Nawufuna ukwena imisebenzi yesipholisa ngokusebenzela zemiSebenzi yesiPholisa yeSewula Afrika (i-SAPS) ngokuzinikela, kufanele wenze isibawo sokuba lipholisa lesikhatjhana.
Ipholisa lesikhatjhana lilunga lomphakathi elisebenza ngeenkhathi ezithileko (ubuncani bakhona ama-iri ali-16 ngenyanga) lisebenza imisebenzi yobupholisa ngaphasi kwe-SAPS ngokuzinikela lingabhadelwa.
Angeze waqatjhwa ube lipholisa lesikhatjhana nayibe u:
- mqatjhi wangaphambilini wakuthokozisa umsebenzi ngonobangela wokugula
- lilunga langaphambilini le-SAPS elingakamukelwa nalifaka isibawo sokutloliswa ngobutjha
- nesikhundla ngehlanganweni yepolotiki
- mbikiindaba osebenza ngokuzeleko namkha umjameli wehlangano yababikiindaba
- mfundi
- ngunogada
- lilunga lebutho lamapholisa kamasipala.
Ukuze ube lipholisa lesikhatjhana kufanele u:
- be nemvumo yobakhamuzi basafuthi ngeRiphabhliki yeSewula Afrika
- be neminyaka eli-18 ubudala okungasenani kodwana ingeqi kwema-70
- ngaguli ngokomkhumbulo, begodu ungabi nobulwele namkha ukukhubazeka okungaphazamisa ukusebenza kwakho
- be nesimilo esihle, kufanele kwethulwe ubufakazi bomlando wakho
- phumelele ekuhlolweni ngokomkhumbulo ekusiqunto esingathathwa ngukomitjhinara wamapholisa welizwe
- be nesitifikedi sikamethrigi namkha iimfundo ezilingana naso begodu kufanele uveze ubufakazi obutloliweko
- kghone ukukhuluma, ukufunda nokutlola isiNgisi njengelinye lamalimi wangokomthetho
- vume ukugadangiswa imino begodu ungatholakali umumuntu okhe wathweswa umlandu ngemva kokutjhutjhiswa
- zimisele ukubandulwa
- zimisele ukwenza isifungo
- ngabi namagwalo womzimba abonakalako
Iincwadi zokutjhayela zisitjhukumiso kodwana akukakateleleki bona ipholisa lesikhatjhana libe nazo
Fumana ilwazi elinabileko ngokuba lipholisa lesikhatjhana namkha uthintane nebezemiSebenzi yesiPholisa yeSewula Afrika.
