UNongorwana lo unikelwa izakhamuzi zeSewula Afrika ezisebenze kuhle khulu emikhakheni elandelako; wezokutlama, wobukghwari, amasiko, imitlolo, umvumo, ububikiindaba kunye nezemidlalo.
Ikambiso Akhutjhwa Ngayo
UNongorwana lo anganikelwa emikhakheni emithathu:
- Umkhakha wokuThoma = weGolide
- Umkhakha wesiBili = weSiliva
- Umkhakha wesiThathu = weBhronzi namkha weThusi.
AmaTshwayo/ izakhi zokutlama
Itshwayo elikhulu /ukusetjenziswa kwamatshwayo
Isitjalo se-Ikhamanga (i-Strelitzia) sijamele ubuhle obuhlukileko bepumelelo yabobaba nabomma abaphakamisela phezulu iSewula Afrika emikhakheni elandelako; wezokutlama, wobukghwari, amasiko, umvumo, ububikiindaba nezemidlalo.
Izakhi
|
Ibheji yentanyeni |
|
|
I-Miniature |
I-Lapel rosette |
- Iinhloko ze-Lydenburg – (ukutlama nobukghwari) – ihloko ye-terracotta ijamele zobukghwari obubonwako, bokutlama, bokwenza nedrama.
- Isigubhu se-Afrika – sikhambelana nawo woke amasiko begodu sijamele zobukghwari, sijamele ithalente elihle khulu kezokuthintana kanye nokuthatjelwa namkha ukugidingwa kwamasiko.
- Iinsiba zengwani / ilanga – umqhele ujamele ingwani yeensiba ethwalwa badlali, babantu bebukhosini kanye nabantu abahlonitjhwako. Imisebe yelanga, ijamele amandla, ipumelelo, umkhanyo namajadu, ijamele ipumelelo yabadlali kiwo woke amaziko.
- Ama-ovali namkha imikghabiso yangaphakathi – (indumiso kezemidlalo) zijamele ukuvunywa kwepumelelo emisebenzini ehlukeneko yezemidlalo namasiko.
- Iindlela – (ipumelelo) – zijamele zoke iindlela eziza e-Afrika kanye ne-Cradle of Humankind, egandelela indlela ede nebudisi etjhinga epumelelweni nekusebenzeni kuhle.
