Gold Mametja
[Zwiala zwa Mapungubwe, Baobab (Muvhuyu), Khonani dza OR Tambo, Luthuli, Khuliso ya Mendi ya Vhuhali]
Vho-Gold Mametja vha na dzina ḽa mashudu ḽi tshimbilelanaho na vhukoni havho. Zwivhaḓwa zwavho zwo khethwa vhukati ha zwinzhi zwe zwa ḓiswa kha GCIS nga murahu ha musi GCIS yo ramba vhavhaḓi vha miṅene uri vha ḓise zwivhaḓwa zwavho zwa Zwiala zwa Lushaka.
Nganeavhutshilo ya vho Mametja i na mutevhe wa zwinzhi zwe vha zwi swikela u tou bva tshe vha ṱuwa Technikon Witwatersrand. Izwi zwi katela zwivhaḓwa zwa dzikhamphani dza Afrika Tshipembe, hu tshi katelwa na mikonde ya musuku ya u pembelela Comrades Marathon.
Muthu wa vhulenda nahone a sa ḓihudzi, Vho-Mametja vha tenda uri u ola Zwiala zwa Lushaka: ‘Zwo vha tshithu tsha nṱhesa tshe tsha itea vhutshiloni hanga. Ndi pfa ndo hulisea nga maanḓa uri ndo khethwa u vha muthu we a ola zwiala izwi’. Vho-Mametja vha shuma sa industrial designer kha CSIR ngei Pretoria. Vha dzula Kempton Park na mufumakadzi wavho na vhana vhavhili.
Gareth Smart
[Tshiala tsha Ikhamanga]
Vho-Gareth Smart vha ḓivhiwa sa muoli wa nṱha kha dzimbanḓe dza zwa u ola nnzhi u bva tshe vha khunyeledza BA Degree in Graphic Design ngei Midrand Graduate Institute. Vho gudela u vha makone wa 3D Multimedia. Zwe vha swikela zwone zwi katela mutevhe mulapfu wa zwe vha ola na u vhaḓela dzikhamphani, nahone izwi vho zwi swikela nga tshifhinga tshiṱuku.
Khavho zwo vha ‘tshikhala tsha vhutshilo hoṱhe’ u khethwa uri vha ole Tshiala tshiswa tsha Lushaka. Vha dzula Pretoria nahone vha shuma u ya nga ṱhoḓea dza khasitama sa muoli o ḓiimisaho nga eṱhe sa graphic designer, animator na muḓivhamuhumbulo.
