Kopo ya tokomane ya boitsebiso kgetlo la ho qala

Haeba o na le dilemo tse16 le ho feta, o ka etsa kopo ya tokomane ya boitsebiso (ID). O tla hloka ID bakeng sa ho ingodisetsa ditlhahlobo tsa materiki, ho thola laesense ya ho kganna kapa ho bula akhaonte ya banka.

Haeba o thola ho na le diphoso ha o qeta ho thola ID ya hao mabitsong a hao, Lefapha la Merero ya Lehae le tla o fa ID e nngwe mahala.

O ka etsa kopo botjha ya ID e nngwe:

  • haeba o nyetswe mme o batla ho nka fane ya molekane wa hao.
  • haeba o le mosadi mme o batla ho etsa kopo ya ID e ntjha bakeng sa fane efe kapa efe eo o neng o e sebedisa pele
  • haeba bukana ya hao ya ID e lahlehile, utsuwe kapa e senyehile.

Lefapha la Merero ya Lehae le fetolela bukana e tala ya ID ho Karete ya Boitsebiso. Sena se tla etsahala nakong ya dilemo tse robedi tse tlang, ka hoo ha ho bolele hore o tla thola karete ya ID ha o etsa kopo ha jwale. Haeba o se o na le ID, o tla bitswa bakeng sa ho etsa kopo ya karete ya ID.

Thola lesedi le fetang lena mabapi le tokomane ya boitsebiso kapa ikopanye le Lefapha la Merero ya Lehae.

 

Share this page