Mpfuxeto wa ntsariso wa ku dlaya mbeleko wa swimilani

Maendlelo

Leswi u faneleke ku swi endla

Swi teka nkarhi wo tanihi kwihi

Matirhelo na nkarhi wa ku endliwa ka ntirho

Xana ku hakeriwa mali muni

Tifomo leti faneleke ku tatiwa

Vuxokoxoko bya ku tihlanganisa  

Mapfuxetelo ya ku trsarisa ku dlaya mbeleko wa swimilani

U fanele u endla xikombelo xa ku pfuxeta ntsariso wa wena wa ku dlaya mbeleko wa swimilani endzhaku ka malembe manharhu man’wana na man’wana. U fanele ku rhumela xikombelo xa wena eka Nawu wa Mutsarisi wa Nawu wa 36 wa 1947 loko ku nga si fika siku ra vu 31 ra Nyenyankulu elembeni leri ntsariso wa wena wu hundzeriwaka hi nkarhi.

U fanele ku tihlanganisa na ndzawulo ya Vurimi ya xifundzankulu ku kuma mutshunguri wa tiko eka ndhawu ya ka n’wina laha a nga ta ku letela ku dlaya mbeleko wa swimilana swa wena. Mutshunguri wa tiko u ta ku nyika xitifiketi xa ku kamberiwa hi mutshunguri lexi u faneleke ku xi khomanisa eka xikombelo xa wena. Xitifiketi xi fanele xi tiyisisa leswaku ximilani xa wena xi:

• landzelela swilaveko swa rihanyo lerinene
• vulanguteri byi landzelele swilaveko swa xinawana xa ku dlaya mbeleko wa swimilani
• na ndhawu ya kahle yo hlayisela swimilani
• swimakiwa swa swiharhi swo phurosesiwa a swi tluleriwi hi switsongwatsongwani.

Loko wo tsandzeka ku pfuxeta ntsariso wa wena wa ku dlaya mbeleko wa swimilani hi siku ra vu 31 ra Nyenyankulu kumbe ri nga si fika ra lembe leri ntsariso wa wena wu hundzeriwaka hi nkarhi, Mutsarisi wa Nawu wa 36 wa 1947 u ta herisa ntsariso wa wena wo sungula naswona xitifiketi a xi nga tirhi.
 

Leswi u faneleke ku swi endla

1. Tihlanganisi na ndzawulo ya vurimi ya xifundzankulu xa ka n’wina ku kombela vuxokoxoko bya vuhlanganisi bya mutshunguri wa tiko loyi a nga endhawini ya ka n’wina.
2.  Tihlanganisi na mutshunguri wa tiko na ku n’wi kombela ku letela ku dlaya mbeleko ka wena ka swimilani leswaku u kota ku kuma xitifiketi xa vukamberi eka mutshunguri.
3. Loko u kumile xitifiketi, u fanele ku dawuniloda fomo ya xikombelo xa mpfuxeto wa ntsariso wa ku dlaya mbeleko wa swimilani kutani u yi tata.
4. U fanele u khomanisa leswi landzelaka eka fomo ya wena ya xikombelo:

• Ntsengo wa xikombelo
• Xiviko kumbe xitifiketi xa vukamberi hi mutshunguri
• Xitatimente xa ku hlambanya leswaku vuxokoxoko lebyi nga rhumeriwa eka xikombelo xa wena  xo sungula xa ku dlaya mbeleko wa swimilani swa ha fana.

5.    Hakela mali ya xikombelo hi cheke, kumbe xileriso xa poso kumbe xileriso xa mali eka The Director-General: Department of Agriculture, Land Reform and Rural Development. Reference: Sterilising Plant. Loko ku ri u ta yisa hi voko xikombelo xa wena na mali ya xikombelo, u fanele u tiyisisisa leswaku u kuma xilipi xo hakela. Loko ku ri u hakela mali ya wena hi ku rhumela hi Akhawuti ya Xielekitironoki, u fanele u hakela eka akhawuti leyi landzelaka:
Vito ra akhawuti: NDA-ACT 36 ya 1947
Nomboro ya akhawuti: 11 2031 02
Yelaniso: 13SP1 na vito ra ximilani
Nomboro ya rhavi: 01 0845
Vito ra bangi: Standard Bank.

6.    Rhumela fomo ya wena  na papila ra ku tiyisisa tihakelo hi poso eka: The Registrar Act 36 of 1947, Private Bag X343, Pretoria 0001 kumbe u yisa hi voko eka: The Registrar Act 36 of 1947, Agriculture Place, 20 Steve Biko Street, Arcadia, Pretoria.

Swi teka nkarhi wo tanihi kwihi

Tin’hweti tinharhu.

Xana ku hakeriwa mali muni

Tihakelo ta 2024/54

Tifomo leti faneleke ku tatiwa

Xikombelo xa ku pfuxeta ntsariso wa ku mhikisa swimilani

Vuxokoxoko bya ku tihlanganisa