Rhijini leyi Pfuxetiweke ya 2015-2020 a ku ri goza rikulu eka swiringanyeto swa SADC swo tlakusa vuxavisi exikarhi ka matiko ya rhijini leyi.
Khabinete yi tlhele yi amukela Xiboho xa nhlengeletano ya Troika ya Kambirhi ya SADC leyi khomiweke ya xiphemu xa Samiti ya SADC leyi ngheneriweke hi Xandla xa Phuresidente na Mukondleri wa SADC Cyril Ramaphosa, ku tiyisisa vundzeni bya Ndzavisiso wa Khomixini ya SADC eVukosini bya Lesotho.
3. Rendzo ro ya eJapan hi Xandla xa Phuresidente
3.1. Khabinete yi amukerile rendzo leri humeleleke ra Xandla xa Phuresidente Ramaphosa eJapani. A heleketiwile hi vurhumiwa bya xiyimo xa le henhla bya Vaholobye na van’wamabindzu ku ya tlakusa Afrika-Dzonga tanihi ndhawu ya vuvekisi yo hlawuleka.
Xandla xa Phuresidente u tlhele a tiyisisa vavekisi va maJapani leswaku Afrika-Dzonga ri pfulekile eka van’wamabindzu, a tlhela a va tivisa hi xiyimo xo tshamiseka etikweni xa ikhonomi hi ku angarhela na hi ta ndhawu leyi tshamisekeke yo endla vuvekisi bya mabindzu, ngopfungopfu mabindzu lama tumbuluxaka mintirho.
Xandla xa Phuresidente Ramaphosa u tlhele a tirhisa Rendzo leri ku tiyisisa vutihlamuleri eka Japani ku endla xinakulobye na Afrika-Dzonga eka magoza ya rona yo lwa na mpingo wa HIV na AIDS na Malaria.
4. Swibohonkulu swa khabinete
4.1. Khabinete yi pasisile ku tinyiketa ka Afrika-Dzonga na Doroba ra Durban ku rhurhela Mintlangu ya Commonwealth ya 2022. Leri i ro sungula ku va Afrika ri rhurhela Mintlangu ya Commonwealth naswona leswi swi veka Afrika-Dzonga tanihi ndhawu ya vuendzi bya mintlangu ni ku tlhela swi nyika Xipano Afrika-Dzonga nkarhi na ndhawu.
Vurhurheli lebyi byi ta tlhela byi tirhisa ndzhaka ya switirhisiwa swa Khapu ya Misava ya 2010 ya FIFA™.
Mintlangu ya 2022 ya Commonwealth yi languteriwile ku phamela ku fika eka 20 wa mabiliyoni ya tirhandi ya nhundzu eka ikhonomi, leswi nga ta vuyerisa ntlakuso wa GDP hi 11 wa mabiliyoni wa tirhandi.
4.2. Khabinete yi pasisile ku hangalasiwa ka Xiviko xa Nkarhi na Nkarhi xa Vuntlhanu (2009-2014) xo Humelerisa Ntwanano wa ku Herisiwa ka Tinxaka hinkwato ta Xihlawuhlawu eka Vavasati eka Gazete ya Mfumo, leswaku yi hoxiwa tihlo hi mani na mani.
Xiviko lexi xi vulavula hilaha milawu yo hlaya, tipholisi na tiphurogireme leti tirhisiwaka eAfrika-Dzonga ti humelelaka hakona, ni ku tlhela ti tshikelela hilaha ku humelela loku endliweke etikweni ku nyikeke vavasati matimba na ndzingano wa rimbewu. Xiviko lexi xi tlhela xi lemuka mintlhotlho na swirhalanganyi leswi yaka emahlweni eku lweni na vupfumari bya ndzingano na xihlawuhlawu etikweni.
4.3. Khabinete yi pasisile leswaku Afrika-Dzonga ri va xiphemu xa Sethara ya Vutsundzuxi bya Nawu eka Nhlangano wa Vuxavisi wa Misava (WTO) eGeneva.
