Kopo ya ho ngodisa difaktori tsa mosebetsi wa ho bolaya dikokwanahloko

Dintlha ka kopo ya ho ntjhafatsa boingodiso ba sebaka sa tlhwekiso

O tlameha ho etsa kopo ya ho ntjhafatsa boingodiso ba sebaka sa hao sa tlhwekiso kamora dilemo tse ding le tse ding tse tharo. Kopo ya hao e tlameha ho iswa ho Mongodisi wa Molao wa 36 wa 1947 pele ho mohla la 31 Tlhakubele selemong seo  boingodiso ba hao bo felang ka sona.

Ho ntjhafatsa kopo ya hao, o tlameha ho iteanya le lefapha la heno la porovense la Temothuo ho fumana Ofisiri ya Bongaka ba diphoofolo ya mmuso sebakeng sa heno ho hlahloba sebaka sa hao sa tlhwekiso. Ofisiri ya Bongaka ba Diphoofolo e tla o neha setefekeiti sa tlhahlobo ya bongaka ba diphoofolo seo o tlamehang ho se hlomathisa kopong ya hao. Setefekeiti sa tlhahlobo ya bongaka ba diphoofolo se tlameha ho netefatsa hore:

• sebaka sa hao se phethahatsa ho ya ka ditlhoko tsa bohlweki
• taolo ya sebaka sa hao e phethahatsa ho ya ka ditlhoko tsa molao wa Tlhwekiso ya sebaka
• sebaka sa hao se na le disebediswa tse loketseng
• dihlahiswa tsa diphoofolo tse kentsweng dikhemikhale ha di na pathogenic organisms.

O tlameha ho lefa tjhelete ya kopo ka tjheke, tjhelete e tsamaiswang ka poso ho Motsamaisikakaretso: Temothuo, Tshupiso: Sebaka sa Tlhwekiso. Haeba o tlo isa kopo ya hao le tjhelete ya kopo ya hao ka letsoho, o tlameha ho netefatsa hore o fumana setlankana sa hore o lefile. Haeba o lefa tjhelete ya hao ka Phethiso ya Eleketeroniki, o tlameha ho e lefa akhaonteng e latelang:

Lebitso la Banka: Standard Bank
Lebitso la akhaonte: NDA-ACT36 of 1947
Nomoro ya Akhaonte: 11 2031 02
Tshupiso: 13SP, Khoutu ya lekala: 01 0845.

Ha o ka hloleha ho ntjhafatsa boingodiso ba sebaka sa hao sa tlhwekiso ka la kapa pele ho la 31 Tlhakubele selemong sa ho qetela seo boingodiso ba hao bo felang ka sona, Mongodisi wa Molao wa 36 wa 1947 o tla hlakola boingodiso ba hao ba pele mme setefekeiti sa hao se ke ke sa ba molaong.

O lokela ho etsang

1. Iteanye le Lefapha la heno la Porovense la Temothuo mme o kope dintlha tsa ho iteanya le Ofisiri ya Bongaka ba Diphoofolo ya Mmuso sebakeng sa heno.
2. Iteanye le Ofisiri ya Bongaka ba Diphoofolo ya Mmuso  mme o e kope hore e hlahlobe sebaka sa hao sa tlhwekiso hore o kgone ho fumana setefekeiti sa tlhahlobo ya bongaka ba diphoofolo.
3. Kamora hoba o fumane setefekeiti sa bongaka ba diphoofolo, o tlameha ho fumana foromo ya kopo ya boingodiso ba sebaka sa tlhwekiso inthaneteng, tlasa diforomo tse tlatswang ka tlase mme o e tlatse. Kopo ya hao e tlameha ho felehetswa ke tse latelang:
   • tjhelete ya kopo
   • setefekeiti kapa tlaleho ya tlhahlobo ya bongaka
   • seteitemente sa kano se bolelang hore tsebiso eo o faneng ka yona kopong ya hao ya pele ya sebaka sa hao sa tlhwekiso e ntse e le yona eo.
4. Romela foromo le bopaki ba tefo ya hao ka poso ho: Molao wa Mongodisi wa 36 wa 1947, Poso ya poraevete ya X250, Pretoria 0001 kapa di ise ka letsoho ho: Molao wa Mongodisi wa 36 wa 1947, Moahong wa tsa Temo, 20 Seterateng sa Steve Biko, Pretoria.

Nako ya tshebetso

Dikgwedi tse tharo.

Ditjeo ke bokae

Ditefiso tsa 2024/25

Diforomo tse tlatswang

Application for renewing registration of a sterilizing plant

Dintlha tsa ho iteanya