Kopo ya ho fuwa ditifikeiti ISTA

Dintlha ka

O lokela ho etsang

Nako ya tshebetso

Ditjeo ke bokae

Diforomo tse tlatswang

Dintlha tsa ho iteanya

Etsa kopo ya setefekeiti sa Mokgatlo wa Matjhaba wa ho etsa Diteko tsa Peo (ISTA)

Ho rekisetsa dinaha tsa kantle peo o sebedisa setefekeiti sa ISTA (Lamunu le/kapa Putswa) o tlameha ho etsa kopo laboratering e amohelehileng ya ISTA.

Etsa kopo ya setefekeiti ISTA Laboratering ya semmuso ya Ho etsa Diteko tsa Dipeo (OSTL).

OSTL ke laborateri ya botho bo amohelehileng (nomoro ya ZA01 ya ho amoheleha) ya ISTA. OSTL e dumelletswe ho fana ka Ditefekeiti tsa Matjhaba tsa Tlhahlobisiso ya Dipeo.

O ka etsa kopo ya Setefekeiti sa Sehlopha sa Dipeo (Lamunu) kapa Setefekeiti sa Sampole ya Peo (Putswa).

• Setefekeiti sa mmala wa lamunu se ntshwa  ha sampole e ntshwa semmuso sehlopheng (betjheng) mme ho etswa diteko tlasa boikarabelo ba laborateri e amohelehileng. Setefekeiti se sebetsa sehlopheng sa peo seo e ntshitsweng ho sona.
• Setefekeiti se se putswa se ntshwa ha ho etsa diteko ho se tlasa boikarabelo ba laborateri e amohelehileng mme laborateri e amohelehileng e ikarabella feela ho etsa teko ya sampole. Setefekeiti sena se sebetsa feela ho sampole e amohetsweng bakeng sa ho etswa teko.

O lokela ho etsang

Bakeng sa Setefekeiti sa Matjhaba sa mmala wa Lamunu:

1. Fumana foromo inthaneteng kapa iteanye le OSTL mme o tlatse foromo ya kopo bakeng sa kopo ya Setefekeiti sa Matjhaba sa mmala wa Lamunu.
2. Kopa kabo ya semmuso ya dinomoro tsa sehlopha sa peo.
3. Fekesetsa kopo ho OSTL ho (012) 8085383 le/kapa ho imeilela ho SeedTesting@daff.gov.za
4. Hang ha kopo ya hao e amohetswe, o tla abelwa dinomoro tse ikgethileng tsa sehlopha sa peo mme kopo ya hao e tla fekesetswa kapa e imeilelwe ho wena hape. Hape e tla fekesetswa kapa e imeilelwe ho (motho ya sebetsang ka disampole) kantorong ya lebatowa e haufi le sebaka seo ho etswa teko ho tlo etsahalang ho sona. 
5. Hlophisa dihlopha tsa peo bakeng sa ho etswa teko. Sena se kenyeletsa ho tshwauwa ha sehlopha ka dinomoro tsa sehlopha tse abetsweng. O tlameha ho tshwaya setshelo ka seng (ka ho hlaka) kapa o se leibole ka nomoro ya hao ya sehlopha e abilweng.
6. Ha dihlopha tsa dipeo di se di loketse ho etswa diteko, tsebisa (motho ya sebetsang ka disampole)  hore a tle a tlo ntsha disampole.
7. Maikarabelo a mosebeletsi wa disampole ke ho etsa diteko tsa semmuso le ho kwala (di)sehlopha sa peo.
8. Disampole di iswa OSTL le ho etswa diteko tsa boleng mme ho ntshwe setefekeiti se loketseng.
9. Kamora ho isa sampole ya hao, o tla fumana invoese.
10. Lefa tjhelete ya diteko tsa dipeo mme o romele bopaki ba tefo ho STL ka fekese kapa imeili bakeng sa ho lokollwa ha setefekeiti.

Bakeng sa Setefekeiti sa Matjhaba se se Putswa:

1. Etsa kopo ya Setefekeiti se se Putswa ka lengolo le ngotsweng pampiring e nang le letshwao la mokgatlo/khamphani ya hao, ka ha ho tshwaya sehlopha sa dipeo le ho etswa ha diteko semmuso ha ho kgonahale.
2. Lefa tjhelete ya diteko tsa dipeo mme o romele bopaki ba tefo ho STL ka fekese kapa imeili bakeng sa ho lokollwa ha setefekeiti.

Dintlha tsa ho Banka tsa Setefekeiti sa Matjhaba sa mmala wa Lamunu le se se Putswa ka bobedi

Banka: Standard Bank
Lebitso la lekala: Arcadia
Khoutu ya lekala: 01-08-45
Nomoro ya akhaonte: 011244887
Lebitso la akhaonte: Ditshebeletso tsa Diteko tsa Dipeo tsa NDA

O ka lefa ka eleketeroniki kapa khaontareng.

Hopola ho kenyeletsa nomoro ya invoese bakeng sa tshupiso.

Nako ya tshebetso

Laborateri ya Semmuso ya Diteko tsa Dipeo (OSTL) e kgetha ho etswa diteko ha disampole tsa dipeo ho na le dintho tse ding, bakeng sa mabaka a ho rekisetsa dinaha tsa kantle. Mefuta e fapafapaneng ya dijalo e na le maemo a fapaneng a ho etswa diteko mme nako ya teko e ka fapana ho tloha matsatsing a mmalwa  ho ya dibekeng tse mmalwa.

Ditjeo ke bokae

Ditefiso tsa 2024/25

Diforomo tse tlatswang

Application for the issuance of an Orange International Certificate (OIC)  (Kopo ya ho ntshwa ha Setefekeiti sa Matjhaba sa mmala wa Lamunu (OIC).

Dintlha tsa ho iteanya