Ukuvuselelwa kwelayisense yokutjhayela

Okuphathelene nokuvuselela ikarada lelayisensakho yokutjhayela

Kufanele uvuselele ikarada lelayisensakho yokutjhayela iimveke ezine ngaphambi kobana kufike ilanga lokuphelelwa sikhathi. Nangabe uvuselela ilayisensakho yokutjhayela ngemva kwelanga lokuphelelwa sikhathi, kuzokufuneka bona ufake isibawo selayisensi yokutjhayela yesikhatjhana ubhadale enye godu imali engeziweko lokha nawusalindele ukobana ilayisensakho ikhutjhwe.

Tjheja: Ukobana uvuselele ilayisensakho,angeze wakhonjelwa bona uhlolelwe ilayisensi yokutjhayela, kodwana uzakuhlolwa amehlo begodu uthathwe imigadangiso yemino. Nakungasinjalo, ungayokuhlolisa amehlwakho kudorhodera wamehlo bese uthumela iforomo kusentha ehlola amalayisensi wokutjhayela (i-DLTC). Nangabe amehlwakho akasaboni kuhle ukusukela ngelanga owanikelwa ngalo ilayisensi, kuzakuba nemibandela emitjha ekhambisana nelayisensakho.

Okufanele ukwenze nokuvuselela ikarada lelayisensakho yokutjhayela

• Tjhinga kusentha ehlola amalayisensi wokutjhayela uye uphethe lokhu okulandelako:
  • incwadi kamazisi (i-ID) nekhophi ye-ID yakho, ikarada lelayisensi yokutjhayela lakade nanyana iphasipoti yeSewula Afrika esemthethweni
  • iinthombe ezine ezimhlophe nokunzima ezilingana neze-ID 
  • imali yesibawo ebekiweko.
• Zalisa iformo i-DL1, Isibawo sokuvuselela ikarada lelayisensakho yokutjhayela.
• Uzakuhlolwa amehlo nanyana ungakwenza kudorhodrea wamehlo omthandako bese uletha imiphumelakho ku-DLTC.

Isikhathi esibekiweko

Ilayisensakho yokutjhayela etja izakube seyilungile eemvekeni ezine ukuya kusithandathu.

Kubiza malini

Thintana ne-ofisi yokukhupha iimvumo yangekhenu ukuze uthole ilwazi ngeendleko.

Amaforomo ekufanele uwazalise

Iforomo lesibawo sokuvuselela ikarada lelayisensi yokutjhayela,i- DL1. Iforomo liyatholakala kwenye nenye isentha ehlola amalayisensi wokutjhayela begodu naku -eNatis.

Ungathintana nobani