Go dira kgopelo ya laesense ya go tsweletsa ditsweletswe

Ka ga dira kgopelo ya laesentshe ya go tšweletša phetroliamo

Laesense ya go ba motšweletši wa ditšweletšwa tša oli e tala e go dumelela go tšweletša ditšweletšwa tša oli e tala le go di rekišetša bagwebi ba ba rekago ditšweletša ka bontši goba rakgwebo wo a nago le laesense, go sa akaretšwe go di romela dinageng tša ntle.

Hlokomela: motho a ka se ke a tšweletša ditšweletša tša oli e tala ntle le laesense ya tšweletšo.

O tla tšewa gore o na le laesense ya go tšweletša, le ge e le gore o swanetše go dira kgopelo ya tšweletšo mo lebakeng la dikgwedi tše tshela morago ga go tsenywa tirišong ga Molao, ge e ba o be o le motšweletši pele ga letšatši la go tsenywa tirišong ga Molao e lego ka di-17 Mopitlo (Matšhe) 2006.   

Seo o swanetšego go se dira

1. O swanetše go tlatša Foromo ya kgopelo ya laesentshe ya go tšweletša phetroliamo: ya DE 40.
2. Romela foromo ya dikgopelo kantorong ya selete ya Kgoro ya Enetši.
3. Kgoro e tla go romela lengwalo le ka go lona le bolelago gore o swanetše go phatlalatša tsebišo ya kgopelo ka dikuranteng tše nne.
4. O swanetše go fa Kgoro bohlatse bja phatlalatšo yeo ya tsebišo ya kgopelo.
5. Ge o šetše o na le laesentshe, o swanetše go romela tshedimošo ka ga kgwebo ya gago ngwaga o mongwe le o mongwe o šomiša tshedimošo ya ngwaga ka ngwaga ya laesentshe ya go Tšweletša phetroliamo (Foromo ya go romelwa), ya DE 33.

Lebaka

Sephetho se swanetše go tšewa mo matšatšing a 90 go tloga ka letšatšikgwedi leo Kgoro e amogetšego bohlatse bja phatlalatšo ya tsebišo ya kgopelo.

E dira tshenyagelo ya bokae

• R1 000 ge e le gore o be o šetše o sepediša kgwebo yeo pele ga ge Molaophetošwa wa Ditšweletšwa tša Phetroliamo wa 2003 (Molao wa 58 wa 2003), o thoma go šoma.
• R10 000 ge e le gore o be o sa sepetše kgwebo pele ga ge Molaophetošwa wa Ditšweletšwa tša Phetroliamo wa 2003 (Molao wa 58 wa 2003), o thoma go šoma.
• Tšhelete ya laesentshe ya go tšweletša phetroliamo ya ngwaga ka ngwaga ya R5 000 ya mabapi le ditšweletšwa tša phetroliamo tše di tšweleditšwego ka haetrokhapone efe goba efe go akaretšwa phetroliamo, oli e tala, gase ya tlhago, diela tša gase ya tlhago, goba ka malahla goba ka motswako ofe goba ofe.
• Tšhelete ya laesentshe ya go tšweletša phetroliamo ya ngwaga ka ngwaga ya R500 ya mabapi le ditšweletšwa tša phetroliamo tše di tšweleditšwego ka dilo tša tlhago tše di sego tša ka tša šomišwa.

Diforomo tšeo di swanetšwego go tlatšwa

• Application form for a manufacturing licence: DE 40
• Annual Manufacturing application form DE 37
• Application for temporary licence

Dintlha tša boikopanyo