Tlhalošo
Tsela e latelwago
Nako ya tšweletšo ya mošomo
Tefelo
Diforomo
Mafelo le diatrese
Tlhalošo
Motho o mongwe le o mongwe wo a nyakago go rekiša ditšweletšwa tša oli e tala go bareki go di šomiša, o swanetše go dira kgopelo ya laesense ya go reka dilo ka bontši kua Kgorong ya Diminerale le Enetši.
Laesense e go dumelela go reka le go rekiša ditšweletšwa tša oli e tala ka bontši (dilitara tše 1 500 goba le go feta, thekong ye nngwe le ye nngwe ya ditšweletšwa tša oli e tala) go tšwa go motšweletši wo a nago le laesense. Laesense e tla tšwela pele go šoma nakong ka moka ya ge kgwebo ya gago e sa šoma.
Tsela e latelwago
- Tlatša:
- Application for wholesale licence: DME 397 (Fomo ya go dira kgopelo ya laesense ya go reka ditšweletša ka bontši) le
- Wholesale licence annual information (submission form): DME 394 (Tshedimošo ya ngwaga ka ngwaga mabapi le dilaesense tša go reka ditšweletša ka bontši (fomo ye e romelwago) tše di hwetšagalago kua Kgorong ya Diminerale le Enetši).
- Romela diforomo tše di tladitšwego ka botlalo go Kgorong ya Diminerale le Enetši.
Modirakgopelo o swanetše go amogela karabo matšatšing a 90 morago ga go dira kgopelo.
Tefelo
- R1 000 go sa lebelelwe gore ke kgale o reka pele goba morago ga go tsenywa tirišong ga Molao.
- R500 ke seroto sa ngwaga ka ngwaga sa laesense.