Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha u renga zwifuwo u bva nnḓa kana zwibveledzwa zwa zwifuwo
Arali vha tshi khou ṱoḓa u renga zwifuwo dzi tshilaho u bva nnḓa, zwibveledzwa zwa zwifuwo zwine zwi nga vha zwi na malwadze a pfukelaho kana zwiṅwe zwa phirela uri vha zwi vhuise fhano Afrika Tshipembe, mulayo u ṱoḓa vha tshi ita khumbelo ya u wana phemithi ya u renga zwifuwo nnḓa kha Mulangi wa zwa Mutakalo wa Zwifuwo. Vha tea u wana phemithi phanḓa ha musi vha tshi endedza tshifuwo kana tshibveledzwa u bva kha shango ḽe vha renga khalo.
Arali vha tshi khou renga zwifuwo zwi khou tshilaho u bva kha ḽiṅwe shango zwi ngaho kholomo, nngu, mbudzi, bere, nguluvhe, mmphwe, khuhu (hu si mmbwa na zwimange)kana zwi tshimbilelanaho na zwa dzidzhini, vha tea u wana thendelo u bva kha Muṅwalisi wa Khwiniso ya Zwifuwo phanḓa ha musi phemithi i sa athu ṋetshedzwa. Zwi vhudziswaho zwi tshimbilelanaho na thendelo dza khwiniso ya zwifuwo vha humbelwa u founela 012 319 7434 kana 012 319 7424.
Hu na maitele a tevhelwaho a u renga zwifuwo kana zwibveledzwa zwa zwifuwo u bva nnḓa. Ṱhoḓea dza zwa mutakalo dzi dzulela u shanduka, vha humbelwa u kwama Yunithi ya Mbekanyamaitele a u Vhambadzela/Renga Nnḓa ya Tshiimiswa tsha zwa Mutakalo wa Zwifuwo kha fakisi ya 012 329 6892 u itela u wana ṱhoḓea dza zwino. Hu nga vha hu na muṅwe mulayo u khou shumaho wa zwiṅwe zwibveledzwa na uri vha tea u vha na vhuṱanzi ha uri vha swikela ṱhoḓea dzoṱhe dzi re mulayoni.
Zwine vha tea u ita
- Kha vha ḓadze fomo hei ya u ita khumbelo:
- Khumbelo ya u renga zwifuwo kana zwibveledzwa zwa zwifuwo u bva nnḓa dzi tshi vhuiswa fhano kha RSA(dzi tshi ḓo ṱolwa malwadze).
- Khumbelo ya u renga zwifuwo kana zwibveledzwa zwa zwifuwo u bva nnḓa dzi tshi vhuiswa fhano RSA (dzi tshi ḓo dovha dza ṱolwa).
- Khumbelo ya u renga zwifuwo kana zwibveledzwa zwa zwifuwo u bva nnda dzi tshi vhuiswa fhano kha RSA (dzine dza sa tee u ṱolwa malwadze).
- Kha vha kwame tshiimiswa tsha zwa Mutakalo wa zwifuwo arali vha si na vhuṱanzi ha uri vha ḓadza fomo ifhio.
- Vha tea u badelela phemithi ya u renga u bva nnḓa ya zwi tshimbilelanaho na zwa u renga zwifuwo u bva nnḓa ( Zwi vusuludzwa ṅwaha muṅwe na muṅwe na uri i zwi anḓadzwa kha Gazethe ya Muvhuso)
Kha vha dzhenise mbadelo ya phemithi kha akhaunthu ya bannga ya Muhasho:
Dzina ḽa bannga: Standard ya Afrika Tshipembe - Muṋe wa akhaunthu: Muhasho wa zwa Vhulimi wa Vhukati
- Nomboro ya akhaunthu: 011219556 International Band
Davhi: 010845
IB brand 0001982 Centre Code
Swift Code: SBZA-ZAJJ
Dzina ḽa davhi: Arcadia - Hu nga kha ḓi badelwa nga tsheke yo livhiswa kha Mulangi Muhulwane: Muhasho wa zwa Vhulimi, zwa Maḓaka na Vhureakhovhe, ine i nga rumelwa na fomo dza khumbelo.