Lowu i Nhlangano wa Misava lowu phamelaka vutsundzuxi bya nawu mayelana ni nawu wa WTO, nseketelo wa maendlelo ya vuololoxi bya swiphiqo eka WTO na vuleteri eka nawu wa WTO eka matiko lama ha hluvukaka na lama nga ha riki vuswetini.
Tanihi Xirho, Afrika-Dzonga ri ta swi kota ku kuma switsundzuxo mayelana na ntirhisano wa maendlelo ya vuxavisi lama ri lavaka ku ma andlala. Sethara leyi yi nga ha pfuna Afrika-Dzonga hi timhaka ta vuololoxi bya milandzu ya WTO.
4.4. Khabinete yi hlamuseriwile hi ta Holobye wa Timali, Tatana Nhlahla Nene, loyi a nga ta sungula ku va xiphemu xa Hofisi ya Phuresidente ya Khaninsele ya Vaholobye ya Ntlawa wo Lwa ni Vukungundwani bya Timali wa le Vuhumadyambu na le Dzongeni wa Afrika, ku fika lembe. Hikokwalaho, Holobye u ta rhurhela nhlengeletano ya lembe na lembe ya khaninsele ya 2015.
Nhlangano lowa mimfumo wa rhijini wu tlakusa ku humelerisiwa ka tindlela to lwa na vukungundwani bya timali na nseketelo wa vutherorisi hi timali erhijinini ya le dzongeni na le Vuhumadyambu bya Afrika hi ndlela leyi voyameleku tlhelo rin’we.
Xikongomelonkulu xa vuxirho bya Afrika-Dzonga i ku tiyisisa tindlela to lwa na Vukungundwani bya timali na nseketelo wa vutherorisi hi timali erhiginini, leswi tlakusaka vuhlayiseki bya rixaka etikweni na le rhijinini.
4.5. Khabinete yi ya emahlweni yi sola ku dlayiwa ka maphorisa loku nga twariki. Khabinete yi kombela vaakatiko ku tirha na Maphorisa ku va pfuna ku khoma swigevenga leswi dlayaka maphorisa. Tiajesi ta vuhumelerisi bya nawu ti le ku tirheni hi matimba ku tiyisisa leswaku swigevenga leswi swi khomiwa. Khabinete yi khensa vaakatiko lava hoxeke xandla eku khomiweni ka vanhu vanharhu lava ehleketeriwaka eku dlayiweni ka maphorisa.
5. Milawumbisi
5.1. Khabinete yi pasisile ku tisiwa ka Nawumbisi wa Vukorhokerhi bya Matikomambe, 2015, ePalemende.
Nawumbisi lowu wu vulavula hi endlelo rin’we ra Vukorhokerhi bya Matikomambe na ku tumbuluxa nawu wa palamende lowu hawona ku nga ta fambisiwa na ku lawuriwa Vukorhokerhi bya Matikomambe bya namuntlha hi Ndzawulo ya Vuxaka bya Matikomambe na Ntirhisano.
Nawumbisi lowu wu ta tirhisiwa hi ku landzelela Vumbiwa, milawu ya palamende leyi nga kona naswona leyi lawulaka Vatirhilamfumo, vukorhokerhi bya vuhlayiseki naswona wu fambisana na NDP ku tlakusa mphamelo wa vukorhokerhi.
Leswi swi ta tlakusa matirhelo, vutihlamuleri ni ku lawula nxavo wa switirhisiwa ematikweni ya le ntsungeni hi xikongomelo xo ndlandlamuxa pholisi ya matikomambe ya Afrika-Dzonga na nongonoko wa nhluvukiso.
5.2. Khabinete yi pasisile ku andlariwa ka Nawumbisi wa Vurhangeri bya VaKhoisan na Xinto, 2015 epalemende. Nawumbisi lowu wu hoxa xandla eka xikongomelonkulu xa NDP xo ndlandlamuxa vun’we bya ntshamiseko wa vanhu loko wu ri karhi wu vulavula hi ku pfumaleka ka ndzingano ka nkarhi lowu hundzuke hi ku vulavula hi ku lemuka Xinawu ka miganga na varhangeri va VaKhoisan.
