Amohela ditswantle tsa diphoofolo le dintho tsa le

Dintlha ka mabapi le ho reka diphoofolo tse phelang

Haeba o batla ho reka diphoofolo tse phelang, bomaditshibana le thepa ya dijine ka ntle e kang lero la botona le peo etsa kopo ya tumello le Mongodisi wa Ntlafatso ya Diphoofolo ho reka diphoofolo kapa thepa ya dijine ho tla ka Aforika Borwa. O tshwanela ho etsa kopo matsatsing a 30 pele o reka ka ntle.

O tshwanela hape ke ho etsa kopo ya setifikeiti sa tsa diphoofolo ho Motsamaisi wa Bophelo bo Botle ba Diphoofolo.

O lokela ho etsang

1. Tlatsa diforomo tse latelang tsa kopo:
   • Kopo bakeng sa ho reka diphoofolo le thepa ya dijine dinaheng tse ka ntle
   • Kopo bakeng sa ho reka bomaditshibana/mahe dinaheng tse ka ntle
2. Bakeng sa ho reka phoofolo ka ntle, o tshwanela ho etsa tse latelang:
   • Fumana setifikeiti ho tswa ho mongodisi ya molaong naheng ya ka ntle eo o rekang phoofolo ho yona. Setifikeiti se tshwanela ho bontsha mofuta wa madi wa DNA wa phoofolo le nalane ya phoofolo. Ha o ka hloleha ho fumana setifikeiti sena, o tla tlameha ho isa phoofolo eo o e rekileng ka ntle ditekong tsa DNA ho la Aforika Borwa. O tshwanela ho e isa ditekong nakong ya matsatsi a 30 kamora hoba e fihle.
   • Kananelo e tswang ho Mokgatlo wa Aforika Borwa wa Boramehlape o amehang
   • Kenyeletsa setifikeiti sa DNA (haeba o ile wa kgona ho thola setifikeiti).
3. Bakeng sa ho reka peo ka ntle, o lokela ho etsa tse latelang:
   • Ikopanye le mongodisi ya molaong naheng eo o batlang ho reka ho yona.
   • Mongodisi o lokela ho o neha setifikeiti sa DNA sa phoofolo e sebedisitsweng bakeng sa ho nontsha peo eo. O keke wa etsa diteko tsa peo Aforika Borwa.
   • Kananelo e tswang ho Mokgatlo wa Aforika Borwa wa Boramehlape
   • Kenyeletsa setifikeiti sa DNA.
4. Bakeng sa ho reka thepa ya dijine ka ntle, o tshwanela ho etsa tse latelang:
   • Hira mosebeletsi wa thepa ya dijine bakeng sa ho lata, ho leibola le ho tshwaya thepa ya dijine eo o batlang ho e reka ka ntle.
   • Ikopanye le mongodisi ya molaong naheng eo o batlang ho reka ho yona.
   • Mongodisi o lokela ho o neha setifikeiti sa DNA le dintlha ka botlalo tsa phoofolo e nngwe le e nnwe e sebedisitsweng bakeng sa ho nontsha peo eo. O keke wa etsa diteko tsa peo Aforika Borwa.
   • Kenyeletsa setifikeiti sa DNA.
   • Kananelo e tswang ho Mokgatlo wa Aforika Borwa wa Boramehlape.
5. Bakeng sa ho reka bomaditshibana kapa mahe a nontshitsweng, o tshwanela ho etsa tse latelang:
   • Ngolla lengolo la kgothaletso ho Motsamaisi: Ditshebeletso tsa Diphoofolo.
   • Lengolo la hao le tshwanela ho hlahisa mabaka a hore hobaneng o batla ho reka mahe le bomaditshibana ho tla ka Aforika Borwa.
   • Ikopanye le mofani eo o rekang bomaditshibana kapa mahe ho yena.
   • Mofani wa ka ntle o tshwanela ho o fa setifikeiti sa bomaditshibana kapa mahe se tiisetsang moloko wa mahe ao le bomaditshibana.
   • Kenyeletsa lengolo le setifikeiti ho tswa ho mofani wa ka ntle.
   • Haeba o lefa ka tjheke kapa poso, etsa hore e lefuwe ho Motsamaisi-Kakaretso, Lefapha la Temothuo, Meru le tsa Ditlhapi, sheba aterese ka tlase mona.
   • Hape tefello e ka etswa dikantorong tsa Lefapha la Temothuo, Meru le tsa Ditlhapi.
   • Boitshupo e tla ba lebitso le sefane sa motho ya rekang ka ntle.
   • Mabakeng a moo o kopelang motho e mong, o koptjwa ho etsa bonnete ba hore o lefa ka lebitso la motho eo kapa la khampani.
   • Bolaodi ba Ntlafatso ya Diphoofolo bo tla sebetsana le kopo ya hao le ho fetisetsa tumello ya hao ya ho reka ka ntle ho Molaodi wa Bophelo bo Botle ba Diphoofolo.
   • Etsa kopo ya setifikeiti sa diphoofolo ho Molaodi wa Bophelo bo Botle ba Diphoofolo, o koptjwa ho ikopanya le bona ho (012) 319 7514
   • O tshwanela ho hlahisa mangolo a tumello ka bobedi ho Mohlanka wa tsa Diphoofolo ledibohong la ho kena, mmoho le setifikeiti sa mantlha sa bophelo bo botle sa diphoofolo se ntshitsweng ke naha ya thomello. Ha ho kopo e tla sebetswa ntle le bopaki ba tefello.

Temoso: Ho tloha ledibohong la ho kena, bomaditshibana le mahe ba tla tsamaiswa ka tlasa bodisa ba ngaka ya diphoofolo kapa ka koloi e kwetsweng ke mohlanka wa tsa diphoofolo.

Nako ya tshebetso

Ho tla nka matsatsi a 30 ho hlophisa kopo ya hao.

Ditjeo ke bokae

Tariffs 2023/24

Diforomo tse tlatswang

Application for the importation of animals and genetic material

Dintlha tsa ho iteanya

Kantoro ya Naha
Mohala: 012 319 7424/34
Fekse: 012 319 7570/7425
Motsemoholo/toropo: Pretoria
Porofense: Gauteng
Aterese ya sebaka: Delpen Building, Cnr Annie Botha Avenue and Union Street, Riviera, Pretoria
Aterese ya Poso: The Registrar of Animal Improvement, Private Bag X138, Pretoria, 0001