Nangabe utfola tincwadzi tebugebengu benkhohlakalo yekukhokhela imali phambilini ufanele wendlulisele ku-Interpol onkhe emadokhumenti netincwadzi tekuchumana lokube semkhatsini wakho nalabo bantfu. I-Interpol itawuchumanisa tonkhe tindzaba letiphatselene nalobugebengu neLuphiko Lwemacala Etekutsengisa lweLuphiko Lwemaphoyisa aseNingizimu Afrika.
Imininingwane yekutsintsana ne-Interpol ime ngalendlela:
Inombolo yelucingo:012 309 3866
Inombolo yefeksi: 012 309 3003/4
Incwadzigezi: vdventera@saps.org.za
Lenkhohlakalo ibuye futsi yatiwe ngekutsi yi-'419 scam' futsi yentiwa ngumkhohlisi, imvamisa uba lilunga lelicembu letigebengu. Lobugebengu badzabuka e-Nigeria kepha sekube khona lamanye emacembu etigebengu lahlanganyela kulobugebengu bekukhokhisa imali phambilini. Kuvamisa kuba yincwadzi, incwadzigezi nome i-SMS letsembisana umsebenti/tebhizinisi lapho khona umhlukunyetwa ucelwa kutsi afake imali ku-akhawunti yasebhange.
Bugebengu be-Lotto bufaka ekhatsi incwadzigezi nome i-SMS lapho khona umhlukunyetwa utjelwa kutsi uwine i-Lotto.
Tfola kabanti mayelana nekutsi ububika njani bugebengu benkhohlakalo yekukhokha imali phambilini nebugebengu be-Lotto.
