Boingwadišo bjalo ka setsebi sa dientšenere le Lekgotla la Afrika Borwa la Dientšenere (ECSA) ke senyakwa sa semolao ge e le gore o:
- Dira mošomo wa borerišane bja dientšenere
- Tšea maikarabelo a go dira mošomo wa dientšenere
- Dira mošomo bjale ka ge o adilwe ka go melawana ye mengwe (mohlala. Melawana ya Bosetšhaba ya Meago)
- Kganyoga go ba leloko leo le tletšego la ditheo tšeo di tsebegago.
O ka dira kgopelo ya go ingwadiša bjalo ka motlhahlobiwa wa dientšenere ge o feditše lengwalo la gago la dithuto leo le amogelegago bjalo ka la B.Sc (Eng), B.Eng, goba Tiploma ya Bosetšhaba go tša Dientšenere. Ge e le gore o na le mangwalo a dithuto a dinaga dišele, o swanetše go iša kgatišo ya setifikeiti sa mangwalo a dithuto gotee le rekhoto ya bohlatse bja dithuto yeo e laetšago dithutwana ka moka tšeo o di dirilego le tšeo o tšweletšego go tšona mo mengwageng ya gago ya dithuto.
Morago ga go hwetša mangwalo a dithuto gammogo le maitemogelo a mengwaga ye meraro o ka no ingwadiša bjalo ka mošomi wa dientšenere ka makaleng a a latelago a boingwadišo bja seprofešene:
- Mošomo wa Dietšenere (Pr Eng)
- Mošomo wa Theknolotši ya Dientšinere (Pr Tech Eng)
- Mošomo wa Setifikeiti sa Dientšenere (Pr Cert Eng)
- Mošomo wa Theknišene ya Dientšenere (Pr Eng Techni)
Diforomo tša kgopelo gotee le tshedimošo ka botlalo di hwetšagala go tšwa dikantorong tša ECSA, mo go websaete ya www.ecsa.co.za goba ka kgopelo ka tsela ya emeile go engineer@ecsa.co.za.
