Thanganyo ya zwikambi zwo tundwaho nga vhunzhi

Nga ha u ṱanganyisa mahalwa o tou rengwaho e manzhi u bva nnḓa

U ṱanganyisa mahalwa o tou rengwaho e manzhi u bva nnḓa  hu u itela u rengisa, vha tea u wana thendelo u bva kha Muhasho wa Vhulimi, Vhusimamiri na Vhureakhovhe (DAFF). Vha nga ṱanganyisa mahalwa o tou rengwaho u bva nnḓa na tshibveledzwa tsha Afrika Tshipembe, maḓi kana tshiṅwe tshibveledzwa tshi bvaho seli ha mashango.

Zwine vha tea u ita

1. Kha vha kwame muingameli kha ofisi ya Khethekanyo ya Zwibveledzwa zwa Mahalwa Stellenbosch kha 021 809 1660 kana u imeiḽa kha jeswaynen@nda.agric.za na uri vha ṱalutshedze uri vha khou ṱoḓa u ṱanganyisa mahalwa o tou rengwaho u bva nnḓa hu u itela u a rengisa. 
2. Kha vha dzhie 750 ml ya tsumbo kha halwa ho tou rengwaho u bva nnḓa na 750 ml ya tsumbo ya halwa vhune  vha ṱoḓa u ṱanganyisa naho. A vha tei u rumela 750 ml  ya maḓi arali vha tshi khou humbula u ṱanganyisa nao.  
3. Kha vha rumele tsumbo kha ofisi ya Khethekanyo ya Zwibveledzwa zwa Mahalwa, Private Bag X5015, Stellenbosch, 7599 kana vha ise nga tshanḓa ngei Plant Quarantine Station, FSQA, Polkadraai Road, Stellenbosch.
4. Muingameli kha ofisi ya khethekanyo ya mahalwa u ḓo isa tsumbo dzavho ḽaborothari u itela ndingo. Musi zwo ṱanganyiswaho zwo no tendiwa, muingameli u ḓo vha ḓivhadza. Vha tea u lindela u swikela vha tshi ṱanganedza thendelo u bva kha ofisi ya vhuingameli u ri vha nga isa phanḓa na u ṱanganyisa zwibveledzwa, u paka na u ḽebeḽa mahalwa. 
5. Musi vho no wana thendelo ya u ri vha nga isa phanḓa, vha tea u ṱanganyisa zwibveledzwa, u ḽebeḽa na u zwi paka vha rumela tsumbo ya 750 ml  ya zwibveledzwa zwo ṱanganyiswaho kha ḓiresi yeneyo nthihi yo bulwaho afho nṱha. 
6. Kha vha rumele zwibveledzwa zwo fhelelaho u ṱanganyiswa kathihi na fomo dza khumbelo dzo ḓadzwaho.     
7. Muingameli kha ofisi ya khethekanyo ya mahalwa  u ḓo fhirisela tsumbo yavho na fomo ya khumbelo kha Ofisi ya Tshumelo ya Vhuingameli u itela uri zwi ṱolwe u vhona arali zwi tshi tendelana na ṱhoḓea dza Mulayo wa Zwikambi , 60 wa 1989 . Arali Ofisi ya Tshumelo ya Vhuingameli ya vhuya ya fushea nga tshibveledzwa tshavho tsho ṱanganyiswaho, i ḓo vha fha Thendelo ya u rengisa mahalwa o rengwaho e manzhi u bva nnḓa nga murahu ha musi vho no wana ṱhanziela ya zwa maboḓelo.

Tshifhingambekanywa

A huna tshifhinga tsho tou tiwaho tsha hei tshumelo.

Zwi ita vhugai

Mbadelo dza 2024/25

Fomo dzi no tea u ḓadzwa

Khumbelo dza u ṱanganyisa mahalwa o rengwaho e manzhi u bva nnḓa

Vha kwama inyi

Luṱingo: 021 809 1660 Fax021 887 9457
Imeiḽi: jeswaynen@nda.agric.za
Ḓiresi ya fhethu: Plant Quarantine Station, Polkadraai Road, Stellenbosch 7600
Ḓiresi ya poswo: SAAFQIS – Stellenbosch, Private Bag X5015, Stellenbosch 7599
Ḓiresi ya Web: www.dalrrd.gov.za