Wu pima ku tumbuluxiwa ka Komiti ya Vutsundzuxi etimhakeni ta VaKhoisan leswi nga ta pfuna mfumo hi tindlela to lemuka miganga na vurhangeri bya VaKhoisan.
Nawumbisi lowu wu tlhela wu tiyisisa nawu wa rixaka wa vurhangeri bya xinto lowu nga kona lowu nga ta herisa Nawu wa Vurhangeri bya Xinto wa Yindlu ya Rixaka, 2009 (Nawu 22 wa 2009) na Nawu wa Maendlelo ya Mfumo na Vurhangeri bya Xinto, 2003, (Nawu 41 wa 2003).
6. Mintlangu leyi taka
6.1. Phuresidente Zuma u ta simeka phurojeke ya Nyimpi yo Lwa na ku Pfuta ka Mati, leyi tivisiweke eka Mbulavulo hi Xiyimo xa Rixaka xa 2015, ePort Elizabeth hi 28 Mhawuri 2015, tanihi xiphemu xa phurogireme ya mfumo yo tirhana ni ku lahlekeriwa hi mati hikokwalaho ka ku pfuta ka mati.
Phurojeke leyi yi ta letela 15 000 wa vantshwa tanihi vatirhi va mavoko na tipulambara ku pfala mati lama pfutaka emigangeni ya vona; yi ta va nyika vuswikoti byo sungula mabindzu ya vona kumbe ku kuma mintirho leyi faneleke. Vanhu vo sungula va nhlayo ya 3 000 yi le gangisiweni eka lembe ximali leri.
Ku pfuta ka mati swi fikisa 40 wa tiphesente ta ku lahlekeriwa ka mati etikweni naswona swi durhela tiko nkombo wa mabiliyoni ya tirhandi hi lembe.
6.2. Phuresidente Zuma u ta nghenela Ntlangu wa vu70 wa ku Hela ka ku Vutliwa ka China na Nyimpi ya Vumbirhi ya Misava eRhiphabuliki ra Vanhu ra China (PRC) ku suka 2 ku fika 4 Ndzhati 2015, naswona u ta va na nhlengeletano ya vambirhi na Phuresidente Xi Jinping.
Vuxaka bya Afrika-Dzonga na PRC byi le ka xiyimo xa Xinakulobye xa Vupulani bya Vuenti tanihilaha swi hlamuseriwaka hakona hi Xiboho xa Beijing xa Vutumbuluxi bya Vuenti, lexi vulavulaka hi Vuxaka hinkwabyo exikarhi ka matiko lamambirhi.
6.3. Khabinete yi kombela maAfrika-Dzonga hinkwavo ku tlangela matimu ya hina ni ku hambana ka mindhavuko ya hina tanihilaha tiko ri tlangelaka Nhweti ya Ndzhawuko hi Ndzhati ehansi ka nhlokomhaka: “Vutivi bya ndhavuko, ndzhaka ya hina: ku tshunela eku hlawuleni, ku tlakusa na ku hlayisa ndhavuko lowu hanyaka wa Afrika-Dzonga”.
Ntlangu wa nan’waka wu ta teka xivumbeko xa ntlangu wa ndhavuko kutani miganga yi khutaziwa ku tirhisa ndzhaka ya vona leyi hanyaka ku fana na swakudya, vuvatli, ncino na vuyimbeleri ku tlakusa ku hambana ka mindhavuko ya hina, timfanelo ta ximunhu, ku aka rixaka na nhluvukiso wa ikhonomi.
6.4. Afrika-Dzonga ri ta tlangela Nhweti ya Vupfhumba hi Ndzhati, leswi nga nkarhi wa kahle wa mindyangu ku endzela tindhawu ta ndzhaka leswaku hi tlhela hi tihlanganisa na vukhale.
