Go dira kgopelo ya laesense ya go ba le lefelo goba ya go rekiša

Tlhalošo

O ka dira kgopelo ya go ba le laesense ya go ba le lefelo goba ya go rekiša go Kgoro ya Diminerale le Enetši ge e ba o nyaka go reka le go rekišetša maloko a setšhaba Ditšweletšwa tša Oli kua lefelong leo le nago le laesense.

Hlokomela: Morekiši o dumeletšwe go reka Ditšweletšwa tša Oli e tala go tšwa go motšweletši goba morekišakabontši wo a nago le laesense.

Laesense e tla šoma nakong yeo kgwebo ya gago e šomago.

Tsela e latelwago

• Tlatša fomo ya:
  • Application for site or retail licence: DME 398 (Go dira kgopelo ya laesense ya go ba le lefelo goba ya go rekiša, DME 398) le
  • Retail licence annual information (Submission Form): DME 395 (Tshedimošo ya ngwaga ka ngwaga mabapi le dilaesense tša go rekiša (Fomo ye e Romelwago): DME 395 ye e hwetšagalago kua Kgorong ya Diminerale le Enetši.
• Romela diforomo tše di tladitšwego ka botlalo go Kgorong ya Diminerale le Enetši

Nako ya tšweletšo ya mošomo

Molaodi o tla tšea sephetho lebakeng la matšatši a 90.

• Go šetšwa gore:
  • lebakeng le modirakgopelo a dirago kgopelo ya laesense gomme ditlabelo tša tšweletšo di šetše di le gona goba di le tseleng ya go hlongwa, lebaka la matšatši a 90 le tla thoma letšatši morago ga go amogelwa ga kgopelo  
  • lebakeng le modirakgopelo a dirago kgopelo ya laesense mo e lego gore ditlabelo tša tšweletšo ga se hlwa di e ba gona nakong ya go tsenywa tirišong ga Molao wo o Fetotšwego wa Ditšweletšwa tša Oli e tala wa bo-58, 2003, lebaka la matšatši a 90 le tla thoma letšatšing la go amogelwa ga bohlatse bja kgatišo ya tsebišo
  • dikgweding tše tshela tša mathomo morago ga go tsenywa tirišong ga Melawana ye, lebaka e tla ba matšatši a 250.

Tefelo

R500 ya tshedimošo ya ngwaga ka ngwaga mabapi le laesense ya go rekiša.

Diforomo

• Application for site or retail licence, DE 39
• Retail licence annual information (submission form), DE 33
• Application for temporary licence
   

​​​​​​​Mafelo le diatrese