Kubhalisa njengengcweti yetebunjinela kuMkhandlu Wetebunjinela WaseNingizimu Afrika (ECSA)) kusidzingo setemtsetfo nangabe ufuna:
- Kwenta umsebenti webunjingalwati bebunjinela
- Kuba nesibopho semsebenti webunjinela
- Kwenta imisebenti njengoba kubekiwe kumitsetfo letsite (sib. Imitsetfosimiso Yekwakha Kwavelonkhe)
- Kuba lilunga ngalokuphelele lesikhungo lesatiwako.
Ungafaka sicelo sekuba ngunjinela losafundzako nangabe sewucedzile kufundzela kutfola ticu letatiwako noma ticu tetemfundvo leticinisekisiwe njenge-BSc (Eng), B.Eng, nome iDiploma yeteBunjinela Yavelonkhe. Nangabe uneticu tetemfundvo temave angaphandle, ufanele ungenise ikhophi yesitifiketi saleso sicu kanye nelirekhodi letefundvo lelikhombisa tonkhe tifundvo lowatenta nalewaphumelela kuto ngemnyaka lebewufundza ngawo.
Ngemuva kwekutfola sicu setemfundvo kanye nekusebenta ube nelwati lwemsebenti iminyaka lemitsatfu, ungabhaliswa njengalosebenta ngebunjinela kulemikhakha yekubhalisa bungcweti:
- Njinela Loyingcweti (Pr Eng)
- Sochwepheshe Wanjinela Loyingcweti (Pr Tech Eng)
- Njinela Loyingcweti Lonesitifiketi (Pr Cert Eng)
- Sochwepheshe Wanjinela Loyingcweti (Pr Eng Techni)
Emafomu ekufaka sicelo kanye nelwatiso lolubanti kuyatfolakala emahhovisi e-ECSA, kuwebhusayithi yayo letsi:www.ecsa.co.za nawucelile ngencwadzigezi ku: engineer@ecsa.co.za