Hi nkarhi wa Nhweti ya Ndzhaka, Ndzawulo ya Vutshila na Ndhavuko yi ta endzela Ndhawu ya Rixaka ya Tinghwazi ePitori ku koweta ku sungula ka ku akiwa ka mfungho wa rixaka lowu nga ta kombeta nkarhi wa khale ku nga se va na mfumo wa xikoloni, vulwelantshuxuko na tinghwazi to hambanahambana leti lweleke nhluvuko wa vanhu.
6.5. Siku ro Tlangela Vukorhokerhi bya Maphorisa ya Afrika-Dzonga hi 6 Ndzhati 2015 eUnion Buildings ePitori ri ta tlangela xivindzi na ku tinyiketa ka vaofisiri lava hakeleke ku hlayisa miganga ya vona hi vutomi bya vona.
Hi ku tirhisa vupfhumba bya SAPS byo gangisa, swirho swo engetela swa 6 252 swi ta tsarisiwa hi lembe ximali ra 2015/16 ku tlakusa vukorhokerhi bya valavisisi, maphorisa lama vonakaka, vuhlori bya vugevenga, vukorhokerhi bya foresiki, ku katsa na vukorhokerhi bya vusirheleri na vuhlayiseki.
Khabinete yi kombela vantshwa va hina ku teka ntirho wa SAPS tanihi ntirho lowu va nga wu tirhaka, lowu va nga vuyeriwaka hi swo tala. Vuxokoxoko byo tala byi nga kumeka eka www.saps.gov.za.
6.6. Nhweti ya Vatirhelamfumo ya lembe rin’wana ni rin’wana yi ta va kona eka Vatirhelamfumo hi Ndzhati ehansi ka nhlokomhaka: “Ku yisa Afrika-Dzonga emahlweni: Ku yisa Vatirhelamfumo evanhwini”.
Nhweti leyi yi ta tshikelela vukorhokerhi bya mfumo, vutinyeketi, vutihlamuleri na matirhelo ya xiyimo xa le henhla eka mphamelo wa vutirhelamfumo. Nhlamulo ya nhluvuko lowu endliweke yi ta nyikiwa endzhaku ka tinhlengeletano ta vatirhelamfumo ta vutihlanganisi na vanhu na mbulavurisano na vatirhelamfumo wa “pfuxeto wa tindlela ta matirhelo ya vatirhelamfumo”.
Vutirhelamfumo lebyi tirhaka hi ku hetiseka i xilavekonkulu xo fikelela mphamelo wa NDP naswona khabinete yi kombela vatirhelamfumo ku tinyiketa nakambe eka milawu ya Batho Pele hi ku phamela vukorhokerhi bya xiyimo xa le henhla, lebyi nga na nxavo no hetiseka eka maAfrika-Dzonga hinkwawo.
6.7. Khabinete yi hlamuseriwile hi magoza lama fambiweke yo rhurhela Khongirese ya Swihlahla ya Misava ya vuXIV ya Nhlangano wa Vurimi na Swakudya leyi nga ta khomiwa ku suka 7 ku fika11 Ndzhati 2015 eSethareni ya Khonivhexini ya Inkosi Albert Luthuli.
Nhlokomhaka ya “Swihlahla na Vanhu: Ku Vekisa hi ndlela leyi nga na Vumundzuku lebyi Yaka Emahlweni” yi komba swihlahla leswi vekaka vanhu emahlweni, ntirho wa swihlahla eka nhluvuko wa vanhu na ikhonomi, swilaveko na nkarhi wa vuvekisi, na ntirho wa swihlahla eku hluvukiseni ka ikhonomi. Leswi swi vulavula hi ku kongomisa swirhangana swa mfumo swo herisa vusweti, nhluvuko wa matikoxikaya na ku tumbuluxiwa ka mintirho. Khongirese yi ta tlhela yi languta vukali bya mati na ku cinca ka maxelo.
Leyi i Khongirese ya Swihlahla ya Misava yo sungula leyi nga ta khomiwa eAfrika naswona yi tisa nkarhi wo navetisa tikonkulu endhawini ya swihlahla swa misava. Phurogireme ya le handle yi ta tivisa vanhu hinkwavo, ku katsa na mintlawa leyo nyenyela, hi tindlela leti a va ta nghenelela hi tona.
