Sicelo sekwamukelwa ekhaya lalabadzela labaluphele

Ngesi kuphatselene nekubhalisa njengemuntfu lonakekela labagugile emphakatsini

Nangabe ungumuntfu lomdzala lodzinga kunakekelwa ngaso sonkhe sikhatsi, imini nebusuku, lofuna kuhlala ekhaya lalabadzala, ungafaka sicelo sakho ehhovisi labosonhlalakahle lelidvute nawe nome ekhaya lalabadzala.

Kute ufaneleke kwemukelwa, ufanele ube:

• ngulodzinga kunakekelwa ngalokuphelele ngaso sonkhe sikhatsi.
• neminyaka lenge-60 budzala nome engetulu  kantsi futsi ute indziwo yekudlala
• ngumuntfu waseNingizimu Afrika
• ngulotfola sibonelelomali sahulumende yekuba ngumuntfu lomdzala nome-ke utfola imali yemhlalaphansi.

Ucelwa kutsi wati loku: Kute umuntfu longakwemukela ekhaya lalabadzala ngaphandle kwemvume yakho ngaphandle nangabe kunembiko wetekwelashwa lofakazela kutsi awuphili kahle engcondvweni kutsi ungakhona kutivumela wena ngekwakho kubese-ke futsi sekukhishwa nemyalo wasenkantolo. Esimeni lesiphutfumako umbiko wetekwelashwa lokhishwe sisebenti setekwelashwa usebenta ngalokwenele lapho kuseselindvwe umayalo wenkantolo.

Yini lekumele uyente

1. Nangabe kute emakhaya alabadzala lowatiko, hamba uye emahhovisi ladvute elitiko letekutfutfukiswa kwetenhlalakahle kute utfole likhaya lalabadzala lelidvuta kakhulu nawe.
2. Gcwalisa uphindze futsi ubiyisele lamafomu ekufaka sicelo kulelikhaya lebantfu labadzala.
3. Letsa loku lokulandzelako:
   
   • Matisi waseNingizimi Afrika.
   • Umbiko wetekwelashwa.
4. Utawuhlolwa kutsi uyafaneleka yini vele kutsi wemukelwe kanye nekutsi utfole selekelelo.
5. Nangabe ugula kakhulu nome-ke sewungumuntfu lokhule kakhulu kutsi angakwati kutiyela emahhovisi ayofaka sicelo sekwemukelwa, cela lilunga lemndeni nome umngani kutsi ahambe ayofaka sicelo egameni lakho.
6. Sanhlalakahle utawuhlela kukuvakashela kute abone simo lohlala ngaphasi kwaso kwamanje.
7. Nangabe sicelo sakho asemukelwa ufanele kutsi unikwe sizatfu saloko lesibhalwe phasi futsi ungasendlulisela eNdvuneni Yetekutfutfukiswa Kwetenhlalakahle.

Ucelwa kutsi wati loku: Kwemukelwa ekhaya lalabadzala kuya ngekubakhona kwemibhedze.

Sikhatsi semsebenti

Sicelo sitawuchutjwa kungakapheli emalanga la-14. Utawutfola imphendvulo kungakapheli emalanga lange-30 lofake ngawo sicelo sakho.

Ngabe kubita malini

Kungabita imali leyehlukahlukene.

Emafomu lagcwaliswako

Onkhe emafomu ayatfolakala ekhaya lebantfu labadzala lelidvute nawe.

Ngubani longamutsintsa