U ṱanganedzwa ha mualuwa kha tshiimiswa tsha vhudzulo

Zwidodombedzwa zwa nga ha u ita khumbelo ya u ṱanganedzwa kha tshiimiswa  tsha vhudzulo ha vhaaluwa.

Arali vha mualuwa ane a khou ṱoda u dzula kha tshiimiswa tsha vhudzulo ha vhaaluwa nahone a ṱoḓaho ndondolo ya awara dza 24, vha nga ita khumbelo kha ofisi dza tsini dza vhashumela vhapo kana  tshiimiswani  tsha vhudzulo ha vhaaluwa.

Uri vha kone u ṱanganedzwa vha tea u vha vha:

• tshi ṱoḓa ṱhogomelolo yo fhelelaho
• vha na vhukale ha miṅwaha ya 60 na u fhira nahone hu na ṱhoḓea
• mudzulapo wa  Afrika Tshipembe
• tshi hola mundende wa vhaaluwa.

Vha humbelwa uri vha dzhiele nṱha hezwi: a hu na ane a nga vha ṱanganedza kha tshiimiswa tsha vhudzulo ha vhaaluwa nga nnḓa ha thendelo yavho nga nnḓa ha musi muvhigo wa dzilafho u tshi ṱanziela uri tshiimo tshavho tsha muhumbulo a tshi tendi uri vha fhe thendelo nahone ḽiṅwalo ḽa ndaela ya khothe ḽi tea u vha ḽo ṋekedzwa. Kha tshiimo tsha shishi muvhigo wa dzilafho wo ṋekedzwaho nga mushumeli wa dzilafho o ḓiṅwaliselaho u vha wo katela ḽiṅwalo ḽa ndaela ya khothe ḽi sa athu ṋekedzwaho.

Zwine vha tea u zwi ita

Arali vha sa ḓivhi nga ha tshiimiswa tsha vhudzulo ha vhaaluwa, kha vha dalelel ofisi dza Muhasho wa Mveledziso ya Matshilisano dzi re henefho tsini u itela uri vha wane tshiimiswa tsha vhudzulo ha vhaaluwa.

1. Kha vha ḓadze fomo dza khumbelo vha dzi humisele kha tshiimiswa tsha vhudzulo ha vhaaluwa.
2. kha vha ise zwi tevhelaho:
   
   • Basa ya Afrika Tshipembe.
   • Muvhigo wa dzilafho.
3. Vha ḓo dzhenelela ndingo dza u ṱolwa u itela uri hu vhonale arali vha tshi tea u swikelela u ṱanganedziwa na u wana gavhelo.
4. Arali vha mualuwa nga maanḓa kana vha tshi khou vhaisala kha mafhungo a u ya u ita khumbelo ofisini, kha vha humbele muraḓo wa muṱa kana khonani uri a vha itele khumbelo.
5. Mushumela vhapo u ḓo ita nzudzanyo dza u dalela muṱa wavho u itela tsedzuluso dza tshiimo tshine vha vha khatsho tsha kutshilele kwavho.
6. Arali khumbelo yavho i songo ṱanganedzwa, vha tea u vhudzwa uri ndi ngani i songo ṱanganedzwa nga kha ḽiṅwalo nahone vha nga ita khumbelo hafhu kha Minisiṱa wa Mveledziso ya Matshilisano.

Vha humbelwa uri vha dzhiele nzhele hezwi: u ṱanganedzwa kha tshiimiswa tsha vhudzulo ha vhaaluwa zwi langwa nga u vha hone ha mimbete i si na vhathu.

Zwi dzhia tshifhinga tshi ngafhani?

Khumbelo yavho i ḓo khunyeledzwa hu sa athu fhela maḓuvha a 14. Hu sa athu fhela maḓuvha a 30 musi vho ita khumbelo ya u ṱanganedzwa, vha ḓo wana phindulo.

Zwi ḓura vhugai?

Mbadelo dzi nga ya nga u fhambana.

Fomo dzine dza tea u ḓazwa

Fomo dzoṱhe dzi a wanala kha tshiimiswa tsha vhudzulo ha vhaaluwa tshi re tsini navho.

Vha kwama inyi