Ge o rata go dira mešomo ya bophodisa legatong la Ditirelo tša Maphodisa a Afrika Borwa (SAPS) ka go ithaopa, o tla swanelwa ke go dira kgopelo ya go ba lephodisa la tlaleletšo.
Lephodisa la tlaleletšo ke leloko la setšhaba leo le dirago mešomo ya sephodisa nakwana mo SAPS, (diiri tše di ka bago 16 ka kgwedi) le šoma bjalo ka moithaopi wa go se lefše.
O ka se thwalwe bjalo ka lephodisa la nakwana ge e le gore:
- mongmošomo wa mošomo wa gago wa peleng a ile a go lokolla mošomong ka lebaka la maemo a gago a maphelo, a go fokola
- e le gore o leloko la peleng la SAPS leo kgopelo ya lona ya go bušetšwa mošomong e ile ya se amogelwe
- o thwetšwe goba o šoma mošomo wo mongwe le wo mongwe ka kantorong ya mokgahlo wa dipolitikiki
- o šoma nako ka moka bjalo ka raditaba goba moemedi wa boraditaba
- o morutwana
- o šoma bjalo ka moofisiri wa tšhireletšo
- o leloko la ditirelo tša sephodisa sa mmasepala.
Go ba lephodisa la tlaleletšo o swanetše go:
- ba modudi wa go ya go ile wa Repabliki ya Afrika Borwa
- ba le mengwaga ye 18 go ya godimo mengwaga yeo e sa fetego 70
- se be le bothata bja monagano, malwetši goba mafokodi a mangwe ao a ka go palediša go dira mošomo wa gago
- ba o ne le maitshwaro a mabotse, moo e lego gore go tla swanelwa go hwetšwa gore go bjalo ge go nyakišišiwa
- atlega molekwaneng/kelong ya tekatlhaloganyo moo mokomišenara wa bosetšhaba e ka bago yena yoo a e beakantšego
- ba le lengwalo la marematlou goba lengwalo la go lekana le lona gomme o tšweletše bohlatse bja lona
- kgona go bolela, go bala le go ngwala Seisimane bjalo ka ge e le le lengwe la maleme a semmušo
- dumela gore go gatišwe menwana ya gago gomme go hwetšwe gore ga se wa ka wa hwetšwa o na le molato bosenying goba go hwetšwa o le ka gare ga molato wo o o sekago
- ba o itokišeditše go tlhahlwa
- tšea kano ya mošomo
- se be le di-tattoo tšeo di bonalago.
Matlalo a go otlela ke tšhišinyo, e sego senyakwasegolo go maphodisa a nakwana.
Hwetša dintlha ka botlalo mabapi le ka moo o ka bago lephodisa la tlaleletšo goba o ikgokaganye le ba Ditirelo tša Maphodisa a Afrika Borwa.
