U-Gold Mametja
[UNongorwana we-Mapungubwe, we-Baobab, wabaLingani bemazweni baka-OR Tambo, wakaLuthuli, newobuKutani we-Mendi]
U-Gold Mametja wathiywa ibizo elihle neletjhudu ekusekelwe kilo amathalentha wakhe. Amadizayini wakhe akhethwa hlangana namatjhumitjhumi wamadizayini abekathunyelwe ngemva kokobana i-GCIS iwuhlabe yawulawula bona abatlami abathumele umsebenzabo ozakuhlungelwa ukutlama aboNongorwana beliZweloke.
Umlando wepilwakhe wakhiwa lirherho elide lezenzo zepumelelo soloko aqeda iimfundo zakhe e-Technikon Witwatersrand. Umsebenzakhe ufaka hlangana umlandelande wamadizayini weembheji neentembu zamabhizinisi weSewula Afrika ngitjho namamedali wegolide ahlonitjhwako asikhumbuzo ekutlonyeliswa ngawo abagijimi be-Comrades Marathon.
Uthe nakakhuluma ngelizwi lakhe elibuthaka nangokuzithoba okukhulu nangendlela azizwa ngayo ngethuba anikelwe lona lokusebenza kilephrojekthi yokutlanywa kwaboNongorwana beliZweloke wabeka wathi: 'Okukhulu okungaphezulu kwezinto zoke epilwenami, kunikelwa ithuba lokutlama amadizayini la. Le, yihlonipho engalinganiswako ekhe ngayinikelwa mbuso welizwe lekhethu'. U-Mametja uyi-Industrial Designer emKhandlwini wezokuRhubhulula ngeSayensi namaBubulo (i-CSIR) esePitori. Ikhaya lakhe lise-Kempton Park lapha ahlala khona nomkakhe nabentwababo ababili.
Gareth Smart
[UNongorwana we-Ikhamanga]
U-Gareth Smart uzenzele ibizo kilomkhakha wokudizayina solo aqeda iziqu zakhe ze-BA in Graphic Design e-Midrand Graduate Institute. Iziqu zakhe zinzinze khulu emkhakheni we-3D Multimedia. Umsebenzi esele awenze ngepumelelo ufaka hlangana amadizayini awenzele amabhizinisi wangeqadi esikhathini esifitjhani solo angena kilomsebenzi.
Ukukhethwa kwakhe bona azokutlama amadizayini waboNongorwana beliZweloke kube ‘lithuba eliyivela kancani elingakafaneli ukumphunda'. U-Gareth usisakhamuzi sePitori esenza umsebenzi wokudizayinela amatlayenthi wakhe nokwenza umsebenzi wokuba yi-Animator newobukghwarimkhumbulo (ubu-Conceptualist).
