Thebolelo ya botsofe

Ka ga

Se o tshwanetseng go se dira

Nako ya tiragatso

Tuelo ke bokae

Diforomo tse di tladiwang

O ka golagana le mang

Ka ga thebolelo ya batsofe

O ka bona thebolelo e e ka go thusang mo botsofeng jwa gago. Thebolelo ya batsofe e duelwa basadi ba dingwaga tse 60 kgotsa go feta kgotsa banna ba dingwaga tse 60 kgotsa go feta. Thebolelo e mo malobeng e ne e bidiwa phenšene ya botsofe.

O itse jang gore e a go tshwanela?

O tshwanetse go bo o:

• le moagi kgotsa modudi wa leruri wa Aforika Borwa
• nna mo Aforika Borwa
• sa amogele thebolelo e nngwe ya loago
• sa tlhokomelwe mo setheong sa puso
• sa amogele go feta R86 280  ka ngwaga. Fa o nyetse/nyetswe, lotseno lwa lona lo kopane ga le a tshwanela go feta R 172 560 ka ngwaga
• dithoto tsa gago e se tsa boleng jo bo fetang R1 227 600  fa o sa nyala/nyalwa mme wena le mogatso ga thoto ya lona ga e a tshwanela go feta R2 455 200.

O tla newa bokae?

Bontsi jwa madi a o tla a amogelang ke R 2 310 ka kgwedi. Fa e le gore o na le dingwaga tse di fetang 75, o tla amogela R2 330.

O tla duelwa jang?

Setheo sa Tshireletso ya Loago sa Aforika Borwa (SASSA) e tla go duela ka nngwe ya ditsela tse di latelang:

• madi a a seatleng kwa lefelong la tuelo ka letsatsi le le rileng
• go tsenngwa ga madi mo akhaontong ya gago ka mokgwa wa eleketeroniki, kgotsa banka ya poso (banka e ka go duedisetsa tirelo e)
• ditheo (sekao. legae la batsofe).

Ela tlhoko: Fa o sa kgone go ya go itseela madi ka bowena, o ka supa moemedi wa kantorong ya SASSA, kgotsa wa neela mongwe maatla a mmueledi a go ya go tsaya thebolelo eo mo boemong jwa gago.

Thebolelo ya gago e ka sekasekwa leng?

SASSA e ka sweetsa gore a thebolelo ya gago e tlhoka go sekasekwa. Lotseno lwa gago jaaka o lo tlhagisitse fa o ne o dira kopo ya thebolelo ke lona le tla laolang tshwetso eo. O tla itsisiwe dikgwedi tse tharo pele ga nako ka letlha le tebosešwa e tla diragalang kgotsa letlha le setifikeiti sa botshelo se batlegang. Fa o amogela madi a gago ka banka, setheo kgotsa moemedi, o tlhoka go tlatsa setifikeiti sa botshelo kwa kantorong ya SASSA ngwaga mongwe le mongwe.  

Thebolelo ya gago e ka sekegwa leng?

Dilo tse di latelang di ka baka go sekegwa ga thebolelo ya gago:

• fa maemo a gago a fetoga
• ditlamorago tsa tshekatsheko
• fa o se na tirisanommogo fa thebolelo e lejwa sešwa
• fa o dira bogwenegwene kgotsa o tsietsa
• fa go ne go diragetse phoso fa thebolelo ya gago e amogelwa.

Thebolelo ya gago e ka fela leng?

Thebolelo e tla fela fa o:

• tlhokafala
• amogelwa mo setheong sa puso
• o sa lope dikgwedi tse tharo ka tatelano
• se teng mo nageng.

Fa mosiamelwa a amogelwa mo setheong se se nang le konteraka le puso go tlhokomela le go tlamela mosiamelwa yoo, thebolelo ya loago e fokolediwa go 25% ya tlhotlhwa e e kwa godimo ya thebolelo ya loago go tloga ka kgwedi ya bone morago ga go amogelwa ga mosiamelwa mo setheong seo. Thebolelo e e fokoditsweng e busediwa maemong a yona ka letlha le mosiamelwa a gololwang mo setheong seo.

Thebolelo ya batsofe

Se o tshwanetseng go se dira

• Etela kantoro e e gaufi nao ya Setheo sa Tshireletso ya Loago sa Aforika Borwa (SASSA) mme o tle le tse di latelang:
  • Lekwaloitshupo la gago la bakhoutu ya ditlhakapalo tse 13 (ID). Fa o sena ID:
    • o tshwanetse go tlatsa afidafiti go ya ka popego e e dumelelwang ke SASSA fa pele ga Mokhomišinara wa Maikano yo e seng motlhankedi wa SASSA
    • o tshwanetse go tla le setatamente se se kannweng e saenilwe ke motho yo o tlotlegang (jaaka molekgotla, moeteledipele wa setso, modirediloago, moruti wa tumedi kgotsa mogokgo wa sekolo) yo o ka netefatsang leina le dingwaga tsa gago
    • motlhankedi wa SASSA o tla gatisa menwana ya gago. O tla romelwa kwa Lefapheng la Merero ya Selegae le fa kopo ya gago e ntse e diragadiwa. Fa o sa newe lekwaloitshupo, thebolelo ya gago e tla sekegwa.
  • bopaki jwa kemo ya lenyalo (fa go kgonega)
  • bopaki jwa bonno
  • bopaki jwa lotseno, dikarolelo (fa di le teng)
  • bopaki jwa dithuto go akaretsa le boleng jwa thoto ya gago
  • bopaki jwa phenšene ya poraefete (fa e le teng)
  • kanego ya gago ya dikgwedi di le tharo sa banka
  • fa o ne o dira, Letlole la Inšorense ya Botlhokatiro (UIF) (buka e tala) kgotsa setifikeiti sa go ntshiwa mo tirong ke mothapi fa e le gore o ne o dira
  • khopi ya wili le diakhaonto tsa ntlha le tsa bofelo tsa tswalo le phatlhalatso, fa e le gore molekane wa gago o tlhokafetse mo dingwageng tse tlhano tse di fetileng.

Ela tlhoko: Fa o tsofetse kgotsa o lwala mo o ka se kgoneng go ya kwa kantorong go dira kopo, leloko la lelapa kgotsa tsala e ka go dira kopo boemong jwa gago. Motho yoo o tshwanetse go tsamaya le lekwalo le le tswang mo go wena kgotsa mo ngakeng le le tlhalosang gore ke ka ntlha ya eng o ka se kgone go ya kwa kantorong.

• Tlatsa foromo ya kopo fa pele ga motlhankedi wa SASSA (ela tlhoko gore ke wena fela motswelwamosola kgotsa motlhankedi wa SASSA o ka tlatsang foromo ya kopo). Motlhankedi yoo o tla go botsolotsa mme a go bolelele gore a o tshwanelwa ke thebolelo eo.
• O tla newa rasiti. E tshole jaaka bopaki jwa gore o dirile kopo.

Nako ya tiragatso

• Go ka tsaya go fitlha go dikgwedi tse tharo go diragatsa kopo ya gago.
• Fa kopo ya gago e atlegile, o tla duelwa go tloga ka letlha le kgotlatshekelo e beileng ngwana mo tlhokomelong ya gago.

Tuelo ke bokae

Diforomo tse di tladiwang

Foromo ya kopo ga e teng mo inthaneteng. O ka e bona kwa kantorong e e gaufi nao ya tshireletso ya loago (SASSA).

O ka golagana le mang

Setheo sa Tshireletso ya Loago sa Aforika Borwa (SASSA)