O na le kgetho ya go ngwadiša ngwana wa gago sekolong sa setšhaba goba sekolong se sengwe le se sengwe seo se ikemetšego. Dikolo tša setšhaba ke tšeo di laolwago ke mmušo gomme dikolo tšeo di ikemetšego di laolwa ka praebete.
Dikolo tšeo di ikemetšego di swanetše go ngwadiša le kgoro ya thuto ya profense gomme dikolo tša setšhaba di swanetše go hlongwa ke Molekgotlaphethiši wa Thuto mo profenseng.
O swanetše wa be o ngwadišitše ngwana wa gago sekolong gareng ga la 1 Phato le la 31 Lewedi mo ngwageng wo o fetilego. Mokgopedi wa Kreiti ya R bonnyane o swanetše go ba le mengwaga ye mene gomme a tla ba le ye mehlano ka 30 Phupu ngwaga wo o latelago. Mokgopedi wa Kreiti ya 1 o swanetše go ba le bonnyane mengwaga ye mehlano gomme a tla ba le ye selela goba go feta ka la 30 Phupu ngwaga wo o latelago.
Hwetša tshedimošo ka botlalo malebana le gore o ka ngwadiša bjang ngwana wa gago sekolong sa setšhaba goba seo se ikemetšego goba o ikopantšhe le Kgoro ya Thuto ya Motheo.
