UNongorwana lo unikelwa izakhamuzi zeSewula Afrika ezenze umsebenzi okhetheke khulu. Umsebenzi onikelelwa uNongorwana kufanele ube muhle khulu begodu udlule umsebenzi ojayelekileko. NguNongorwana wokwenza kuhle khulu kanye nokufaka isandla okukhethekileko emikhakheni elandelako:
- Zamabhizinisi nomnotho.
- Isayensi, zokwelapha nokutlama iindlela ezitja kezethekhnoloji.
- Ukusebenzela umphakathi.
Ikambiso Akhutjhwa Ngayo
UNongorwana lo anganikelwa emikhakheni emithathu:
- Umkhakha woku-1 = uNongorwana oPhakemeko we-Baobab (weGolide)
- Umkhakha wesi-2 = uNongorwana omKhulu we-Baobab (weSiliva)
- Umkhakha wesi-3 = uNongorwana we-Baobab (weBhronzi namkha weThusi).
AmaTshwayo/ izakhi zokutlama
Itshwayo elikhulu /ukusetjenziswa kwamatshwayo
UNongorwana lo ususelwa emthini we-Baobab okumumuthi we-Afrika otholakala eendaweni ezitjhisa khulu. Ukusungulwa kwebizo elithi-Baobab kuyingcenye enye yobukutani obunothileko nemikarisomraro ye-Afrika. Uhlathululwe ukudlula yoke imithi ese-Afrika, hlangana nokhunye, ngobuhle bawo ekunikeleni amandla, ikarisomraro nokuba litshwayo lobuhle ebantwini bendabuko. Ukubambelela nokujamelana nobujamo bezulu obunye nobunye komuthi lo bewukhule ube mdala kusitjengiso esihle somuntu osebenzele kuhle nosekele iSewula Afrika; ngalokho ukunikelwa uNgongorwana lo akumthuni, kuyamfanela. Ngokufanako, umsebenzi owenziwako nawo usese litshwayo lokudzimelela nokubambelela kobujamo obukhulako beSewula Afrika.
I-Baobab sisakhi esiqakathekileko samarherho wezokulima nezamahlathi amanengi we-Afrika. Inikela ngamaqolo wokwenza izembatho nerobho, iinthelo neembaseli kanye neminye imikhiqizo eminengi enomsebenzi omuhle. Irherho lemirabhu elijayelekileko elivela ngehla kwehlabathi lisekela umuthi omkhulukazi owaziwa njengendawo yokubambela imihlangano eminengi eqakathekileko kanye nevikeleko lamasiko wemiphakathi ye-Afrika.
Izakhi
 Ibheji yentanyeni |
|
|
I-Miniature |
I-Lapel rosette |
- I-Baobab (i-Baobab namkha i-Adonsonia Digitata) – eyaziwa ngemirabhu yayo nepilo ede. Ayinikeli kwaphela ngomthunzi kanye nendawo yokubambela imihlangano kodwana iqakathekile ekusekeleni imiphakathi etholakala kiyo.
- Isibumbeko esinamahlangothi alithoba – Isibumbekwesi esinamahlangothi alithoba sitjengisa iindawo ezinengi ezihlukeneko zekghonakalo lokufaka isandla kanye nokusebenzela ukwakha isitjhaba esinepumelelo nesiragela phambili. Isibumbekwesi sibuye sibe litshwayo leemfunda zolithoba zelizwe lekhethu.
- Isibumbeko sangaphandle esinejamo lemvelo – ubunjalo beqolo le-Baobab; iqolo livamise ukusetjenziselwa ukwenza imada neengwani.