- Vha rumele fomo dzo ḓadzwaho na vhuṱanzi ha u khwaṱhisedza mbadelo kha:
Mulangi Muhulwane: Mutakalo wa zwa Zwifuwo
Yunithi ya u Renga na u Vhambadzela Nnḓa Private Bag X138
Pretoria
0001
Afrika Tshipembe - Vha humbelwa uri vha sumbedzise kha fomo ya khumbelo uri phemithi vha ḓo ya vha i dzhia naa kana i tou rumelwa khavho.
- Hune zwifuwo dzi fanela u ṱolwa malwadze , vha tea u kwama Dokotela wa zwifuwo wa Muvhuso kha vhuimangalavha vhune zwifuwo ya ḓo dzheniswa ngaho:
- Luṱ Johannesburg: 011 973 2827 or Fak: 011 973 2828.
- Luṱ Cape Town : 021 551 2050 or Fak: 021 551 1378.
- Tshiṱitshi tsha ṱoḽa malwadze tsha Durban zwa zwino a tshi khou shuma , fhedzi vhuṱanzi vhu nga wanala kha ofisi kha Luṱ:031 368 6011 kana Fak: 031 337 7469.
- Dokotela wa zwifuwo wa Muvhuso u ḓo dzudzanya zwa vhudzulo tshiṱitshini tsha u ṱolwa malwadze na uri u ḓo ḓadza fomo ya khumbelo ho teaho. Hezwi zwi ḓo kona u fekiselwa ofisini ya phemithi nga dokotela wa zwifuwo wa muvhuso.
- Kha vha ḓadze Fomo ya u Sumbedzisa Thendelo (ho sedzwa zwifuwo kana zwiṋoni zwi khou rengwaho u bva nnḓa zwine zwa tea u ṱolwa malwadze ) vha dzhenise fomo ya u sumbedzisa thendelo yo ḓadzwaho na fomo ya khumbelo. Vha nga wana Fomo ya u Sumbedzisa Thendelo u bva kha Ofisi ya Phemithi ya Tshiimiswa tsha zwa Mutakalo wa Zwifuwo.
- Ho no ṱanganedzwa fomo dzo ḓadzwaho na khwaṱhisedzo ya mbadelo, Phemithi ya zwa u Renga Zwifuwo u bva Nnḓa na Ṱhanziela ya zwa Mutakalo ya zwa Zwifuwo zwi ḓo ṋetshedzwa zwa rumelwa khavho thwii.
- Ṱhanziela ya zwa Mutakalo ya zwa Zwifuwo i tea u ḓadzwa nga Luisimane nga dokotela wa zwifuwo zwo tendelwa nga vha Thendelo ya zwa Zwifuwo kha shango ḽeneḽo ḽine ha khou rengiselwa khaḽo hu sa athu fhela maḓuvha a fumi a musi yo no takuwa.
- Arali vha tshi khou ṱoḓa vhuṅwe vhuṱanzi nga ha tshiṅwe tshifuwo kana zwibveledzwa zwa tshiṅwe tshifuwo, vha nga wana tsumbo ya khophi dza Phemithi ya zwa u Renga Zwifuwo na Ṱhanziela ya zwa Mutakalo ya zwa Zwifuwo u bva kha Ofisi ya phemithi.
- Vha tea u ṋetshedza hezwi zwi tevhelaho kha Muofisiri wa Afrika Tshipembe wa Zwa Ndango ya zwa u Renga Zwifuwo u Bva Nnḓa kha Vhuimangalavha ha u Dzhena:
- Phemithi ya vhukuma ya zwa u Renga Zwifuwo u bva Nnḓa
- Ṱhanziela ya vhukuma ya zwa Mutakalo wa Zwifuwo
- Ḽiṅwalo ḽiṅwe na ḽiṅwe ḽo bulwaho, sa Ḽiṅwalo ḽa u Sumbedzisa Thendelo, Ṱhanziela ya u Haelwa ha Tshipengo tsha Zwifuwo, Phemithi ya CITES na zwiṅwe vho.