Khongirese yi ta landzelela Vhiki ro Byala ra Rixaka (1 ku fika Ndzhati) ehansi ka nhlokomhaka “Xihlahla lexintshwa hi Lexi” naswona yi kombela maAfrika-Dzonga ku byala nsinya wun’we namuntlha kutani va pfuna ku vekisa eka vumundzuku lebyi yaka emahlweni.
7. Mahungu yo hoyozela
7.1. Khabinete yi rhandza ku hundzisa mahungu yo humelela eka van’wamatsambu va tiko lava nga nghenela mphikizano wa vu15 wa Vunghwazi bya Van’wamatsambu lowu nga kona eBeijing, China na lava nga nghenela Mintlangu ya Afrika-Hinkwayo ya vu11 exikarhi ka 4 na 19 Ndzhati 2015 eBrazzaville, Congo.
Khabinete yi kombela maAfrika-Dzonga hinkwavo ku va nyandza yin’we va seketela van’wamatsambu va hina tanihiloko va hahasi mujeko wa hina kutani va endla leswaku rixaka ri tinyungubyisa.
7.2. Khabinete yi pfumelelana na Phuresidente Zuma ku hoyozela vateki va mahungu va SABC Dennis Tshetlhane na Sam Msibi ku humelela ka vona eka Xiyenge xa Thelevhixini xa Masagwadi ya Mahungu ya SADC na mudyondzi wa xikolo xa le henhla Imbelani Matibe ku humelela ka yena eMphikizan’weni wa Xiyenge xa Switsalwana swa Xikolo xa SADC. Khabinete yi khensa maAfrika-Dzonga hinkwavo lava tlangeleke mintlangu ya Nhweti ya Vavasati. Mintlangu leyi a yi khomiwile hi minhlangano yo hambanahambana na mfumo lowu tlangeleke ku humelela loku endleke ku tirhana na ku pfumaleka ka ndzingano wa rimbewu etikweni ra hina. Nhweti leyi a yi tirhisiwa ku langutisisa mintlhotlho leyi hi langutaneke na yona mayelana ni ku hlaseriwa ka vavasati na vana.
7.3. Khabinete yi navelela Holobye wa Rihanyo Aaron Motsoaledi, loyi a a amukeriwile eku heleni ka vhiki eXibedlhele xa Xiakhademi xa Steve Biko ePitori, ku hola hi xihatla. Sweswi u tshuxiwile naswona u le ku holeni ekaya.
8. Ta ku thoriwa
Vuthori hinkwabyo byi ta landzelela ku kamberiwa ka ntiyiso wa tidyondzo ta vathoriwa na mbasiso lowu nga fanela
8.1. Bodo ya Vukorhokerhi bya Maxelo ya Afrika-Dzonga:
a) Manana Ntsoaki Mngomezulu – (U thoriwa nakambe na Mutshamaxitulu);
b) Dr Nolulamo Nobambiswano (Lulu) Gwagwa – (U thoriwa nakambe na Xandla xa Mutshamaxitulu);
c) Tatana Rowan Graham Nicholls – (U thoriwa nakambe);
d) Tatana Jonty Tshipa – (U thoriwa nakambe);
e) Phurof Elizabeth Mokotong – (U thoriwa nakambe);
f) Manana Kea Modimoeng;
g) Adv Derek Block;
h) Manana Sowbakiam Mudly-Padayachie;
i) Manana Nandipha Daphne Madiba;
j) Dokodela David Jasper Gilbert Rees;
k) Tatana David Lefutso;
l) Manana Judy Beaumont – (Diyirekitara-Jenerali (DG) Muyimeri wa Timhaka ta Mbango); na
m) Dokodela Linda Makuleni – (Muofisinkulu (CEO)).
