Kgopelo ya go tswaka bjala bjoo bo rekilwego ka ntle

Ka ga le go tswaka bjala bja go rekwa nageng ya ka ntle ka bontši

Go tswaka bjala bjo o bo rekilego nageng ya ka ntle ka bontši ka maikemišetšo a go bo rekiša o swanetše go hwetša tumelelo go tšwa go Kgoro ya Temo, Kagodikgwa, Boreahlapi (DAFF). Bjala bja go rekwa nageng ya ka ntle o ka bo tswaka le setšweletšwa sa go tšwa ka mo Afrika Borwa, meetse goba le setšweletšwa se sengwe sa go tšwa moše wa mawatle.

Seo o swanetšego go se dira

1. Ikopanye le mohlahlobi ka kantorong ya Karolo ya Ditšweletšwa tša Bjala go la Stellenbosch go 021 809 1660 goba e-meili jeswaynen@nda.agric.za gomme o hlaloše gore o nyaka go tswaka bjala bja gago bjo o bo rekilego nageng ya ka ntle ka maikemišetšo a go bo rekiša.
2. Tšea sešupo sa750 ml sa bjala bjo bo rekilwego nageng ya ka ntle le sešupo sa bjala bjo o nyakago go bo tswaka nabjo. Ga go nyakege gore o romele 750 ml ya meetse ge o ikemišetša go a šomiša go tswaka.
3. Romela dišupo kantorong ya Karolo ya Ditšweletšwa tša Bjala, Private Bag X5015, Stellenbosch, 7599 goba di iše Plant Quarantine Station, FSQA, Polkadraai Road, Stellenbosch.
4. Mohlahlobi wa ka kantorong ya karolo ya bjala o tla iša dišupo tša gago ka laporatoring gore di hlahlobje.  Ge motswako o se no dumelelwa mohlahlobi o tla go tsebiša. O swanetše go ema go fihlela o fiwa tumelelo ya go tswaka, ya go phuthela le ya go leibola bjala go tšwa kantorong ya bohlahlobi.
5. Ge o se no hwetša tumelelo, o swanetše go tswaka ditšweletšwa, go di leibola le go di phuthela gomme wa romela sešupo sa 750 ml ya setšweletšwa se se tswakilwego go aterese ye ya ka godimo.
6. Romela setšweletšwa sa go tswakwa sa mafelelo le foromo ya kgopelo ye e tladitšwego.
7. Mohlahlobi ka karolong ya bjalwa o tla iša sešupo le foromo ya kgopelo tša gago go Kantoro ya Ditirelo tša Bohlahlobi gore se hlahlobje go bona ge e ba se kgotsofatša dinyakwa tša Molao wa Bjala, 60 wa 1989. Ge Kantoro ya Ditirelo tša Bohlahlobi e se no kgotsofala ka setšweletšwa sa gago sa go tswakwa, e tla go fa Tumelelo ya go rekiša bjala bja go rekwa nageng ya ka ntle ka bontši morago ga go hwetša setifikeiti sa go bo tšhela ka mabotelong.

Lebaka

Ga go na nako ye itšeng ye e beetšwego tirelo ye.

E dira tshenyagelo ya bokae

Ditefišo tša 2024/25

Diforomo tšeo di swanetšwego go tlatšwa

Application for blending of liquor imported in bulk

Dintlha tša boikopanyo

Mogala 021 809 1660
Fekse 021 887 9457
E-meile: jeswaynen@nda.agric.za
Atresepopego: Lefelo la Peelathoko ya Dimela, FSQA, tsela ya Polkadraai Stellenbosch 7600
Atrese ya posong SAAFQIS – Stellenbosch, Private Bag X5015, Stellenbosch 7599
Atrese ya wepe: www.dalrrd.gov.za