Kgopelo ya lengwalo la tumello malebana le koloi

Mabapi le go dira kgopelo ya lengwalo la tumello malebana le koloi

Ge o nyaka go tliša koloi ye mpsha goba ya kgale ka mo nageng go tšwa nageng ya ntle, o swanetše go thoma ka go ba le lengwalo la tumello ya go dira bjalo.

O swanetše go ba le lengwalo la tumello go sa lebellwe gore koloi yeo e dirilwe mo Afrika-Borwa goba nageng ya ntle. Mehuta ya dikoloi tšeo di nyakago lengwalo la tumello:

• dikoloi, dipese le dikuta
• dikoloi tša merwalo (dillori le dibene) 
• dikariki
• dikoloi tša go ikgetha bjalo ka, dikreine, ditrekere, dikoloi tša go buna mašemong.

Dikoloi ka moka, tše di tšweleditšwego mo Afrika-Borwa goba dinageng tša ntle, di swanetše go sepelelana le dinyakwa tša Molao wa Bosetšhaba wa Pharakano (National Road Traffic Act, 1996). Bao ba rekago dikoloi dinageng tša ntle ba swanetše go fana ka bohlatse bja go bontšha gore dikoloi tšeo di sepelelana le dinyakwa tša South African Bureau of Standards (SABS).

Ke fela motho yoo koloi e ngwadišitšwego ka leina la gagwe yo a swanetšego go tlatša fomo.

Seo o swanetšego go se dira

1. Hwetša difomo tša go dira kgopelo (LoA1) go National Regulator for Compulsory Specification goba mo inthaneteng.
2. Tlatša fomo yeo gomme o e romele le ditokumente tše di latelago:
   • khopi ya Pukwana ya Boitsebišo ya mokgopedi, goba ID ya moemedi ge e le gore mokgopedi ke khamphani
   • bitabiti ya koloi ye e fetošitšwego sebopego go tšwa go Ditirelo tša Maphodisa a Afrika Borwa. Yona e swanetše go bontšha nomoro ya entšene le ya tšheise, tshedimošo ka botlalo malebana le mošomo wo o dirilwego koloing yeo le gore dikarolo tša yona di tšwa kae
   • Setifikeiti sa bohlatse sa Ditirelo tša Maphodisa a Afrika-Borwa
   • setifikeiti sa go lokela tsela 
   • setifikeiti sa boima (Weigh bridge certificate) 
   • diswantšho tše pedi tša koloi yeo
3. Lefa tšhelete ye e beilwego.

Lebaka

Lengwalo la gago le tlo loka mo nakong ya matšatši a mane go ya go a tshela.

E dira tshenyagelo ya bokae

Ikgokaganye le kantoro ya tikologo ya geno ya dilaesense go tseba ka ga ditefo.

Diforomo tšeo di swanetšwego go tlatšwa

• Application for letter of authority – LoA1 - to import and register/licence on motor vehicle
• Application Form - LOA2 - to import new motor vehicles into South Africa on a continuous basis
• Application Form - LOA3 - to import motor vehicles into South Africa for a specific purpose
• Application Form - LOAX - letter of authority or exemption to import motor vehicles into South Africa for a specific purpose
• Application Form - ALA - to register/license one motor vehicle which has been newly constructed or modified as per Road Traffic Act

Dintlha tša boikopanyo