Kombela mfanelo yo cela migodi

Mayelana no kombela mfanelo yo cela migodi

Loko u lava mfanelo yo cela migodi, u fanele ku kuma mpfumelelo wo huma eka Ndzawulo ya Switirhisiwa swa Swicelwa ku cela swicelwa endhawini yo karhi.

Mfanelo yo cela migodi yi nga ka yi nga tluli nkarhi wo ringana 30 wa malembe.

Mfanelo yo cela migodi yi nyikiwa loko:

• swicelwa swi nga ceriwa kahle
• u ri na mali na vutshila bya vutivi byo fambisa matirhele yo cela migodi lama kunguhatiweke kahle
• pulani ya swa timali yi fambisana na matirhele yo cela migodi lama kongomiweke na nkarhi wa lowu vekiweke
• ku nga vi na nthyakiso kumbe ku onhiwa ka mbango loku nga amukelekiki loku nga humelelaka hikwalaho ka matirhele yo cela migodi
• u lulamisile swa timali na swilaveko swin’wana na swin’wana leswi fambelanaka na makungu ya vatirhi na ntirho
• u nga tluli Nawu wa Nhluvukiso wa Switirhisiwa swa Swicelwa na Petiroliyamu, 2002 (Nawu wa vu 28 wa 2002) (MPRDA)
• matirhele ya fambisana na Tsalwa ra Tifanelo ta Migodi.

Leswi u faneleke ku swi endla

1. Endla xikombelo hi ku nghena eka  netiweke.
2. Hakela mali ya nkalantlheriselo ya xikombelo hi ku nghena eka netiweke.
3. Loko sisiteme yi amukela xikombelo, u ta tivisiwa ku rhumela nongonoko wa malawulele ya mbango leswaku wu ta kuma mpfumelelo.
4. Tivisa no tihlanganisa na mihlangano hinkwayo leyi nga na ku tsakela no khumbeka ku nga se hela 180 wa masiku kusukela eka siku ra xitiviso. 

Xana swi teka nkarhi wo fika kwihi

• Loko xikombelo xa wena xi fikelela swilaveko hinkwaswo mininjhere wa xifundza u ta ku tivisa hi ku ku tsalela ku nga se hela 14 wa masiku endzhaku ko amukela xikombelo loko xi amukelekile. Mininjhere wa xifundza u ta ku lerisa ku tihlanganisa na n’wini wa misava, loyi a tshamaka eka misava yaleyo na mihlangano hinkwayo leyi khumbekaka.
• Loko xikombelo xi nga amukelekangi mininjhere wa xifundza u ta ku tlherisela xikombelo ku nga se hela 14 wa masiku.
• Loko Holobye a ala ku nyika mfanelo yo cela migodi, u ta tivisiwa hi ku tsaleriwa, ku nga se hela 30 wa masiku, ku hlamusela swivangelo swo aleriwa.

Xana swi durha mali muni

Tihlanganise na Ndzawulo ya Switirhisiwa swa Swicelwa leswaku u ta tiva mixavo.

Tifomo leti tatiwaka

Swikombelo swi rhumeriwa hi ku nghena eka netiweke.

Loyi u tihlanganisaka na yena