Loko u lava ku ti kuma u ri karhi u endla migingiriko ya vuphorisa eka Ndzawulo ya Vukorhokerhi bya Xiphorisa (SAPS) laha u nyikelaka vukorhokeri ya wena u nga languteli ku hola, u fanele u endla xikombelo ku u kota ku va phorisa ra le thlelo ra nkarhinyana.
Phorisa ra le tlhelo ra nkarhinyana i xirho xa muganga lexi xi tirhaka mintirho ni migingiriko ya nkarhinyana (kwalomu ka 16 wa tiawara hi nhweti) eka Ndzawulo ya Vukorhokeri bya Xiphorisa laha a ngo nyikela vukorhokeri bya yena a nga holi nchumu.
U nga ka u nga thoriwi ku va phorisa ra tlhelo ra nkarhinyana loko:
- muthori wa wena wa khale a ku yimise entirhweni hikokwalaho ka rihanyo ra wena
- u ri mutirhi wa khale wa (SAPS) laha xikombelo xa wena xa ku ti tsarisela nakambe xi nga amukeriwanga
- u khome xivandla kumbe xitulu xo karhi eka yin’wana ya minhalangano ya tipolotiki
- u ri muteki wa mahungu kumbe muyimeri hi tlhelo ra swa mahungu
- u ri mudyondzi
- u ri muofisiri wa vusirheleri
- u ri xirho xa vukorhokerhi bya xiphorhisa eka masipala.
Ku kumeka u va phorisa ra thlelo ra nkarhinyana u fanele:
- u va mutshami wa nkarhi hinkwavo wa Afrika-Dzonga
- u va na malembe ya 18 kumbe ku tlula na kona u va ehansi ka 70 wa malembe
- u ntshuxekile eka xiyimo kumbe vuvabyi bya miehleketo lebyi nga nghenelelaka eka ntirho wa wena
- u va munhu wa mahanyelo laha ku faneleke ku va na vanhu lava nga ta va timbhoni eka vumunhu bya wena
- u fikelela hi ku hetiseka swikambelo swa miehleketo leswi swi rhangeriwaka hi khomixinara wa rixaka
- u va na xitifikhethi xa seniya kumbe mbhumambhumelo wo ringana lowu u nga ta fanela ku humesa vumbhoni bya wona
- u fanele u kota ku vulavula, ku hlaya, no tsala hi Xinghezi tani hi rin’we ra tindzimi ta ximfumu
- u fanele ku tekiwa migandliso ya tintinho na kona u fanele u nga ri na nandzu eka vugevenga byihi kumbe byihi
- u fanele ku va u ti yimisele ku ya eku leteriweni
- u fanele u teka xiboho xa ku ya hlambanya
- u nga vi na swigandlo lebyi nga lo tlangandla emirhini wa wena.
Ku va na maphepha ya vuchayeri swa laveka kambe a hi leswi swi bohaka eka phorisa ra le tlhelo ra nkarhinyana.
Ku kuma vuxokoxoko eka ndlela ya ku va phorisa ra le tlhelo ra nkarhinyana u nga ti hlanganisa na Ndzawulo ya Vukorhokeri bya Xiphorisa bya Afrika-Dzonga.