Khumbelo u wana iṅwe garaṱa yavho ya ṱhanziela ya u reila yo tshinyadzwaho

Nga ha u wana iṅwe garaṱa yavho ya ṱhanziela ya u reila yo tshinyadzwaho

Arali garaṱa ya ṱhanziela ya u reila yavho yo xela,u tswiwa kana u tshinyadzwa, vha nga ita khumbelo ya ntswa.

Vha ḓo fanela u ita khumbelo ya ṱhanziela ya u reila ya tshifhinganyana nga mbadelo dzo engedzwaho musi vha tshe vho imela ṱhanziela ya u reila yavho i tshi ṋtshedzwa.

U wana iṅwe garaṱa, a vha nga ḓo fanela u ita ndingo dza ṱhanziela ya u reila, fhedzi vha ḓo ita ndingo dza maṱo na u dzhiiwa magunwe. kana, vha nga ita ndingo dza maṱo kha dokotela wa maṱo vha ṋetshedza fomo kha senthara ya vhuendi.

Zwine vha tea u ita

1. Kha vha ye DLTC ya tsini vho fara zwi tevhelaho:
   • Ḽiṅwalo ḽa vhuṋe (ID) na khophi ya ID yavho, ḽaisentsi ya garaṱa yavho ya kale kana ḽiṅwalo ḽa u tshimbila ḽa Afrika Tshipembe
   • vhuṱanzi ha ḓiresi yavho ya poswo na ya hune vha dzula hone sa tsumbo, akhaundu ya maḓi kana muḓagasi. Arali akhaundu iyo i si madzinani avho, muṋe wayo u fanela u ita ḽianelwa ḽi ambaho uri vhone vha dzula ḓiresini yawe nahone tshitatamennde tsha maḓi kana muḓagasi tshi farekanywe na ḽianelwa. 
   • arali vha tshi dzula vhudzulavhathu hu si fomala, vha fanela u ḓisa luṅwalo lu re na tshiṱemmbe tsha datumu tsha ofishala u bva kha mukhantselara wa wadi lu khwaṱhisaho ḓiresi yavho ya poswo na ya madzulo.
   • zwinepe zwiṋa zwi fanaho zwi si na muvhala. Vha fanela u thoma vha khwaṱhisedza na DLTC uri ndi zwinepe zwingana zwine vha zwi ṱoḓa phanḓa ha musi vha tshi dzhia zwinepe.
2. Kha vha ḓadze fomo (DL1) ya Khumbelo ya ḽaisentsi ya u reila henefho DLTC.
3. Kha vha ḓadze fomo ya nḓivhadzo ya tshanduko ya ḓiresi kana zwidodombedzwa zwa muthu kana dzangano (NCP).
4. Vha ḓo humbelwa u ita ndingo dza maṱo. 
5. Kana, ndingo dza maṱo dzi nga itwa nga vhone vhane kha ṅanga ya maṱo ye vha tou ḓinangela; mvelelo dzi fanela u iswa ngei DLTC.

Tshifhingambekanywa

• Ṱhanziela ya u reila yavho ntswa i fanela u vha yo luga kha vhege nṋa u ya kha dza rathi.
• Ṱhanziela ya u reila ya tshifhinganyana i ṋetshedzwa na zwenezwo.

Zwi ita vhugai

Kha vha kwame ofisi yavho yapo ya ḽaisentsi u vhudzisa mutengo.

Fomo dzi no tea u ḓadzwa

Khumbelo ya ṱhanziela ya u reila, DL1. Fomo i wanala kha Senthara ya u linga vhareili.

Vha kwama inyi