Ge o ka hwetša mangwalo a boradia bja bomenetša a kgopelo ya go romela tšhelete le bofora bja llotho o swanetše go tliša ditokumente tšeo le mangwalo ao ka moka go Interpol.
Interpol e tla tsebiša Lekala la Bosenyi bja tša Kgwebo la Tirelo ya Maphodisa ya Afrika Borwa ditaba tšeo ka moka tša mabapi le bofora.
Dintlha tša kgokagano tša Interpol ke tše di latelago:
Nomoro ya mogala: (+27) 12 309 3866
Nomoro ya fekese: (+27) 12 309 3003/4
Emeile: vdventera@saps.org.za
Bomenetša bjo gape bo tsebja bjalo ka ‘bofora bja 419’ gomme bo sepetšwa ke moradia, yo ka tlwaelo e lego lekoko la bosenyi. Bofora bja mohuta wo bo thomile ka Nigeria eupša makoko a bofora ka dinageng tše dingwe ba dira bofora bja bomenetša bja kgopelo ya go romela tšhelete. Ka tlwaelo bo tla ka mokgwa wa lengwalo, emeile goba SMS ka go dira tšhišinyo ya kgwebo fao motšwasehlabelo a kgopelwago go teposita tšhelete ka akhaonteng ya panka.
Bofora bja mabapi le llotho bo akaretša emeile goba SMS fao motšwasehlabelo a botšwago gore o thopile llotho.
Hwetša dintlha ka botlalo mabapi le ka fao o ka begago boradia bja bomenetša bja kgopelo ya go romela tšhelete le bofora bja llotho.