- Arali vha tshi khou renga mikumba miṋu kana yo omaho u bva nnḓa na miraḓo ya phukha , dokotela wa Zwifuwo kha vhupo honoho hune tshiimiswa itsho tsho tendelwaho tshi wanala hone hune khumbelo i tea u tendelwa hone. Dokotela wa Zwifuwo o teaho na ene u tea u saina a vhea na tshiṱemmbe kha fomo ya khumbelo vha i fekisela murahu kha ofisi ya phemithi ya Tshiimiswa tsha zwa Mutakalo wa Zwifuwo. Arali hezwi zwo no ṱanganedziwa, ofisi ya phemithi i ḓo ṋetshedza phemithi ya zwa u renga Zwifuwo u bva nnḓa.
- Arali vha tshi khou renga zwifuwo zwi khou tshilaho u bva kha ḽiṅwe shango zwi ngaho kholomo, nngu, mbudzi, bere, nguluvhe, mmphwe, khuhu (hu si mmbwa na zwimange)kana zwi tshimbilelanaho na zwa dzidzhini, vha tea u wana thendelo u bva kha Muṅwalisi wa Khwiniso ya Zwifuwo phanḓa ha musi phemithi i sa athu ṋetshedzwa. Zwi vhudziswaho zwi tshimbilelanaho na thendelo dza khwiniso ya zwifuwo vha humbelwa u founela 012 319 7434 kana 012 319 7424.
- Dzoṱhe phemithi dza vhukuma dzi tea u ṋetshedzwa Muofisiri wa Zwa Zwifuwo kha vhuimangalavha ha u dzhena, kathihi na Ṱhanziela ya vhukuma ya zwa Mutakalo wa Zwifuwo nga shango ḽine ḽa khou rengiselwa.
Nḓivhadzo ya ndeme:
- Uri hu ḓivhee uri murengi ndi nnyi kha sumbedzise nga u ṅwala dzina na tshifani tshavho.
- Dzitshadzhisi dza bannga ndi vhuḓifhinduleli havho naho arali dzi dza Bannga dza Nnḓa. Muhasho a u nga ṋetshedzi phemithi arali masheleni a 120 ZAR a songo badelwa a fhelela. (Zwi vusuludzwa ṅwaha muṅwe na muṅwe na uri zwi anḓadzwa kha Gazethe ya Muvhuso)
- Hu nga kha ḓi badelwa nga tsheke yo livhiswa kha Mulangi Muhulwane : Muhasho wa zwa Vhulimi, zwa Maḓaka na Vhureakhovhe, ine i nga rumelwa na fomo dza khumbelo zwa livhiswa kha ḓiresi yo ṋetshedzwaho.
- Mbadelo dzi nga kha ḓi itwa ofisini dza Muhasho wa zwa Vhulimi, zwa Maḓaka na Vhureakhovhe sa zwe zwidodombedzwa zwa ṋetshedziswa zwone.
- Hune vha vha vha tshi khou itela khumbelo muṅwe, vha humbelwa uri vha vhe na vhuṱanzi ha uri vha khou badela nga dzina ḽa onoyo muthu kana dzina ḽa khamphani.
- Uri hu ḓivhee uri murengi ndi nnyi kha vha sumbedzise nga u ṅwala dzina na tshifani tshavho.
A huna khumbelo ine ya ḓo tshimbidzwa hu si na khwaṱhisedzo ya mbadelo. Khwaṱhisedzo ya tshelede yo dzheniswaho i tea u fekisiwa kha: 012 329 8292 zwo livhiswa kha: Ina Labuschagne.
Tshifhingambekanywa
Dokotela wa zwifuwo wa muvhuso u bva ofisini ya Lushaka a vhuya a tenda zwa u renga u bva nnḓa, zwi dzhia maḓuvha mararu u ya kha maṱanu a mushumo uri khumbelo yavho i tshimbidziwe na u ṋetshedza phemithi.
Zwi ita vhugai
Fomo dzi no tea u ḓadzwa
- Application to import animals or animal products into the RSA (subjected to quarantine).
- Application to import animals or animal products into the RSA (subjected to further control).
- Application to import animals or animal products into the RSA (not subjected to quarantine).
- https://www.dalrrd.gov.za/Branches/Agricultural-Production-Health-Food-…
Vha kwama inyi
Contact list: Import and export of animals and animal products