Go amogelwa legaeng la batsofadi

Ka ga thušo ya bogole

Ge o le motšofadi o hloka tlhokomelo ya bošego le mosegare gomme o nyaka go dula bodulong bja batšofadi, o ka dira kgopelo ofising ya badirelaleago ya kgauswi le wena goba bodulong bja batšofadi.

Gore o be le maswanedi a go amogelwa, o swanetše go be o:

• hloka tlhokomelo ya nako ka moka
• be le mengwaga ye 60 goba mengwaga ya go feta ye 60 gomme o tšofetše e bile o palelwa
• le moAfrika Borwa
• amogela tšhelete ya mmušo ya tlhokomelo ya batšofadi goba o amogela tšhelete go tšwa sekhwameng sa phenšene

O kgopelwa go lemoga: Ga go na motho yo a ka go amogelago bodulong bja batšofadi ntle le tumelelo ya gago ntle le ge fela pego ya kalafo e kgonthišiša gore ga se wa itekanela ka monaganong go fa tumelelo gomme go ntšhitšwe taelo ya kgorotsheko. Mabakeng a tšhoganetšo pego ya kalafo yeo e ntšhitšwego ke ngaka yeo e ngwadišitšwego e a amogelwa go sa emetšwe ye e ntšhwago ke kgorotsheko.

Seo o swanetšego go se dira

1. Ge go se na madulo a batšofadi ao o a tsebago, eya diofising tša Kgoro ya Tlhabollo ya Leago ya kgauswi le wena go hwetša bodulo bja batšofadi.
2. Tlatša gomme o bušetše difomo tša kgopelo bodulo bja batšofadi.
3. Iša tše di latelago:
   
   • Pukwana ya boitsebišo ya Afrika Borwa.
   • pego ya kalafo.
4. O tla dirwa teko ya tekolo go bona ge e le gore o loketše go amogelwa le go thekgwa ka tšhelete.
5. Ge o tšofetše kudu goba o lwala gore o ka ya ofising go dira kgopelo, kgopela leloko la lapa goba mogwera go dira kgopelo legatong la gago.
6. Modirelaleago o tla beakanya ketelo ya ka gae go lekola maemo a gago a bjale a bophelo.
7. Ge kgopelo ya gago e se ya dumelelwa o swanetše go fiwa lebaka le le ngwadilwego fase gomme o ka dira boipiletšo go Tona ya Kgoro ya Tlhabollo ya Leago.

O kgopelwa go lemoga: Gore o amogelwe bodulong bja batšofadi go tla laolwa ke malao ao a le gona.

Lebaka

Kgopelo ya gago e tla lebelelwa nakong ya matšatši a 14. O tla hwetša karabo mo matšatšing a 30 o dirile kgopelo.

E dira tshenyagelo ya bokae

Ditefo di ka fapana.

Diforomo tšeo di swanetšwego go tlatšwa

Difomo ka moka di gona bodulong bja batšofadibja kgauswi le wena.

Dintlha tša boikopanyo

Lenaneo la diofisi tša Kgoro ya Tšwetšopele ya Setšhaba