Ungatikhetsela wena ngekwakho kutsi ubhalise umntfwana wakho esikolweni sahulumende nome esikolweni lesitimele. Tikolwa tahulumende tikolwa letilawulwa ngumbuso kantsi tikolwa letitimele tona tikolwa tangasese.
Tikolwa letitimele tifanele kutsi tibhalise kulitiko letemfundvo lesifundza bese kutsi tikolwa tahulumende tona tifanele kutsi tisungulwe yi-MEC yeTemfundvo esifundzeni.
Ufanele kutsi ubhalise umntfwana wakho esikolweni emkhatsini wamhla ti-1 Ingci nemhla tinge-31 Inyoni emnyakeni lowendvulelako. Umfakisicelo weLibanga R ufanele kutsi lokungenani abe neminyaka lemine budzala kantsi futsi utawuba neminyaka lesihlanu budzala nome ngetulu mhla tinge-30 Inhlaba emnyakeni lolandzelako. Umfakisicelo weLibanga Lekucala ufanele kutsi lokungenani abe neminyaka lesihlanu budzala kantsi futsi utawuba neminyaka lesitfupha budzala nome ngetulu kwaloko mhla tinge-30 Inhlaba yemnyaka lolandzelako.
Tfola kabanti mayelana nekubhalisa umntfwana wakho esikolweni sahulumende nome esikolweni lesitimele nome-ke tsintsa Litiko Letemfundvo Lesisekelo.