8.2. Bodo ya iSimangaliso:
a) Tatana Paul Ndukuzempi Buyani Zwane – (U thoriwa hi vuntshwa na Mutshamaxitulu;
b) Manana Barbara Schreiner – (Xandla xa Mutshamaxitulu);
c) Phurof Antonia Thandi Nzama – (U thoriwa nakambe);
d) Manana Poppy Senelisiwe Dlamini – (U thoriwa nakambe);
e) Tatana Zwelenzima Thwalizwe Gumede – (U thoriwa nakambe);
f) Manana Thobile Etherfrida Mhlongo – (U thoriwa nakambe);
g) Manana Sibongile Daphne Nene;
h) Tatana Satish Roopa;
i) Manana Thumeka Sharon Ntloko – (Muyimeri wa DG wa Timhaka ta Mbango);
j) Tatana Andrew Zaloumis – (CEO); and
k) Tatana Bhekithemba Langalibalele – (Muyimeri wa Ndzawulo ya Vupfhumba).
8.3. Swirho swa le handle leswi thoriweke eka Bodo ya Ajesi ya Vutleketli bya Magondzo yo Tsemakanya Mindzilekano:
a) Manana Reitumetse Masemola; na
b) Barend Christoffel Deysel.
8.4. Swirho swa le handle leswi thoriweke eka Mulawuri wa Switichi swa Swihahapfhuka:
a) Tatana Thaba Mufamadi – (Mutshamaxitulu);
b) Manana Anjue Hirachun;
c) Tatana Riad Khan;
d) Tatana Lindelwe Mabandla;
e) Manana Gerdileen Taylor;
f) Adv Gugulethu Abigail Thimane;
g) Manana Patricia Ntombizodwa Mazibuko – (U thoriwa nakambe);
h) Tatana Aubrey Bongani Ngcobo – (U thoriwa nakambe);
i) Manana Thato Abegail Tsautse – (U thoriwa nakambe); and
j) Tatana Andile Mahlalutye – (U thoriwa nakambe).
8.5. Ku thoriwa ka swirho swa le handle eka Bodo ya Vukorhokerhi ya Vufambisi bya Vutleketli bya le Moyeni:
a) Manana Phindile Riba – (Mutshamaxitulu);
b) Tatana Phuresidente Qiniso Dhlamini;
c) Dokodela Bridget Ssamula;
d) Tatana Bennet Phonthana Malebo;
e) Tatana Isaac Nkama;
f) Manana Shaila Hari;
g) Tatana Daniel Gray Mwanza;
h) Adv Edwin Matane Mphahlele;
i) Tatana Sfiso Norbert Buthelezi;
j) Manana Nwabisa Mtshali;
k) Tatana Arthur James Bradshaw; and
l) Manana Hlengiwe Thandeka Makhathini – (U thoriwa nakambe).
8.6. Swirho swa le handle leswi thoriweke eka Bodo ya Ajensi ya Nhluvukiso wa Mabindzu Lamantsongo:
a) Manana Anjue Hirachund; na
b) Manana Zanele Monnakgotla.
8.7. Bodo ya Vufambisi bya Thanele ya Ntsemakanyo wa Caledon:
a) Manana MW Hlahla – (Mutshamaxitulu);
b) Tatana JRD Modise – (Xandla xa Mutshamaxitulu);
c) Tatana SN Khondlo;
d) Dokodela MJ Ellman;
e) Manana ZP Manase;
f) Manana SFS Makhathini;
g) Manana M Nakene; na
h) Tatana S Roopa.
8.8. Tatana Ian van Niekerk – Muofisirinkulu wa Timali wa Burodibende ya Infraco.
8.9. Tatana Zukile Christopher Mvalo – Xandla xa DG: Nhluvukiso wa Vuswikoti eka Ndzawulo ya Dyondzo ya le Henhla na Vuleteri.
8.10. Manana Xolelwa Mlumbi-Peter – Xandla xa DG: Nhluvukiso wa Ikhonomi na Vuxavisi bya ya Misava eka Ndzawulo ya Mabindzu na Vumaki.
8.11. Tatana Tshediso John Matona – Matsalani wa Vupulani eka Ndzawulo yo Kambisisa Matirhelo no Hlela.
Swivutiso:
Manana Phumla Williams (Muyimeri xa Muvulavuleri wa Khabinete)
Riqingho: 083 501 0139
